საინფორმაციო სააგენტო BMG-მ ონლაინ მედიასაშუალება On.ge შეიძინა. საჯარო რეესტრში შესაბამისი ცვლილებები 8 და 9 ივლისს აისახა. BMG-ის ჰოლდინგში გაერთიანება On.ge-სთვის განვითარების ახალ ეტაპად მიიჩნევა.
საინფორმაციო სააგენტო BMG-მ ონლაინ მედიასაშუალება On.ge შეიძინა. ამის შედეგად BMG ონლაინ მედიასაშუალების 100%-იანი წილის მფლობელი გახდა. On.ge შეინარჩუნებს თავის პროფილს და ფუნქციონირებას BMG-ის ჰოლდინგში, როგორც დამოუკიდებელი მედიასააგენტო.
მიუხედავად იმისა, რომ შორენა ბეგაშვილისა და ბიზნესმენ მამუკა ურუშაძის იტალიური ქორწილიდან ორი დღე გავიდა, ცერემონიის დეტალები კვლავ უმკაცრესად არის გასაიდუმლოებული. თუმცა, ამ საიდუმლოებაში პატარა გამონაკლისი მსახიობის უახლოესმა ადამიანებმა და ოჯახის წევრებმა დაუშვეს, რომელთა ფოტოებიც სოციალურ ქსელში ვრცელდება. გავრცელებული ფოტოებიდან ირკვევა, რომ დედის გვერდითაა მისი ერთადერთი ქალიშვილი, ევა ბარბაქაძე, შეყვარებულთან ერთად.
„ახალის“ ერთ-ერთი ლიდერი, ნიკა გვარამია, ოპოზიციის სტრატეგიას სოციალურ ქსელში აანალიზებს. მისი თქმით, ოპოზიციის მთავარი გზავნილია: „შიგნით აქცია, გარეთ სანქცია, ალტერნატივა“. გვარამია ხაზს უსვამს, რომ ერთიანობის წინააღმდეგ წასვლა საბოტაჟია და ამას შეუძლია პროტესტის და საერთაშორისო საზოგადოების რწმენის შესუსტება.
ამერიკელი ტელეწამყვანი ანა კასპარიანი მიიჩნევს, რომ ბოსნია და ჰერცეგოვინა ორი სხვადასხვა სახელმწიფოა. მან TYT-ის პირდაპირ ეთერში განაცხადა, რომ მსოფლიო ჩემპიონატის 1/16-ფინალში აშშ-მ ორი ქვეყანა - ბოსნია და ჰერცეგოვინა ერთად დაამარცხა.
ცაგერის საკრებულოს წევრი, „ხალხის ძალის“ ფრაქციის თავმჯდომარე ლაშა ლეთოდიანი „ქურდული სამყაროს“ მხარდაჭერის ბრალდებით დააკავეს. მას ბრალი სისხლის სამართლის კოდექსის 223-ე მუხლის მეორე ნაწილით წარუდგინეს. ლეთოდიანის ადვოკატის განცხადებით, მისი დაცვის ქვეშ მყოფი ბრალს არ აღიარებს და აღკვეთის ღონისძიების სახით 10 000-ლარიანი გირაოს შეფარდებას ითხოვს.
უკრაინის პრეზიდენტის, ვოლოდიმირ ზელენსკის განცხადებით, რუსეთის პრეზიდენტის გარემოცვაში მყოფ პირებს ესმით, რომ მშვიდობას ალტერნატივა არ აქვს. მისი თქმით, ომის გაჭიანურების შემთხვევაში, მშვიდობის აუცილებლობის შესახებ მოსაზრება რუსეთში კიდევ უფრო გამყარდება. ზელენსკიმ ასევე აღნიშნა, რომ უკრაინის შეიარაღებული ძალების შემადგენლობაში შეიქმნება დანაყოფი, რომელიც რუსეთზე შორი რადიუსის დარტყმებზე იქნება პასუხისმგებელი.
ვაშლიჯვარში, კვანტალიანის ქუჩაზე, არასრულწლოვანი დაჭრეს. კონფლიქტი ეზოში ბავშვების ხმაურის გამო დაიწყო, რის შედეგადაც 26 წლის კაცმა მოზარდს დანით ხუთი ჭრილობა მიაყენა. დაჭრილი კლინიკაშია გადაყვანილი და მისი მდგომარეობა კრიტიკულად მძიმეა.
დადგინდა ჩელენჯ კაპის გათამაშებაში ქართული ფრანჩაიზის „შავი ლომის“ მატჩების განრიგი. გუნდი პირველ შეხვედრას 17 ოქტომბერს, შინ, უელსურ „ოსფრიზთან“ გამართავს. შემდეგ კი, ჯგუფური ეტაპის დარჩენილ მატჩებს საფრანგეთში და შინ ჩაატარებს.
Human Rights Watch-მა (HRW) გამოაქვეყნა ანგარიში, რომელიც საქართველოში სამოქალაქო სექტორისა და აქტივისტების მიმართ გაძლიერებულ ზეწოლას ეხება. ორგანიზაციის განცხადებით, ხელისუფლება რეპრესიული კანონების, დაფინანსების შეზღუდვებისა და პოლიტიკურად მოტივირებული სისხლისსამართლებრივი გამოძიებების გამოყენებით დამოუკიდებელ სამოქალაქო საზოგადოებას ანადგურებს. HRW-მ ესაუბრა 15 ქართველ აქტივისტს, იურისტს და არასამთავრობო ორგანიზაციის ხელმძღვანელს, რომლებმაც განაცხადეს, რომ ქვეყანაში „უკიდურესად მტრული გარემოა“.