უზბეკეთის პრეზიდენტი შავკატ მირზიოევი საქართველოს ოფიციალური ვიზიტით ეწვია, რა დროსაც ორ ქვეყანას შორის სტრატეგიული პარტნიორობის შეთანხმება გაფორმდა. ეს შეთანხმება საქართველოსა და ცენტრალური აზიის ქვეყნებს შორის ურთიერთობების გაღრმავების მნიშვნელოვან ნაბიჯად შეფასდა, განსაკუთრებით შუა დერეფნის განვითარების კონტექსტში.
ფეხბურთის კლუბ "იბერია 1999-ის" მთავარ მწვრთნელს, ანდრეი დემჩენკოსა და ფეხბურთელ პაატა ღუდუშაურს შორის კონფლიქტი მოხდა. მწვრთნელმა ღუდუშაური მთავარი გუნდიდან მოკვეთა. დემჩენკოს თქმით, ეს იყო სამუშაო პროცესი, რომელიც ფეხბურთელის ხასიათს და სპორტულ კონკურენციასთან გამკლავების პრობლემას უკავშირდებოდა.
გერმანელი ჟურნალისტის ინფორმაციით, ალექსანდერ ნიუბელი კარიერას "ბეშიქთაშში" განაგრძობს. ფეხბურთელი "ბაიერნის" საკუთრება იყო, თუმცა ძირითად გუნდში არ უთამაშია. სტამბოლელები ფეხბურთელის სანაცვლოდ "რეკორდმაისტერს" 6,5 მილიონს გადაუხდიან.
ბათუმის "დინამომ" 27 წლის ბრაზილიელი გარემარბი, პაულო ვიტორი დაიმატა. ფეხბურთელმა ზღვისპირულ კლუბთან 2,5-წლიანი კონტრაქტი გააფორმა. ვიტორი, რომელიც "ვასკო და გამას" აღზრდილია, მანამდე პორტუგალიურ "პორტიმონენსეში" თამაშობდა.
რუსთაველის გამზირზე მიმდინარე უწყვეტი პროტესტის მონაწილეებმა ევროკავშირსა და მის წევრ სახელმწიფოებს ღია წერილით მიმართეს. ისინი აცხადებენ, რომ პროტესტი გაგრძელდება მანამ, სანამ არ გათავისუფლდებიან პოლიტპატიმრები, არ აღდგება ქვეყნის ევროპული კურსი და არ ჩატარდება თავისუფალი და სამართლიანი არჩევნები. წერილში ასევე აღნიშნულია, რომ საქართველო ევროპული ცივილიზაციის განუყოფელი ნაწილია და ევროინტეგრაცია ქვეყნის საყოველთაო არჩევანია.
პაატა ღუდუშაური გამოეხმაურა ანდრეი დემჩენკოს განცხადებას, რომელიც ფეხბურთელთან დაკავშირებულ საკითხს ეხებოდა. ღუდუშაურის თქმით, დემჩენკოს სიტყვები იყო სრული სიცრუე და დრო გვიჩვენებს ყველაფერს. მან ასევე წარმატებები უსურვა ქართულ კლუბებს ევროტურნირებზე.
იტალიური მედიის ინფორმაციით, "ნაპოლი" შოტლანდიელი ნახევარმცველის, სკოტ მაკტომინეის, გუნდში დატოვებას ცდილობს და მას 2030 წლამდე, პლუს ერთი სეზონის გახანგრძლივების ოფციით, ახალ კონტრაქტს სთავაზობს. მიუხედავად იმისა, რომ კლუბი მზადაა მისი წლიური გასამრჯელო 7 მილიონ ევრომდე გაზარდოს, ფეხბურთელის აგენტი უფრო მეტს, კერძოდ 10 მილიონ ევროს ითხოვს.
საქართველოს ბანკმა სოფელ ჭვანის საჯარო სკოლაში რიგით 29-ე თანამედროვე ბიბლიოთეკა - იდეათეკა გახსნა. ეს ინიციატივა ახალგაზრდებისთვის განათლებისა და აღმოჩენების შესაძლებლობების გაზრდას ემსახურება. იდეათეკა აღჭურვილია 2000-მდე წიგნით, კომპიუტერებით, პროექტორითა და STEM კუთხით.
RMC Sport-ის ინფორმაციით, პსჟ-მ „მონაკოს“ 24 წლის შემტევ მაგნეს აკლიუშთან კონტრაქტის ყველა დეტალი შეათანხმა. პარიზული კლუბი ფეხბურთელში 50 მილიონ ევროს გადაიხდის და 5-წლიან კონტრაქტს გაუფორმებს. აკლიუშმა პსჟ-ის ხელმძღვანელობის ყურადღება ლიგა 1-ის ბოლო გათამაშებაში კარგი თამაშის შემდეგ მიიპყრო.
საქართველოს 20-წლამდელთა ნაკრებმა მსოფლიოს ახალგაზრდულ ჩემპიონატზე ჯგუფური ტურნირის ბოლო მატჩი ურუგვაის ნაკრებთან გამართა და 56:3 დაამარცხა. ამ გამარჯვებით გუნდი ჯგუფში მესამე ადგილზე გავიდა და მე-9 ადგილისთვის ბრძოლას განაგრძობს, სადაც ნახევარფინალში იტალიას დაუპირისპირდება.