საქართველოს სპორტულ ჟურნალისტთა ასოციაციამ, სპორტის სამინისტროს მხარდაჭერით, სპორტის ჟურნალისტიკის საერთაშორისო დღე გრანდიოზული ღონისძიებით აღნიშნა. ღონისძიებას მედიის წარმომადგენლები, სპორტის მინისტრი და სხვა ოფიციალური პირები ესწრებოდნენ. საზეიმო ცერემონიალზე სხვადასხვა პრემიები და ჯილდოები გადაეცა სპორტული ჟურნალისტიკის სფეროში მოღვაწე ჟურნალისტებსა და გამოცემებს.
მსოფლიო ჩემპიონატის 1/16-ფინალში ეგვიპტემ ავსტრალია პენალტების სერიაში დაამარცხა და 1934 წლის შემდეგ პირველად ითამაშებს მერვედფინალში. ძირითადი და დამატებითი დროის შემდეგ ანგარიში 1:1 იყო, თერთმეტმეტრიანების სერიაში კი ეგვიპტემ 4:2 იმარჯვა.
საქართველოს სტატისტიკის ეროვნული სამსახურის (საქსტატი) მონაცემებით, 2026 წლის ივნისში წლიური ინფლაცია 5.8% იყო, რაც წინა თვესთან შედარებით სამომხმარებლო ფასების 0.1%-იან ზრდას ნიშნავს. ინფლაციის ზრდაზე ძირითადად ტრანსპორტის, სასტუმროების, კაფეებისა და რესტორნების, სხვადასხვა საქონლისა და მომსახურების, საცხოვრებლის, წყლის, ელექტროენერგიისა და აირის, სურსათისა და უალკოჰოლო სასმელების, ასევე ჯანმრთელობის დაცვის ფასების ზრდამ იქონია გავლენა. ამავდროულად, კავშირგაბმულობის ფასები 6.4%-ით შემცირდა.
საქართველოს 7-კაცა მორაგბეთა ნაკრებმა 2026 წლის რაგბი ევროპის ჩემპიონატის პირველი ეტაპი ორი გამარჯვებით დაიწყო და გერმანიაში მიმდინარე ტურნირის პირველი დღის შემდეგ გ ჯგუფს ლიდერობს. გუნდმა დაძაბულ ბრძოლებში დაამარცხა ბელგია და იტალია. მთავარი მწვრთნელის, გიორგი ნოზაძის ოფიციალური დებიუტი წარმატებით შედგა.
არგენტინის ნაკრებმა მუნდიალის მერვედფინალში გააღწია, თუმცა კაბო ვერდესთან მატჩში მხოლოდ დამატებით დროში მოახერხა გამარჯვების მოპოვება. ლიონელ მესიმ გოლი და საგოლე პასი მიითვალა, ხოლო მცველებმა ლისანდრო მარტინესმა და კრისტიან რომერომ გადამწყვეტი როლი შეასრულეს. კაბო ვერდე კი ამ მსოფლიო ჩემპიონატის მთავარ აღმოჩენად იქცა.
3 ივლისის ენერგეტიკული ვიბრაციები აქტიური კომუნიკაციის, ახალი კავშირების დამყარებისა და იდეების გენერირებისკენ მოგვიწოდებს. დღევანდელი პლანეტარული ასპექტები ხელს უწყობს გონებრივ მოქნილობას, რაც ნებისმიერ სიტუაციაში ორიგინალური გამოსავლის პოვნაში დაგვეხმარება. კოსმოსური ფონი ხელსაყრელია პარტნიორული შეთანხმებებისთვის, თუმცა მოითხოვს სიმშვიდის შენარჩუნებას, რათა ზედაპირულმა ემოციებმა გეზი არ აგვიბნიოს.
28 წლის მასწავლებლის გიგა ავალიანის მკვლელობის საქმეზე, დანაშაულის შეუტყობინებლობის ბრალდებით, შინაგან საქმეთა მინისტრის ყოფილი მოადგილის, მერაბ მალანიას ვაჟი, გიორგი მალანია დააკავეს. მოგვიანებით, მას ბრალი დაუმძიმეს და ჯგუფურად ჯანმრთელობის განზრახ მძიმე დაზიანებაში დახმარების ფაქტზე ბრალდება წარუდგინეს, რაც 13 წლამდე თავისუფლების აღკვეთას ითვალისწინებს.
ბათუმის "დინამომ" 29 წლის ნახევარმცველი სანდრო ალთუნაშვილი დაიბრუნა, რომელიც ამავე გუნდში თითქმის 3 სეზონის განმავლობაში თამაშობდა. ალთუნაშვილსა და ბათუმელებს შორის კონტრაქტი 2028 წლის ბოლომდე გაფორმდა. ის ბოლოს ირაელის წარმომადგენელ ჰაიფას "ჰაპოელის" ღირსებას იცავდა.
ჟენევის საერთაშორისო დისკუსიების 67-ე რაუნდი 2026 წლის 30 ივნისსა და 1 ივლისს გაიმართა. მოლაპარაკებებზე ქართულმა დელეგაციამ, რომელსაც საგარეო საქმეთა მინისტრის მოადგილე ლაშა დარსალია ხელმძღვანელობდა, რუსეთსა და ცხინვალს შორის გაფორმებული ე.წ. შეთანხმების გამო „ღრმა შეშფოთება“ გამოთქვა და ხაზი გაუსვა რუსეთის მიერ 2008 წლის 12 აგვისტოს ცეცხლის შეწყვეტის შეთანხმებით ნაკისრი ვალდებულებების შესრულების აუცილებლობას.
მსოფლიო თასის 1/16 ფინალში კოლუმბიამ განა 1:0 დაამარცხა. მატჩის ერთადერთი გოლი ჯონ არიასმა გაიტანა. კოლუმბიელთა გამარჯვება განსაკუთრებით სასიხარულო იყო, რადგან მათ განას ნაკრების ყოფილი მწვრთნელი, კარლუშ კეირუში დაამარცხეს, რომელთანაც კოლუმბიის ნაკრების ვარსკვლავ ხამეს როდრიგესს ურთიერთობა დაეძაბა. განას მეკარემ, ატი ზიგიმ, არაერთი რთული დარტყმა მოიგერია, თუმცა ეს კოლუმბიის გამარჯვებას ვერ შეუშალა ხელი.