საქართველოს 20-წლამდელთა ნაკრების შერკინების ბურჯი გიორგი ტურაშვილი ფრანგულ „კასტრში“ კიდევ სამ წელიწადს ითამაშებს. ქართველი ბურჯი ამ გუნდში შარშან სეზონის წინ ჩაირიცხა და ესპუართა გუნდში თამაშობდა. ამჯერად, მან ხელშეკრულება გუნდთან 2029 წლამდე გააფორმა.
დონალდ ტრამპმა განაცხადა, რომ აშშ უკრაინას Patriot-ის რაკეტების წარმოების ლიცენზიას მისცემს. მისი თქმით, ეს უკრაინას საშუალებას მისცემს, თავად აწარმოოს საჭირო შეიარაღება და აღარ იყოს დამოკიდებული ამერიკული მხარის მიერ მიწოდებულ რაოდენობაზე. ტრამპმა ასევე აღნიშნა, რომ რუსეთის პრეზიდენტს, ვლადიმირ პუტინს, სურს ომის დასრულება და პროგრესის მიღწევა შესაძლებელია.
აშშ-ის პრეზიდენტმა დონალდ ტრამპმა განაცხადა, რომ ირანთან ცეცხლის შეწყვეტის შეთანხმება დასრულებულია. მისი თქმით, ირანელები მატყუარები არიან და მათთან მოლაპარაკებების გაგრძელება დროის კარგვაა. ტრამპმა ასევე პირობა დადო, რომ მოახდენს ირანის დენუკლეარიზაციას.
ნატოს სამიტზე უკრაინამ პარტნიორ ქვეყნებთან საჰაერო თავდაცვის სისტემის გაძლიერებაზე შეთანხმებას მიაღწია. პრეზიდენტ ვოლოდიმირ ზელენსკის მოლაპარაკებების მთავარი პრიორიტეტი სწორედ ამ სისტემის გაძლიერება იყო. მიღებულია კონკრეტული გადაწყვეტილებები ანტიბალისტიკური შესაძლებლობების შესახებ.
აფხაზეთის საოკუპაციო რეჟიმმა „საერთაშორისო აღიარების“ მორიგი მცდელობა განახორციელა. ხელი მოეწერა შეთანხმებას „დაძმობილებული კავშირების“ დამყარების შესახებ ოკუპირებულ სოხუმსა და განის რესპუბლიკის სოჰუმის მუნიციპალური ოლქის ქალაქ სოჰუმს შორის. განის დელეგაცია აფხაზეთში საკუთარი ქვეყნის ეკონომიკური, საინვესტიციო და აგრარული პოტენციალის წარსადგენად ჩავიდა.
ნორვეგია უკრაინის საჰაერო თავდაცვის გასაძლიერებლად 3 მილიარდ ნორვეგიულ კრონს (268 მილიონ ევროს) გამოყოფს. თანხა, სხვა საჭიროებებთან ერთად, „პატრიოტის“ სარაკეტო სისტემის შესაძენად დაიხარჯება. ნორვეგიის მთავრობის განმარტებით, ვინაიდან „პატრიოტის“ რაკეტების ნაწილის მიწოდებას დიდი დრო სჭირდება, ნორვეგია მათ იმ ქვეყნებისგან შეისყიდის, რომლებსაც ეს შეიარაღება უკვე აქვთ, რათა უკრაინამ დახმარება დროულად მიიღოს.
თბილისის მერი კახა კალაძემ განაცხადა, რომ მარიჯანის ქუჩის N4-ში მშენებარე კომპანია უსაფრთხოების წესების დარღვევისთვის 30 000 ლარით დაჯარიმდება და სამშენებლო პროცესი შეჩერდება. მიწის ჩამონგრევის ფაქტზე მყისიერი რეაგირება მოხდა, რის შედეგადაც კომპანიას გამაგრებითი სამუშაოების ჩატარება დაევალა. მერის თქმით, მოსახლეობას საფრთხე არ ემუქრება.
უიმბლდონის მეოთხედფინალში ნოვაკ ჯოკოვიჩმა ოჟე-ალიასიმი დაძაბულ ბრძოლაში დაამარცხა. მატჩის შემდეგ ჟურნალისტმა ჯოკოვიჩი ლიონელ მესის შეადარა, რაზეც სერბმა ჩოგბურთელმა იუმორით უპასუხა.
იტალიის კომოს ტბის სანაპიროზე მდებარე სოფელ ვარენაში ახალი რეგულაციები ამოქმედდა, რომელიც კრძალავს ქუჩებში შიშველი მკერდით ან მხოლოდ საცურაო კოსტიუმით გადაადგილებას. წესების დამრღვევებს 50-დან 200 ევრომდე ჯარიმა დაეკისრებათ. რეგულაციები ასევე ზღუდავს ტურისტული ჯგუფების ზომას და გიდების მიერ ხმის გამაძლიერებლების გამოყენებას.
მსოფლიო კლიმატურ ცვლილებებს ებრძვის, რაც შეუქცევადი პროცესია. ილიას სახელმწიფო უნივერსიტეტის დედამიწის შემსწავლელ მეცნიერებათა ინსტიტუტის დირექტორი ლაშა სუხიშვილი განმარტავს, თუ როგორ შეიძლება ამან იმოქმედოს საქართველოზე. მისი თქმით, „ელ-ნინიოს“ ეფექტებმა შეიძლება იმოქმედოს ქვეყანაზე, თუმცა უფრო მეტად ლოკალური ფაქტორები, როგორიცაა ურბანული განვითარება და ნალექის მართვა, იქნება მნიშვნელოვანი.