საქართველოს პრეზიდენტი მიხეილ ყაველაშვილი ირანის უზენაესი ლიდერის, აიათოლა ალი ხამენეის დაკრძალვის ცერემონიას დაესწრო. ვიზიტის ფარგლებში, იგი შეხვდა ირანის პრეზიდენტ მასუდ ფეზეშქიანს, სადაც სამძიმარი გამოხატა და რეგიონში მშვიდობისა და სტაბილურობის მნიშვნელობაზე ისაუბრა. ყაველაშვილმა ასევე მადლობა გადაუხადა ირანს საქართველოს სუვერენიტეტისა და ტერიტორიული მთლიანობის მხარდაჭერისთვის.
არტიომ დოვბიკი, რომელიც მანამდე ლა ლიგის კლუბებს, მათ შორის გიორგი მიქაუტაძის „ვილიარეალს“ უკავშირდებოდა, შესაძლოა, სერია A-ში დარჩეს. „ჯენოა“ დაინტერესებულია უკრაინელი ფეხბურთელით, რომელსაც გუნდის მთავარი მწვრთნელი დანიელე დე როსი იცნობს. თუმცა, გარიგებას ერთი რამ აბრკოლებს: „ჯენოა“ ფეხბურთელის იჯარით აყვანას ცდილობს, „რომა“ კი მის სრულფასოვნად გაყიდვას და 25 მილიონი ევროს მიღებას იმედოვნებს.
იურგენ კლოპმა დაადასტურა, რომ გერმანიის საფეხბურთო ასოციაციასთან ეროვნული ნაკრების მთავარი მწვრთნელის პოსტზე მოლაპარაკებებს აწარმოებს. მთავარი მწვრთნელის პოსტი მას შემდეგ გახდა ვაკანტური, რაც იულიან ნაგელსმანმა გუნდი მუნდიალზე წარუმატებლობის შემდეგ დატოვა. კლოპმა აღნიშნა, რომ Red Bull-თან კონტრაქტი აქვს, თუმცა თვლის, რომ დამსაქმებელთან შეთანხმებას ადვილად მიაღწევს.
შვედურ გიოტებორგში დამთავრდა 16-წლამდელ ხელბურთელ გოგონათა კვირეული - ევროპის ღია პირველობა. საქართველოს ნაკრებმა, სასტარტო შეხვედრებისგან განსხვავებით, ფინიში მაჟორულად ჩაატარა. ჩვენი გოგონები ლიეტუვის ნაკრებს დაუპირისპირდნენ და პირველი გამარჯვებაც იზეიმეს.
კულტურული მემკვიდრეობის დაცვის ეროვნული სააგენტო სვეტიცხოვლის საკათედრო ტაძარზე 5 მილიონ ლარამდე ღირებულების გამარტივებულ შესყიდვას გეგმავს. ეს თანხა მოხმარდება ტაძრის კომპლექსურ შესწავლას, კვლევებს, ასევე ქვის, კედლის მხატვრობის, კონსტრუქციული ელემენტებისა და გადახურვის კონსერვაცია-რესტავრაციას.
ოკუპირებულ ცხინვალის რეგიონში ე.წ. „საპრეზიდენტო არჩევნები“ 18 სექტემბერს გაიმართება. ვადამდელი არჩევნების დანიშვნა რეგიონის დე ფაქტო ლიდერის, ალან გაგლოევის გადადგომას მოყვა, რომელიც რუსეთის პრეზიდენტის მრჩეველი გახდა. ახალი „არჩევნების“ ჩატარებამდე, „პრეზიდენტის“ მოვალეობის შემსრულებელი მარატ კამბოლოვი იქნება.
კულტურული მემკვიდრეობის დაცვის ეროვნული სააგენტო სვეტიცხოვლის საკათედრო ტაძარზე 5 მილიონ ლარამდე ღირებულების გამარტივებულ შესყიდვას გეგმავს. ეს თანხა მოხმარდება ტაძრის კომპლექსურ შესწავლას, კვლევებს, ასევე ქვის, კედლის მხატვრობის, კონსტრუქციული ელემენტებისა და გადახურვის კონსერვაცია-რესტავრაციას.
არგენტინის ნაკრებმა მუნდიალის მერვედფინალში გააღწია, თუმცა კაბო ვერდესთან მატჩში მხოლოდ დამატებით დროში მოახერხა გამარჯვების მოპოვება. ლიონელ მესიმ გოლი და საგოლე პასი მიითვალა, ხოლო მცველებმა ლისანდრო მარტინესმა და კრისტიან რომერომ გადამწყვეტი გოლები გაიტანეს. კაბო ვერდე კი ამ მსოფლიო ჩემპიონატის მთავარ აღმოჩენად იქცა.
საქართველოს სპორტულ ჟურნალისტთა ასოციაციამ, სპორტის სამინისტროს მხარდაჭერით, სპორტის ჟურნალისტიკის საერთაშორისო დღე გრანდიოზული ღონისძიებით აღნიშნა. ღონისძიებას მედიის წარმომადგენლები, სპორტის მინისტრი და სხვა ოფიციალური პირები ესწრებოდნენ. გაიმართა დაჯილდოების ცერემონიალი, სადაც სხვადასხვა ნომინაციაში გამარჯვებულები გამოვლინდნენ.
შინაგან საქმეთა სამინისტრომ ქვეყნის მასშტაბით სპეციალური საიმიგრაციო კონტროლის ღონისძიებები ჩაატარა და 50 უცხოელი მიგრანტი დააკავა. დაკავებულები ქვეყანაში კანონიერი საფუძვლის გარეშე იმყოფებოდნენ. ისინი ამჟამად მიგრაციის დეპარტამენტის დროებითი განთავსების ცენტრში არიან მოთავსებული და მათი ქვეყნიდან გაძევების პროცედურები მიმდინარეობს.