„ახალგაზრდა რუსებს მივმართავ: არ წახვიდეთ უკრაინაში საომრად — ან მოკვდებით, ან დაიჭრებით და სიკვდილისთვის მიგატოვებენ ტალახში.” ეს სიტყვები ნატო-ს გენერალური მდივნის, მარკ რუტეს, კიევში გამართული ერთობლივი პრესკონფერენციიდანაა — უკრაინის პრეზიდენტ ვოლოდიმირ ზელენსკის გვერდით.

„ომის მსვლელობა შეიცვალა, რუსეთის მხარეს მასში მონაწილეობა სულ უფრო სახიფათო გახდა,” — განაცხადა რუტემ. მისი თქმით, რუსეთი ახლა თვეში 30 000-ზე მეტ ადამიანს კარგავს. „ეს ნიშნავს: ერთ თვეში რუსეთი მეტ ადამიანს კარგავს, ვიდრე საბჭოთა კავშირმა ავღანეთში 10 წლის განმავლობაში 80-იან წლებში. ეს სრულიად შოკისმომგვრელი ციფრებია.”

ნატო-ს გენერალური მდივანი პირდაპირ მიმართა ახალგაზრდა რუს მამაკაცებს: „ისეთი ბიჭები, როგორც შენ, სათანადო სამხედრო მომზადების გარეშე მიდიან საომრად. აღჭურვილობა, რომელსაც მოგცემენ, უხარისხო იქნება. ძალიან დიდი ალბათობაა, რომ მოკვდები ან დაიჭრები. და, სავარაუდოდ, თუ დაგჭრიან — სიკვდილისთვის მიგატოვებენ ტალახში. ეს არ არის აბსტრაქტული ციფრები — ეს, კონკრეტულად, შენ შეიძლება იყო.”

რუტემ ასევე განაცხადა, რომ რუსული პროპაგანდა ახალგაზრდებს „ატყუებს”, ხოლო ბრძოლის ველზე „უკრაინა იმარჯვებს”.