ირანის საგარეო საქმეთა მინისტრი აბას არაღჩი განაცხადა, რომ თეირანი ღიაა ამერიკასთან მოლაპარაკებებისთვის, მაგრამ ვაშინგტონის მიმართ ნდობა დაკარგული აქვს. მინისტრის თქმით, ირანი ამჟამად ცეცხლის შეწყვეტის შეთანხმებას ინარჩუნებს, რათა დიპლომატიას შანსი მიეცეს.
ბულგარეთის სამოკოვში მიმდინარე U17 ევროპის ჭიდაობის ჩემპიონატში ქართველი გოგონები — ანა წერეთელი (61 კგ) და ნინო სამხარაძე (69 კგ) — ბრინჯაოს მედლისთვის განაგრძობენ ბრძოლას. სამხარაძე ნახევარფინალში ლატვიელ ევროპის ჩემპიონს წააგო; წერეთელი დამამშვიდებელ წრეშია.
Liverpool Echo-ს ინფორმაციით, „ლივერპულის” კარი „ასტონ ვილასთან” პრემიერლიგის ბოლოსწინა ტურის მატჩში გიორგი მამარდაშვილმა უნდა დაიცვას — ალისონი ტრავმიდან სრულად ჯერ არ გამოჯანმრთელებულა. გამარჯვების შემთხვევაში, „ლივერპული” ჩემპიონთა ლიგის საგზურს გაიფორმებს.
საქართველოს ფეხბურთის ფედერაციამ ბერძენი კოლეგების თხოვნით FIFA-ს არბიტრი გოგა კიკაჩეიშვილი გაგზავნა — 17 მაისს ათენის „პანათინაიკოსის” და სალონიკის PAOK-ის ბოლო ტურის განმსაზღვრელ შეხვედრაზე.
„მუნდო დეპორტივოს” ცნობით, „ატლეტიკოს” ფორვარდი ხულიან ალვარესი PSJ-ში გადასვლის კანდიდატია. „ბარსელონა” 100 მლნ ევროს სთავაზობდა, თუმცა „ატლეტიკო” კლუბს არ სურს კონკურენტი გააძლიეროს — PSJ კი კიდევ უფრო დიდ თანხას სთავაზობს. ალვარესი კვარაცხელიასთან და დემბელესთან ერთად შეუტევდა.
RMC Sport-ის ჟურნალისტი დანიელ რიოლო PSJ-ს „ლანსთან” მატჩის შემდეგ კვლავ ხვიჩა კვარაცხელიას აკრიტიკებს: „ლიგა 1-ზე ყურადღება არ ექცევა, მაგრამ მაინც გაიტანა.” ქართველ ფეხბურთელს CL ფინალი ელის.
რუსეთის ბაშკირეთის რესპუბლიკაში ნავთობსადენი კომპანია „ტრანსნეფტის” სარეზერვუარო პარკზე გაჩენილ ხანძარს სამი ადამიანი ემსხვერპლა, ერთი კვლავ ძებნილია. ხანძარი სარემონტო სამუშაოების დროს გაჩენილი ავარიის შედეგია, გამოძიება მიმდინარეობს.
თორნიკე შენგელიას „ბარსელონამ” „გრანადა” 101:98 დაამარცხა — თოკო 21 წუთში 10 ქულა, 5 მოხსნა და 2 ჩაჭრა ანგარიშს ედო. გიორგი შერმადინის „ტენერიფე” კანარის კუნძულების დერბიში „გრან კანარიასთან” 83:102-ით დამარცხდა, თუმცა ქართველი 15 ქულა, 5 მოხსნა და 80%-იანი სიზუსტით გამოიყო. 17 მაისს ქართული დერბი: შენგელიას „ბარსი” შერმადინის „ტენერიფეს” ეწვევა.
ევროსტატის 2025 წლის მონაცემებით, გაძევებულ მოქალაქეთა რაოდენობით საქართველო ევროკავშირში მეორე ადგილზეა: 10 475 ქართველი გამოაძევეს. ყველაზე მეტი — გერმანიიდან. ჯამში, ევროკავშირმა 135 000-ზე მეტი ადამიანი გააძევა — 2024-თან შედარებით 20.9%-ით მეტი.
თბილისის მერიამ 14 მაისს ხელახლა გამოაცხადა თბილისის ზღვის სანაპირო ზოლზე თანამედროვე, ეკოლოგიურად მდგრადი მრავალფუნქციური პარკის საპროექტო დოკუმენტაციის შედგენის ტენდერი. შესყიდვის ღირებულება 822 033 ლარია — მარტში ჩაფლული 865-ათასიანი ტენდერის ნაცვლად.