უხვი ნალექის გამო თბილისის საერთაშორისო აეროპორტის შენობის ნაწილი დაიტბორა. ელექტროენერგიის მიწოდება შეწყდა და მგზავრებს უსაფრთხოების მიზნით შენობა დაატოვებინეს.
დორტმუნდის "ბორუსიას" პრეზიდენტმა, ჰანს-იოახიმ ვატცკემ, ერლინ ჰოლანის მომავალზე ისაუბრა და განაცხადა, რომ ნორვეგიელი ერთ დღეს "რეალში" აუცილებლად ითამაშებს. ვატცკეს თქმით, ჰოლანდი "რეალს" ძალიან უყვარს და ამას არც მალავს, თუმცა ახლა ამის დრო არ არის.
„დორტმუნდის“ შემტევი კარიმ ადეიემი კარიერას დიდი ალბათობით, „ბარსელონაში“ გააგრძელებს. კატალონიელებმა 24 წლის ფეხბურთელის სანაცვლოდ გერმანულ კლუბს 40 მილიონი ევრო შესთავაზეს. ფეხბურთელს კარიერის გაგრძელება მხოლოდ „ბარსელონაში“ სურს და ეს ხელმძღვანელობას ღიად განუცხადა.
საქართველოს მთავრობის ოპონენტებმა შეშფოთება გამოთქვეს იმის გამო, რომ ქვეყანა კვლავ არ მიიწვიეს ნატოს ყოველწლიურ სამიტზე, რომელიც თურქეთის დედაქალაქ ანკარაში იმართება. ამავდროულად, „ქართული ოცნების“ საგარეო საქმეთა მინისტრი მაკა ბოჭორიშვილი ანკარაში მიემგზავრება, სადაც სამიტის ფარგლებში დაგეგმილ ღონისძიებაში „მოკავშირეები ანკარაში“ მიიღებს მონაწილეობას. ოპონენტების აზრით, ეს საქართველოს ნატოს პლატფორმებიდან თანდათანობით გამოძევების ნაწილია.
აშშ-ის პრეზიდენტმა დონალდ ტრამპმა უკრაინის ლიდერ ვოლოდიმირ ზელენსკისთან შეხვედრისას განაცხადა, რომ აშშ უკრაინას Patriot-ის რაკეტების წარმოების ლიცენზიას გადასცემს. ტრამპმა ასევე აღნიშნა, რომ უკრაინის მიერ რუსეთის ნავთობობიექტებზე მიტანილი დარტყმები ესკალაციაა, თუმცა შესაძლოა ომის დასასრულამდე მიგვიყვანოს.
მალტაში მიმდინარე FIBA U16 ქალთა ევრობასკეტის C დივიზიონში საქართველოს 16 წლამდე გოგონათა ეროვნულმა ნაკრებმა ჯგუფური ეტაპი დაასრულა და ნახევარფინალის საგზური მოიპოვა. ტურნირის მასპინძელი და მონაწილეები არიან მალტა, საქართველო, კოსოვო, ალბანეთი, სომხეთი, მოლდოვა და გიბრალტარი. ქართველმა კალათბურთელებმა ჯგუფური ეტაპის ორი მატჩიდან ერთი მოიგეს და ერთი წააგეს.
აშშ-ს ცენტრალური სარდლობა (CENTCOM) აცხადებს, რომ ამერიკულმა ძალებმა ირანის წინააღმდეგ ახალი იერიშების მიტანა დაიწყეს, რათა კიდევ უფრო შეასუსტონ მისი შესაძლებლობა, საფრთხე შეუქმნას ნაოსნობის თავისუფლებას ჰორმუზის სრუტეში. CENTCOM-ის განცხადებით, შეერთებული შტატები ირანს პასუხს აგებინებს საერთაშორისო მნიშვნელობის ამ სასიცოცხლო საზღვაო გზაზე კომერციულ გემებსა და სამოქალაქო ეკიპაჟებზე განხორციელებული ბოლოდროინდელი გაუმართლებელი თავდასხმებისა და აგრესიისთვის.
პროკურატურამ 2015 წელს მომხდარი, გიორგი კვარაცხელიას ჯგუფურად, განზრახ მკვლელობის სისხლის სამართლის საქმე გახსნა. საქმეზე ორ პირს, თორნიკე კაჭარავასა და დავით დეკანოსიძეს ბრალდება წარედგინება. გამოძიებით დადგინდა, რომ ბრალდებულებმა შურისძიების მიზნით, ცეცხლსასროლი იარაღიდან მრავლობითი გასროლით სასიკვდილოდ დაჭრეს გიორგი კვარაცხელია. "ნიუპოსტის" არქივში იძებნება სტატია, რომელიც 11 წლის წინ მომხდარ მკვლელობას ეხება.
„ნიუკასლის“ კაპიტანმა, ბრუნო გიმარაეშმა კლუბს აცნობა, რომ კარიერის გაგრძელება „არსენალში“ სურს. ამის შემდეგ, „არსენალმა“ ტრანსფერზე მუშაობა დაიწყო და „ნიუკასლს“ 65 მილიონი ევრო შესთავაზა, თუმცა „კაჭკაჭებმა“ წინადადება დაბლოკეს. „მეთოფეები“ მესამე შეთავაზებას მალე გააკეთებენ და ტრანსფერის დახურვას შეეცდებიან.
საგარეო საქმეთა ყოფილი მინისტრი თამარ ბერუჩაშვილი დაინიშნა ახლადშექმნილი დიპლომატიის აკადემიის რექტორად. აკადემია, რომელიც სამინისტროს დაქვემდებარებაში იქნება, განახორციელებს პოლიტიკის მეცნიერებებისა და საერთაშორისო ურთიერთობების საბაკალავრო და სამაგისტრო პროგრამებს. სტუდენტების მიღება 2027 წელს დაიწყება.