11 მაისს საქართველოს ახალი პატრიარქის, შიო მუჯირის, გვერდით სამების ეზოში მისი ერთადერთი და — ლელა მუჯირი ჩანდა. ფსიქოლოგი, ხუთი შვილის დედა, ყველასთვის სრულიად უცნობი — ოჯახის ახლობელი ამბობს: „თავმდაბლობა ამ ოჯახის მთავარი ნიშანია.””
12 მაისს, სვეტიცხოვლის საკათედრო ტაძარში, პატრიარქ შიო III-ის ინტრონიზაცია დილის 10:00 საათზე გაიმართება. თბილისის მერია მოქალაქეთა უფასო ტრანსპორტირებას უზრუნველყოფს; მცხეთის მისადგომებთან გაჭედვაა მოსალოდნელი.
„მუნდო დეპორტივოს” ცნობით, „ბარსელონამ” და ჰანს-დიტერ ფლიკმა რამდენიმე კვირის წინ შეთანხმებას მიაღწიეს — 2027 წლამდე მოქმედ კონტრაქტს 1+1 სისტემით გაუხანგრძლივებენ. ოფიციალური განცხადება მოგვიანებით მოჰყვება.”
სომხეთის პრემიერმა ნიკოლ ფაშინიანმა უარყო პუტინის წინადადება სომხეთისთვის ევროკავშირ-ევრაზია დილემაზე რეფერენდუმის ჩატარების შესახებ. ასევე, ფაშინიანმა „განქორწინების” ტერმინი დაუწუნა რუს პრეზიდენტს.”
მიანმარში, მოგოკის „ლალების ხეობაში”, 11 000 კარატიანი ლალი აღმოაჩინეს — ერთ-ერთი უდიდესი ქვეყნის ისტორიაში. ექსპერტები განსაკუთრებული ფერისა და სიწმინდის გამო ქვის ღირებულებას მილიონობით დოლარად აფასებენ, მიუხედავად იმისა, რომ 1996 წლის 21 450-კარატიანი ლალი ზომით უფრო დიდია.”
ბათუმის საქალაქო სასამართლოს მოსამართლე ალექსანდრე გოგუაძემ 11 მაისს არ დააკმაყოფილა მზია ამაღლობელის სარჩელი — სტიკერის გაკვრის შემდეგ განხორციელებული ადმინისტრაციული დაკავება კანონიერად ცნო. სხდომათა დარბაზში ხმაური და შეძახილები ატყდა. „საქართველოს ახალგაზრდა იურისტთა ასოციაცია” საქმეს სტრასბურგის სასამართლოში გაასაჩივრებს.”
ქართველი კალათბურთელები სეზონს ძლიერ ანოტაზე ასრულებენ — მარკის რიდი თურქულ პლეი-ოფში, ალექსანდრე მერკვილაძე ბენილუქსის ლიგის ვიცე-ჩემპიონი, თორნიკე შენგელია ესპანეთის ლიგა ენდესაში, გიორგი შერმადინი კი ჩემპიონთა ლიგის ოთხთა ფინალში.
სამების საკათედრო ტაძარში გამართულ გაფართოებულ კრებაზე 39 ამომრჩეველი მღვდელმთავრიდან 22-მა ხმა სენაკ-ჩხოროწყუს მიტროპოლიტ შიო მუჯირს მისცა — ის საქართველოს 142-ე კათოლიკოს-პატრიარქი გახდა. ინტრონიზაცია 12 მაისს, სვეტიცხოვლის საკათედრო ტაძარში 10:00 საათზე გაიმართება.
სამი წელია, დიუშენის კუნთოვანი დისტროფიის მქონე 8 წლის ბაჩუკი სვანაძე ოჯახთან ერთად რომში ცხოვრობს. ხუთი თვეა Givinostat-ს იღებს — დედის ცნობით, ბავშვი ახლა უფრო დიდ მანძილზე დადის და სირბილი გაუმჯობესდა. ამავდროულად, საქართველოს ჯანდაცვის სამინისტრო პრეპარატის დანერგვაზე კომუნიკაციას ერიდება.
მთავრობის ადმინისტრაციამ პარლამენტს ინიციატივა წარუდგინა „საჯარო დაწესებულებაში შრომის ანაზღაურების შესახებ” კანონის ცვლილებაზე. ცვლილება მინისტრთა მოადგილეებს, ავტონომიური რესპუბლიკების მთავრობის წევრთა მოადგილეებს, სახელმწიფო რწმუნებულთა მოადგილეებს და მერთა მოადგილეებს სახელფასო დანამატისა და ფულადი ჯილდოს მიღების საშუალებას მისცემს.”