გაეროს ადამიანის უფლებათა საბჭომ ჟენევაში საქართველოს შესახებ კრიტიკული ანგარიში მოისმინა. ანგარიშში თბილისს მოუწოდებენ, გადახედოს 2025 წელს მიღებული კანონები და საპროტესტო აქციების დროს ადამიანის უფლებათა სავარაუდო დარღვევებზე გამოძიება ჩაატაროს. ასევე, ხაზგასმულია შეშფოთება სამოქალაქო სივრცის შემზღუდავი კანონმდებლობის მიღების ტენდენციაზე.
ვლადიმერ პუტინმა და დონალდ ტრამპმა სატელეფონო საუბარი გამართეს, რომლის დროსაც აშშ-ის დამოუკიდებლობის დღე აღნიშნეს. საუბარი შეეხო უკრაინის კონფლიქტს, ნატოს სამიტს და ორ ქვეყანას შორის თანამშრომლობის პერსპექტივებს.
„ბლექ სი პეტროლიუმი“, რომელიც ყულევის ნავთობგადამამუშავებელ ქარხანას მართავს, აცხადებს, რომ აგვისტო-სექტემბრიდან დაიწყებს სრულად არა-რუსული წარმოშობის ნედლი ნავთობის გადამუშავებას. ეს ნაბიჯი კომპანიის პროდუქციას მაღალმარჟინალური ბაზრების კარს გაუღებს. კომპანია ასევე აფართოებს პარტნიორობას Honeywell-თან და გეგმავს საგზაო ბიტუმის წარმოებას, ხოლო 2027 წლისთვის საავიაციო საწვავის წარმოებასაც შეძლებს.
საქართველოს სტატისტიკის ეროვნული სამსახურის (საქსტატი) მონაცემებით, 2026 წლის ივნისში წლიური ინფლაცია 5.8% იყო, ხოლო სამომხმარებლო ფასები წინა თვესთან შედარებით 0.1%-ით გაიზარდა. წლიური ინფლაციის ზრდაზე ძირითადად გავლენა მოახდინა ტრანსპორტის, სასტუმროების, კაფეებისა და რესტორნების, სხვადასხვა საქონლისა და მომსახურების, საცხოვრებლის, წყლის, ელექტროენერგიისა და აირის, სურსათისა და უალკოჰოლო სასმელების, ჯანმრთელობის დაცვის ფასების ზრდამ. კავშირგაბმულობის ფასები კი შემცირდა.
მსოფლიო ჩემპიონატის 1/8-ფინალში ნორვეგიამ ბრაზილიას 2:1 მოუგო და ისტორიაში პირველად გავიდა მეოთხედფინალში. ერლინგ ჰოლანის დუბლით ნორვეგიამ ბრაზილია დაამარცხა და ტურნირის მომდევნო ეტაპზე გადავიდა. ნორვეგია მეოთხედფინალში მექსიკასა და ინგლისს შორის გამარჯვებულს დაუპირისპირდება.
აშშ-ის ვიცე-პრეზიდენტი, ჯეი დი ვენსი მიიჩნევს, რომ რუსეთის შეტევითი ოპერაციები ბრძოლის ველზე თითქმის არანაირ შედეგს არ იძლევა, ხოლო უკრაინის წარმატებები ქმნის საჭირო პირობებს ომის დასასრულებლად. მისი თქმით, დრონებისა და თანამედროვე სათვალთვალო ტექნოლოგიების ფართომასშტაბიანი გამოყენების ფონზე, უკრაინისთვის ბევრად უფრო გონივრული იყო პოზიციების შენარჩუნება და რუსეთის გამოფიტვა. ტრამპის გუნდი მიიჩნევს, რომ უკრაინამ მაქსიმალური ფოკუსი თავდაცვაზე უნდა გადაიტანოს, მოლაპარაკებების პარალელურად.
საქართველოს პრეზიდენტი მიხეილ ყაველაშვილი ირანის უზენაესი ლიდერის, აიათოლა ალი ხამენეის დაკრძალვის ცერემონიას დაესწრო. ვიზიტის ფარგლებში, იგი შეხვდა ირანის პრეზიდენტ მასუდ ფეზეშქიანს, სადაც სამძიმარი გამოხატა და რეგიონში მშვიდობისა და სტაბილურობის მნიშვნელობაზე ისაუბრა.
ხვიჩა კვარაცხელიამ სოციალურ ქსელში გამოეხმაურა ბრაზილიის ნაკრების მსოფლიო ჩემპიონატიდან ნაადრევად გამოთიშვას და ნეიმარის სანაკრებო კარიერის დასრულებას. მან ნეიმარის ფოტო გამოაქვეყნა და მას მეფის ემოჯი დაურთო, რითაც საკუთარი პატივისცემა გამოხატა.
საქართველოს ნაკრებისა და "სპორტინგის" 24 წლის ნახევარმცველი გიორგი ქოჩორაშვილით ორი ბერძნული გრანდი, "პაოკი" და "პანათინაიკოსი" დაინტერესდა. ისინი ფეხბურთელის იჯარით აყვანასა და შემდეგ გამოსყიდვას გეგმავენ, თუმცა ქართველ ფეხბურთელს სხვა გეგმები აქვს და ესპანეთში დაბრუნება სურს.
დმიტრი მედვედევის „ტელეგრამ“-არხზე გამოქვეყნდა ვიდეო, რომელზეც ტალახის გუბეში ჩაწოლილი ღორია აღბეჭდილი. ვიდეოს თანმხლები წარწერა არ ახლდა და იგი გამოქვეყნებიდან რამდენიმე წუთში წაიშალა. მედვედევს მომხდარზე კომენტარი ჯერჯერობით არ გაუკეთებია.