ქალთა უფლებადამცველი ბაია პატარაია სოციალურ ქსელში წერს, რომ თბილისში აზერბაიჯანელი ქალი მოკლეს. მისი თქმით, მსხვერპლი საქართველოში შეყვარებულმა მოტყუებით ჩამოიყვანა, სადაც მოგვიანებით მასზე მზრუნველობის პასუხისმგებლობა ნათესავმა მამაკაცმა აიღო. პატარაია ამ ფაქტს „შემზარავ ფემიციდს“ უწოდებს.
5 ივლისს, საქართველოს ბანკის ლოიალობის პროგრამა PLUS-ის დაბადების დღესთან დაკავშირებით, მომხმარებლებს განსაკუთრებული შეთავაზება ელოდებათ. Tbilisi Mall-ში წარმოდგენილ პარტნიორ მაღაზიებში PLUS ქულებით გადახდისას 50%-იანი ფასდაკლებით ისარგებლებთ. შეთავაზება ვრცელდება ტანსაცმლის, აქსესუარების, საოჯახო ნივთებისა და სხვა კატეგორიების არაერთ ბრენდზე.
მუსიკალური ფესტივალის, Tbilisi Open Air 2026-ის ჩატარებასთან დაკავშირებით, 4 ივლისის 10:00 საათიდან 6 ივლისის 01:00 საათამდე ლისის ტბის მიმდებარე ტერიტორიაზე საავტომობილო მოძრაობა ნაწილობრივ შეიზღუდება. შეიცვლება როგორც კერძო ავტომობილების, ისე საზოგადოებრივი ტრანსპორტის მარშრუტები.
საქართველოს მორაგბეთა ნაკრები ხვალ, ურუგვაის წინააღმდეგ ერთა თასის გათამაშებაში პირველ მატჩს გამართავს. გუნდს დავით ნინიაშვილი უკაპიტნებს, რომელიც ურუგვაისთან შუამარბის პოზიციაზე ითამაშებს. ტურნირში 24 გუნდი მონაწილეობს და ის ზაფხულისა და შემოდგომის ტესტ-მატჩებს ჩაანაცვლებს.
იულიან ნაგელსმანი გერმანიის ნაკრების მთავარი მწვრთნელის პოსტს ტოვებს. გავრცელებული ინფორმაციით, მან თანამდებობის დატოვების შეთავაზება მიიღო. ამ დროისთვის, გერმანიის ნაკრების მთავარ მწვრთნელად ერთადერთი კანდიდატი იურგენ კლოპია, რომელმაც მზადყოფნა გამოთქვა ვაკანტური პოსტის დასაკავებლად.
სააპელაციო სასამართლომ თორნიკე თოშხუასა და მინდია შერვაშიძეს, რომელთაც აპრილში ჯგუფური ძალადობისთვის ერთწლიანი პატიმრობა შეეფარდათ, სასჯელი შეუმცირა. სასჯელის შემცირების შედეგად, ორივე მომიტინგე პატიმრობიდან ვადაზე ადრე გათავისუფლდა. ისინი 2025 წლის 16 აგვისტოს დააკავეს რუსთაველის გამზირზე მომხდარი ინციდენტის გამო.
28 წლის მასწავლებლის გიგა ავალიანის მკვლელობის საქმეზე, დანაშაულის შეუტყობინებლობის ბრალდებით, შინაგან საქმეთა მინისტრის ყოფილი მოადგილის, მერაბ მალანიას ვაჟი, გიორგი მალანია დააკავეს. მოგვიანებით, მას ბრალი დაუმძიმეს და ჯგუფურად ჯანმრთელობის განზრახ მძიმე დაზიანებაში დახმარების ფაქტზე ბრალდება წარუდგინეს, რაც 13 წლამდე თავისუფლების აღკვეთას ითვალისწინებს.
მომღერალი და გადაცემა „უცნობის კიდობანის“ წამყვანი, გია გაჩეჩილაძე, ტელეკომპანია „მაესტროს“ 80%-იანი წილის მფლობელი გახდა. საჯარო რეესტრის მონაცემებით, მას „მედია ფაინენს გრუპ ბი.ვი“-მა საკუთარი 25%-იანი წილი უსასყიდლოდ გადასცა, მანამდე კი გაჩეჩილაძე „სტუდია მაესტროს“ 55%-იან წილს ფლობდა. ტელეკომპანიაში მოსალოდნელ ცვლილებებზე გია გაჩეჩილაძესთან დაკავშირება ამ დრომდე უშედეგოა, ხოლო „მაესტროს“ დირექტორი აცხადებს, რომ ამ საკითხზე ინფორმაციას არ ფლობს.
25 წლის ფორვარდი ირაკლი სირაძე თბილისის "დინამოდან" წყალტუბოს "სამგურალში" გადავიდა. ეროვნულ ლიგაში მან სულ 35 მატჩი ჩაატარა და 6 გოლი გაიტანა. ის გულშემატკივარმა "დინამოდან" კი გაიცნო, თუმცა იქამდე მის ზურგსუკან ძალიან საინტერესო ისტორიაა. ირაკლი საქართველოს რეგიონალლიგებში ასპარეზობდა, როცა ის აღმოაჩინა ფინეთში მოღვაწე ქართველმა სპეციალისტმა, ლევან ლომიძემ. სირაძემ ითამაშა ფინურ " ჰაკასა" და "ატლანტისში", რის შემდეგაც "დინამოში" აღმოჩნდა. აქვე დავძენთ, რომ "სამგურალში", მატებასთან ერთად, არის დანაკლისიც - გუნდი დატოვეს ლევან პაპავამ, გიორგი გოგოლაშვილმა და აბდულ ქაბიამ.
ჟენევის საერთაშორისო დისკუსიების 67-ე რაუნდი 2026 წლის 30 ივნისსა და 1 ივლისს გაიმართა. ქართულმა დელეგაციამ, რომელსაც საგარეო საქმეთა მინისტრის მოადგილე ლაშა დარსალია ხელმძღვანელობდა, შეშფოთება გამოთქვა რუსეთსა და ცხინვალს შორის გაფორმებული ე.წ. შეთანხმების გამო, რომელიც იურიდიული თვალსაზრისით ბათილია და საერთაშორისო სამართლის ნორმებს არღვევს.