კოალიცია „ცვლილებისთვის” ლიდერი ზურა ჯაფარიძე ამბობს, რომ ოფიციალური წერილებიდან ნათელია — ხელისუფლება 26 მაისის ოპოზიციური მსვლელობის ჩაშლას ცდილობს. მიუხედავად ამისა, ოპოზიცია 19:00-ზე თსუ-ს პირველ კორპუსთან იკრიბება.
რადიო თავისუფლების კორესპონდენტებმა ერთი დღე გაატარეს უკრაინის 31-ე მექანიზებული ბრიგადის დრონ-გადამჭერების ეკიპაჟთან ოლექსანდრივკის მიმართულებაზე. ერთი ეკიპაჟი 170-ზე მეტ სამიზნეს ანადგურებს და ერთ წელში 15 მლნ დოლარის ღირებულების რუსული დრონები გაანადგურა.
თბილისის ერთ-ერთ კერძო საბავშვო ბაღში, სათვალთვალო კამერებმა ჩაიწერა, როგორ ახდენდა ძიძა ბავშვზე ფიზიკურ ძალადობას. პოლიციამ ბრალდებული დააკავა — ბაღის ადმინისტრაციამ კი განაცხადა, რომ ის სამსახურიდან გათავისუფლდა.
საქართველოს ეროვნული ნაკრები 25 მაისს მიხეილ მესხი 2-ზე პირველი ვარჯიშით ჩაება ივნისის სანაკრებო პაუზისთვის. 2 ივნისს რუმინეთთან მატჩი ნაკრების კაპიტნის გურამ კაშიას სანაკრებო კარიერის დასასრული იქნება.
ბოლო ერთ კვირაში „ბოლო ზარის” ავტოკოლონები სამ ავარიაში მოყვა — ტყვიავი-ძევერის გზაზე, თელავთან და გურჯაანში. დაშავებულები არიან. ექსპერტები ახალბედა მძღოლების კონტროლისა და მკაფიო წესების შემოღებას ითხოვენ.
საქართველოს ეროვნულმა ბანკმა განაცხადა, რომ 2026 წლის აპრილში წმინდა შესყიდვებმა 333.3 მლნ აშშ დოლარი შეადგინა. მთლიანი საერთაშორისო რეზერვები კი იმავე პერიოდის მდგომარეობით 6.47 მლრდ დოლარს გაუტოლდა.
ბულგარეთი ევროკავშირის ყველაზე კორუმპირებულ წევრ-სახელმწიფოდ ითვლება და ბოლო ხუთი წლის განმავლობაში რვა საპარლამენტო არჩევნება ჩაატარა. საქართველოს უნივერსიტეტის უსაფრთხოების პლატფორმის მკვლევარი ხატია დავლიანიძე განმარტავს, რატომ მოიხსენიებენ დასავლელი პარტნიორები ახალ პრემიერ რუმენ რადევს და სლოვაკეთის ლიდერ რობერტ ფიცოს პრორუსებად.
რომის პაპი ლეო XIV, კათოლიკური ეკლესიის ისტორიაში პირველი ამერიკელი პაპი, ხელოვნური ინტელექტის შესახებ Magnifica Humanitas სათაურის ენციკლიკა გამოაქვეყნა. თითქმის 43 000-სიტყვიანი დოკუმენტი მოუწოდებს მსოფლიოს, AI-ის მართვა კერძო კომპანიების ხელში არ გადაიდოს.
ფსიქოლოგიური ცენტრი "სინაფსი" დიუშენის კუნთოვანი დისტროფიის მქონე ყველა ბავშვსა და მათი ოჯახის წევრებს უფასო ფსიქოკონსულტაციას და კრიზისული ფსიქოთერაპიის სეანსებს სთავაზობს. საქართველოში ამ დაავადებით 80-ზე მეტი ბავშვი ცხოვრობს, რომელთა მშობლები სამკურნალო პრეპარატების შემოტანის მოთხოვნით სამ კვირეზე მეტია მთავრობის კანცელარიასთან ღამდებიან.
ჟურნალისტ ელისო კილაძის სასამართლო პროცესი „ქოლცენტრების” ე.წ. დიდი საქმიდან გამოიყვეს — მის ეპიზოდს ახლა ცალკე განიხილავენ. კილაძის მოთხოვნა საჯარო პროცესზე მოსამართლემ უარყო: სხდომა დაიხურა. ბრალდებულმა ჟურნალისტმა განაცხადა, რომ დევნა „მამუკა მდინარაძის შურისძიებაა”.