პატრიოტთა ალიანსის ერთ-ერთი ლიდერი დავით თარხან-მოურავი აცხადებს, რომ საქართველო დე ფაქტო ამერიკული გავლენის ქვეყანაა და ეს რეალობა საგარეო პოლიტიკის დაგეგმვისას გათვალისწინება სჭირდება. მისი შეფასებით, სომხეთში ფაშინიანის გამარჯვება ამერიკის შეერთებული შტატების მხრიდან რუსეთის გავლენის შემდგომ შეკვეცაზე მეტყველებს.
ზურაბ პატარაძის ვაჟი, 26 წლის რევაზ პატარაძე, საზღვაო ტრანსპორტის სააგენტოს დირექტორის მოადგილედ დაინიშნა. ყურადღებას იქცევს ის, რომ დანიშვნა დროში ემთხვევა მის მამამ, ზურაბ პატარაძის, აჭარის მთავრობის სათავეში დაბრუნებას.
ბრიუსელში 11 ივნისს ევროკავშირსა და საქართველოს შორის სავიზო დიალოგის პირველი შეხვედრა გაიმართა. შეხვედრის თემა ვიზალიბერალიზაციის შეჩერების შესაძლებლობაა, რომელიც ევროპულმა კომისიამ ამოქმედა.
აშშ-ის პრეზიდენტმა დონალდ ტრამპმა Truth Social-ზე გამოაქვეყნა განცხადება, სადაც ამბობს, რომ ამ ღამეს ამერიკა ირანს „ძალიან ძლიერად დაარტყამს”. ამასთანავე, ტრამპი ცხადყოფს, რომ შეერთებული შტატები ხარქის კუნძულზე კონტროლს დაამყარებს.
ჭადრაკის საერთაშორისო ფედერაციამ (FIDE) 10 ივნისს რუსეთის ჭადრაკის ფედერაციას წევრობა შეუჩერა, ვინაიდან ფედერაციამ სპორტის საარბიტრაჟო სასამართლოს (CAS) გადაწყვეტილება — შეეწყვიტა ტურნირების ჩატარება ანექსირებულ ყირიმსა და სხვა ოკუპირებულ ტერიტორიებზე — 90 დღეში არ შეასრულა.
აშშ-ის პრეზიდენტი დონალდ ტრამპი სომხეთის საპარლამენტო არჩევნებში პრემიერ-მინისტრ ნიკოლ ფაშინიანის გამარჯვებას ულოცავს და განაცხადა, რომ ამაყობს, ფაშინიანის ხელახლა არჩევას რომ დაუჭირა მხარი.
ევროკომისიის პრესსპიკერი მარკუს ლამერტი განმარტავს, რომ 11 ივნისს ევროკომისიასა და საქართველოს დელეგაციას შორის გამართული შეხვედრა სტანდარტული სამართლებრივი პროცედურის ნაწილია. მისი თქმით, შეხვედრის ამოცანაა განიხილოს ის გარემოებები, რამაც მარტის გადაწყვეტილებამდე — დიპლომატიური და სამსახურებრივი პასპორტების მფლობელთა უვიზო მიმოსვლის 12-თვიანი შეჩერებამდე — მიყვანა გამოიწვია.
შინაგან საქმეთა სამინისტრომ მესტიის მუნიციპალიტეტში ჩატარებული საგამოძიებო მოქმედებების შედეგად დამატებით 42 კრიპტო-მაინინგის მოწყობილობა ამოიღო. გამოძიებით ირკვევა, რომ ადგილობრივები ამ მოწყობილობებით ელექტრული ენერგიის უკანონო მოხმარებით ციფრულ ვალუტას ამუშავებდნენ.
Bloomberg-ის ცნობით, 15-17 ივნისის G7 სამიტზე საფრანგეთის, გერმანიისა და ბრიტანეთის ლიდერები ტრამპს ახალი სამშვიდობო მოლაპარაკებების მხარდაჭერისკენ მოუწოდებენ. ევროპელი ლიდერები თვლიან, რომ ომის მსვლელობა უკრაინის სასარგებლოდ შეიცვალა და ახლა ხელსაყრელი მომენტია მოლაპარაკებებისთვის.
9 ივნისს „სიმღერის აკადემიის” პირდაპირი ეთერის დროს 10 წლის გოგონა სცენაზე გულწამდგარმა ჩაიქცა. ტელეკომპანიამ და გუნდმა განმარტეს, რომ ჩვენება სცენის განათებისა და ხმამაღალი მუსიკის გამო ვერ შეამჩნიეს, ბავშვის ბებია კი ამბობს, რომ გოგონა სამი წუთი იყო უყურადღებოდ.