ესპანური გამოცემა As-ის ინფორმაციით, მადრიდის „ატლეტიკომ“ „სპორტინგთან“ გუნდის 27 წლის დანიელი კაპიტნის, მორტენ იულმანის წარმომადგენლებთან პირადი კონტრაქტის დეტალები შეათანხმა. იულმანი, რომელიც გიორგი ქოჩორაშვილის კონკურენტია, მზადაა, 5+1 სისტემის კონტრაქტი გააფორმოს, თუმცა გარიგებას მხოლოდ ერთი ფაქტორი აყოვნებს.
24 წლის ფორვარდი ლადო ჩიხრაძე საქართველოს მოქმედი ჩემპიონის, თბილისის "იბერია 1999-ის" ღირსებას დაიცავს. მან კარიერაში პირველი ნაბიჯები ესპანეთში გადადგა და ეროვნული ლიგის ეგიდით ჩატარებულ 54 მატჩში 9 გოლი გაიტანა.
ოკუპირებულ ცხინვალის რეგიონში ე.წ. „საპრეზიდენტო არჩევნები“ 18 სექტემბერს გაიმართება. ვადამდელი არჩევნების დანიშვნა რეგიონის დე ფაქტო ლიდერის, ალან გაგლოევის გადადგომას მოყვა, რომელიც რუსეთის პრეზიდენტის მრჩეველი გახდა. არჩევნების თარიღის დანიშვნა ცხინვალში რუსეთის პრეზიდენტის ადმინისტრაციის წარმომადგენლის ვიზიტს დაემთხვა.
ბრედლი ბარკოლამ შესაძლოა პსჟ დატოვოს, რადგან კლუბი იან დიომანდეს და მაგნეს აკლიუშის შეძენას აპირებს, რაც ბარკოლას სათამაშო დროს კიდევ უფრო შეამცირებს. ფეხბურთელი კარიერის გაგრძელებას ლონდონურ გუნდში, კერძოდ „არსენალში“ ხედავს, რომელიც მზადაა ტრანსფერში 80 მილიონი ევრო გადაიხადოს.
ჟენევის საერთაშორისო დისკუსიების 67-ე რაუნდი 2026 წლის 30 ივნისსა და 1 ივლისს გაიმართა. შეხვედრაზე ქართულმა დელეგაციამ რუსეთსა და საოკუპაციო რეჟიმებს შორის გაფორმებული ე.წ. შეთანხმების გამო „ღრმა შეშფოთება“ გამოთქვა და ხაზი გაუსვა საერთაშორისო სამართლის ნორმების დაცვის აუცილებლობას.
ქუთაისის "ტორპედოს" პრეზიდენტი დავით კერესელიძე გუნდის მიმდინარე მდგომარეობას, ტრანსფერებსა და სამომავლო გეგმებს აფასებს. იგი სუპერთასის მოგებას მნიშვნელოვან წარმატებად მიიჩნევს, რომელიც გუნდის სწორ გზაზე განვითარებას უსვამს ხაზს. კერესელიძე ასევე საუბრობს ახალი ლეგიონერების, ვირჯილ პინსონისა და დინო სკორუპის ტრანსფერებზე და ხსნის, თუ რატომ იყო პინსონის მოყვანა ორი წლის წინაც სურვილი.
საქართველოს მორაგბეთა ნაკრებმა ერთა თასის გათამაშების პირველი მატჩი ურუგვაის წინააღმდეგ გამართა და დაძაბულ ბრძოლაში 41:34 გაიმარჯვა. მიუხედავად გამარჯვებისა, გუნდს შეხვედრა გაუჭირდა, რასაც მწვრთნელები ხშირ შეცდომებსა და დაშვებულ ჯარიმებს უკავშირებენ. მომდევნო მატჩი საქართველოს ნაკრები 11 ივლისს სამოასთან გამართავს.
ადვოკატი ლაშა ჯანიბეგაშვილი ყვება „მოდუსის“ სკანდალურ საქმეზე, სადაც მძიმე დაზიანება მიიღო მუშამ. ადვოკატმა უსასყიდლოდ დაიცვა დაზარალებული, რის გამოც თავად გახდა ადვოკატთა ასოციაციის მხრიდან დევნის მსხვერპლი. მისი თქმით, ასოციაციამ ყალბი მტკიცებულებებით შეუჩერა ლიცენზია, რათა გავლენიანი ბიზნესინტერესები დაეცვა.
შვედურ გიოტებორგში 16-წლამდელ გოგონათა ხელბურთელთა ევროპის ღია პირველობა დასრულდა, რომელშიც 20 გუნდი მონაწილეობდა. საქართველოს ნაკრებმა ტურნირის ფინიში მაჟორულად ჩაატარა და მე-17 ადგილი დაიკავა. გოგონებმა ჯერ ლიეტუვა დაამარცხეს, შემდეგ კი ფინეთი. ფინალში გერმანიამ უნგრეთს აჯობა და ჩემპიონი გახდა.
საქართველოს სტატისტიკის ეროვნული სამსახურის (საქსტატი) მონაცემებით, 2026 წლის ივნისში წლიური ინფლაცია 5.8% იყო, რაც წინა თვესთან შედარებით სამომხმარებლო ფასების 0.1%-იან ზრდას ნიშნავს. წლიური ინფლაციის ზრდაზე ძირითადად გავლენა იქონია ტრანსპორტის, სასტუმროების, კაფეებისა და რესტორნების, სხვადასხვა საქონლისა და მომსახურების, საცხოვრებლის, წყლის, ელექტროენერგიისა და აირის, სურსათისა და უალკოჰოლო სასმელების, ჯანმრთელობის დაცვის ფასების ზრდამ, ხოლო კავშირგაბმულობის ფასები შემცირდა.