საფრანგეთის ლიგა 1-ში დარჩენისთვის ბრძოლაში სენტ-ეტიენმა, სადაც ზურიკო დავითაშვილი თამაშობს, პლეი-ოფის პირველ შეხვედრაში ნიცას ფრედ გაუტოლდა 0:0. ქართველმა 90+1-ე წუთამდე ითამაშა, საპასუხო მატჩი 29 მაისს ჩატარდება.
22 წლის კვიპროსელმა სტუდენტმა პანაგიოტის სოროკლესმა ხუთწლიანი ძებნის შემდეგ ბიოლოგიური ქართველი დედა, კვიპროსის სახელმწიფო ხელისუფლების მხარდაჭერით, კუნძულზე ჩაიყვანა. ემოციური შეხვედრის კადრები სოციალურ ქსელებში ვირუსულად ვრცელდება.
ვილიარეალის ფორვარდი გიორგი მიქაუტაძე ატლეტიკოსთან მატჩში ბარძაყის ტრავმა მიიღო. Geo Team-ის ინფორმაციით, ქართველი კვირის ბოლომდე ესპანეთში დარჩება და ივნისის ნაკრების ამხანაგური შეხვედრებს — რუმინეთთან და ბაჰრეინთან — გამოტოვებს.
აშშ-ის პრეზიდენტმა დონალდ ტრამპმა საქართველოს სახელმწიფოს მეთაურს მიხეილ ყაველაშვილს 26 მაისის გამო მილოცვის წერილი გამოუგზავნა. წერილში ტრამპი ხაზს უსვამს ამერიკელ-ქართული კავშირების განახლების შესაძლებლობას და საქართველოს სუვერენიტეტსა და ტერიტორიულ მთლიანობაზე ამერიკის ურყევ მხარდაჭერას.
ავტორიტეტული ფრანგული გამოცემა L'Équipe-მ პოზიციების მიხედვით მსოფლიოს საუკეთესო ფეხბურთელთა რეიტინგი შეადგინა. ქართველი ვარსკვლავი ხვიჩა კვარაცხელია მარცხენა გარემარბის პოზიციაზე პირველ ადგილზე გავიდა.
ინიციატივა „ჯერ საქართველოს” თანადამფუძნებელი ნიკოლოზ ხატიაშვილი პრაღის გლობალური უსაფრთხოების ფორუმზე 30-ზე მეტ პარტნიორი ქვეყნის წარმომადგენელთან შეხვდა. ევროპელი პარტნიორები მხარდაჭერისთვის მზადყოფნას გამოხატავენ — მას შემდეგ, რაც საქართველო პოლიტიკური კრიზისიდან გამოვა.
26 მაისის საღამოს საპროტესტო მსვლელობის შემდეგ ოპოზიციის ალიანსმა „საქართველო იმსახურებს უკეთესს” სახელწოდების ქვეყნისმასშტაბიანი კამპანიის დაწყება გამოაცხადა. ნიკა გვარამიამ მოქალაქეებს ოპოზიციური პარტიების გაძლიერებისკენ მოუწოდა — კამპანია ახალი დემოკრატიული არჩევნებით უნდა დასრულდეს.
საქართველოს საგარეო საქმეთა მინისტრს მაკა ბოჭორიშვილს საგანგებო და სრულუფლებიანი ელჩის დიპლომატიური რანგი მიენიჭება, რაც ყოველთვიური 1 360 ლარის დანამატს გულისხმობს. ახალი კანონპროექტი ასევე დიპლომატიის აკადემიის შექმნას ითვალისწინებს.
La Repubblica-ს ინფორმაციით, „ლივერპულის” ბრაზილიელი მეკარე ალისონის „იუვენტუსში” გადასვლა პრაქტიკულად გადაწყვეტილია — ახალ კლუბში სალაჰიც შეიძლება გაჰყვეს. ბეკერის წასვლა ქართველ მეკარე გიორგი მამარდაშვილს „ლივერპულის” ძირითად ადგილს უხსნის.
აშშ-ის სახელმწიფო მდივანი მარკო რუბიო ერევანს ეწვია და სომხეთის საგარეო საქმეთა მინისტრ არარატ მირზოიანთან ერთად სამ ისტორიულ შეთანხმებას მოაწერა ხელი: „ტრამპის მარშრუტის” (TRIPP) სტრატეგიულ ჩარჩოს, კრიტიკული მინერალების შეთანხმებასა და ყოვლისმომცველ სტრატეგიული პარტნიორობის ქარტიას.