ბათუმის "დინამომ" ოფიციალურად დაადასტურა ბრაზილიელი თავდამსხმელის, მაურიდეს როკე ჟუნიორის ტრანსფერი. ფეხბურთელმა კლუბთან 2027 წლის ბოლომდე გააფორმა კონტრაქტი, კლუბს კი მისი დამატებითი წლით გაგრძელების უფლება აქვს. მაურიდესი გუნდს თურქულ შეკრებაზე შეუერთდება.
უკრაინული და რუსული მედიასაშუალებები პროდიუსერ და კომპოზიტორ კონსტანტინე მელაძის ირგვლივ ატეხილ ახალ სკანდალზე წერენ. ვრცელდება ინფორმაცია, რომ მან ფარულად საქართველოს მოქალაქეობა მიიღო. ცნობილია, რომ მელაძეს უკრაინული პასპორტი ჰქონდა, რომელიც, გავრცელებული ინფორმაციით, 2024 წელს განაახლა კიდეც. თუმცა, ახლა ამტკიცებენ, რომ მან უკრაინის მოქალაქეობაზე უარი თქვა.
ინგლისის ნაკრების ყოფილმა მეკარემ ჯო ჰარტმა, მუნდიალის მერვედფინალში საფრანგეთისა და პარაგვაის მატჩი შეაფასა. ჰარტის თქმით, პარაგვაის გუნდი სირცხვილი იყო და მათმა უხეშმა თამაშმა და მსაჯის გადაწყვეტილებებმა ფეხბურთის დაცინვა გამოიწვია.
28 წლის მასწავლებლის გიგა ავალიანის მკვლელობის საქმეზე, დანაშაულის შეუტყობინებლობის ბრალდებით, შინაგან საქმეთა მინისტრის ყოფილი მოადგილის, მერაბ მალანიას ვაჟი, გიორგი მალანია დააკავეს. მოგვიანებით, მას ბრალი დაუმძიმეს და ჯგუფურად ჯანმრთელობის განზრახ მძიმე დაზიანებაში დახმარების ფაქტზე ბრალდება წარუდგინეს, რაც 13 წლამდე თავისუფლების აღკვეთას ითვალისწინებს.
ავტოიმპორტიორი, „მათე მოტორსის“ დამფუძნებელი გელა ბარკალაია აცხადებს, რომ ხელისუფლება ბიზნესის გარკვეულ წარმომადგენლებს ლობირებს და ავტობიზნესში ზეწოლას ახორციელებს. მისი თქმით, მას უკანონო დავალებებს აძლევენ, რის შესრულებაზეც უარს ამბობს. ბარკალაია ასევე საუბრობს დუბაიდან შემოყვანილი ავტომობილების განბაჟებასთან დაკავშირებულ პრობლემებზე, რაც, მისი აზრით, კონკრეტული პირების ინტერესების დაცვას ემსახურება.
კოლუმბიაში 17-წლამდელ ძალოსანთა მსოფლიო ჩემპიონატი დაიწყო, რომელიც 6 დღე გაგრძელდება. საქართველოს ნაკრები ოკეანის გაღმა ექვსი სპორტსმენით გაემგზავრა და შეჯიბრებას 8 ივლისს დაიწყებს. ტურნირში მონაწილეობას მიიღებენ გიორგი ქინქლაძე, დავით კილაძე, ლადო ძიმცეიშვილი, თამაზ მეგრელიშვილი, ნიკოლოზ კურტანიძე და ხვიჩა კიწმარიძე.
„ნაპოლის“ ვეტერანი ნახევარმცველი კევინ დე ბრუინი ამ ზაფხულს კლუბს არ შეიცვლის. ახალი მთავარი მწვრთნელი მასიმილიანო ალეგრი მას გუნდისთვის საკვანძო ფეხბურთელად მიიჩნევს. დე ბრუინს „ნაპოლისთან“ მიმდინარე ხელშეკრულება 2027 წლის ივნისამდე აკავშირებს.
ოკუპირებულ ცხინვალის რეგიონში ე.წ. „საპრეზიდენტო არჩევნები“ 18 სექტემბერს გაიმართება. ვადამდელი არჩევნების დანიშვნა რეგიონის დე ფაქტო ლიდერის, ალან გაგლოევის გადადგომას მოყვა, რომელიც რუსეთის პრეზიდენტის მრჩეველი გახდა. გაგლოევი დე ფაქტო „პრეზიდენტის“ თანამდებობას 2022 წლიდან იკავებდა.
ქუთაისის "ტორპედო" ახალი ფეხბურთელით, ბულგარელი მცველით, მატეო სტამატოვით შეივსო. 27 წლის ფეხბურთელი, რომელიც 2011-2018 წლებში "ესპანიოლის" აკადემიაში ვარჯიშობდა, მანამდე "ლევსკის", "ორენბურგისა" და "ნიჟნი ნოვგოროდის" რიგებში თამაშობდა. ასევე, ცნობილი გახდა, რომ დანიური "ვეილედან" წამოსული ლუკა ლაცაბიძეც ქუთაისის "ტორპედოში" ითამაშებს.
კომპანია „ბლექ სი პეტროლიუმი“, რომელიც ყულევის ნავთობგადამამუშავებელ ქარხანას მართავს, აცხადებს, რომ აგვისტო-სექტემბრიდან დაიწყებს სრულად არა-რუსული წარმოშობის ნედლი ნავთობის გადამუშავებას. ეს ნაბიჯი კომპანიის პროდუქციას მაღალმარჟინალური ბაზრების კარს გაუხსნის. კომპანია ასევე აფართოებს პარტნიორობას Honeywell-თან და გეგმავს საგზაო ბიტუმისა და 2027 წლისთვის საავიაციო საწვავის წარმოებას.