მალტაში მიმდინარე FIBA U16 ქალთა ევრობასკეტის C დივიზიონში საქართველოს 16 წლამდე გოგონათა ეროვნულმა ნაკრებმა ჯგუფური ეტაპი დაასრულა და ნახევარფინალის საგზური მოიპოვა. ტურნირის მასპინძელი და მონაწილეები არიან: საქართველო, მალტა, კოსოვო, ალბანეთი, სომხეთი, მოლდოვა, გიბრალტარი.
ზაფხული დატვირთულია კალათბურთის საერთაშორისო ფედერაციის (FIBA) მიერ ორგანიზებული ევროპის ასაკობრივი ჩემპიონატებით. წელს ოთხ ქართველ ლიცენზიანტს, მათ შორის სამ მსაჯსა და ერთ კომისარს, ჯამში 8 საერთაშორისო ტურნირზე მოუწევს მუშაობა. ქართველი არბიტრები და კომისარი აქტიურად იქნებიან ჩართულნი მიმდინარე ტურნირებში.
აშშ-ის პრეზიდენტმა დონალდ ტრამპმა უკრაინის ლიდერ ვოლოდიმირ ზელენსკისთან შეხვედრისას განაცხადა, რომ აშშ უკრაინას Patriot-ის რაკეტების წარმოების ლიცენზიას გადასცემს. ტრამპმა ასევე აღნიშნა, რომ უკრაინის მიერ რუსეთის ნავთობობიექტებზე მიტანილი დარტყმები ესკალაციაა, თუმცა შესაძლოა ომის დასასრულამდე მიგვიყვანოს.
„ოცნების პროპაგანდისტი“ ლალი მოროშკინა ქვეყანაში „მტრებისა და აგენტურის“ წინააღმდეგ მკაცრი ზომების გატარების ინიციატივით გამოდის. მისი თქმით, სულ უფრო მეტად იზიარებს იოსებ სტალინის მეთოდებს და 37 წლის რეპრესიების ანალოგიით მოქმედებაში „საქილიკოს“ ვერაფერს ხედავს. მოროშკინამ ოპოზიციის უდიდესი ნაწილი საქართველოს საზიანოდ მოქმედებაში დაადანაშაულა და აღნიშნა, რომ საჭიროა ბევრად უფრო ხისტი ნაბიჯების გადადგმა.
გიორგი ბახუაშვილი, რომელიც, გავრცელებული ინფორმაციით, „ქართული ოცნების“ დამფუძნებლისა და საპატიო თავმჯდომარის, ბიძინა ივანიშვილის პირადი დაცვის წევრი იყო, სახელმწიფო უსაფრთხოების სამსახურის უფროსის გეკა გელაძის მოადგილედ დაინიშნა. შესაბამის ბრძანებას პრემიერ-მინისტრმა ირაკლი კობახიძემ 6 ივლისს მოაწერა ხელი.
სტატისტიკურმა პორტალმა Opta-მ მსოფლიო ჩემპიონატის მეოთხედფინალის დაწყებამდე ტურნირის ფავორიტები დაასახელა. საფრანგეთის ნაკრები 27.3%-ით მთავარი ფავორიტია, მას მოსდევს ესპანეთი 21.3%-ით და არგენტინა 17.3%-ით. მეოთხედფინალური ეტაპის პირველი მატჩი 10 ივლისს გაიმართება, სადაც საფრანგეთი მაროკოს დაუპირისპირდება.
საქართველოს საგარეო საქმეთა სამინისტრომ განაცხადა, რომ ყოფილი საგარეო საქმეთა მინისტრი თამარ ბერუჩაშვილი ახლადშექმნილი დიპლომატიის აკადემიის რექტორად დაინიშნა. აკადემია სამინისტროს დაქვემდებარებაში იქნება და განახორციელებს პოლიტიკის მეცნიერებებისა და საერთაშორისო ურთიერთობების საბაკალავრო და სამაგისტრო პროგრამებს. აკადემიაში სტუდენტების მიღება 2027 წელს დაიწყება.
ჩემპიონთა ლიგის პირველ საკვალიფიკაციო ეტაპზე თბილისის „იბერია 1999-მა“ სტუმრად ესტონური „ფლორა“ 3:2 დაამარცხა. ანგარიში ნაჭყებიამ გახსნა, შემდეგ ჯინჯოლავამ პენალტით გაზარდა უპირატესობა. მასპინძლებმა ანგარიში გაათანაბრეს, თუმცა ქარდავამ გამარჯვების გოლი გაიტანა. მატჩის ბოლოს „იბერიას“ კიდევ ჰქონდა შანსები, თუმცა დამაგვირგვინებელ ფაზაში სიზუსტე აკლდა.
აფხაზეთის საოკუპაციო რეჟიმმა „საერთაშორისო აღიარების“ მორიგი მცდელობა განახორციელა. ხელი მოეწერა შეთანხმებას „დაძმობილებული კავშირების“ დამყარების შესახებ ოკუპირებულ სოხუმსა და განის რესპუბლიკის სოჰუმის მუნიციპალური ოლქის ქალაქ სოჰუმს შორის. განის დელეგაცია აფხაზეთში საკუთარი ქვეყნის ეკონომიკური, საინვესტიციო და აგრარული პოტენციალის წარსადგენად ჩავიდა.
აშშ-ს პრეზიდენტმა, დონალდ ტრამპმა განაცხადა, რომ ესპანეთმა, მათთან ვაჭრობის შეწყვეტის მუქარის შემდეგ, უკან დაიხია და მეტის დახარჯვას დათანხმდა. სავარაუდოა, რომ ეს ხარჯები ქვეყნის თავდაცვაში მეტის დახარჯვას გულისხმობს. ტრამპს არ დაუკონკრეტებია, კონკრეტულად რომელ გადახდებზე საუბრობდა ან ესპანეთის რომელ წარმომადგენელთან ჰქონდა კომუნიკაცია.