„მანჩესტერ სიტიმ“ ოფიციალურად დაადასტურა ნახევარმცველ ელიოტ ანდერსონის ტრანსფერი „ნოტინგემიდან“. 23 წლის ფეხბურთელმა, რომელიც ამჟამად ინგლისის ნაკრებთან ერთად მსოფლიოს ჩემპიონატზე იმყოფება, უკვე გაიარა სამედიცინო შემოწმება. არაოფიციალური ინფორმაციით, ტრანსფერის თანხამ 135 მილიონი ევრო შეადგინა, რაც მას ბრიტანული ფეხბურთის ისტორიაში ყველაზე ძვირადღირებულ მოთამაშედ აქცევს.
იტალიის ჩემპიონმა „ინტერმა“ რამდენიმე ფეხბურთელის წასვლის შესახებ გამოაცხადა. ახალი სეზონიდან მილანურ კლუბში არ ითამაშებს შვეიცარიის ნაკრების ყოფილი მეკარე იან ზომერი. ამასობაში, „ინტერმა“ კონტრაქტი გაახანგრძლივა ნახევარმცველ ჰენრიხ მხითარიანთან.
ბრაზილიის ნაკრები 2026 წლის მსოფლიო ჩემპიონატის მერვედფინალიდან ნორვეგიასთან მარცხის შემდეგ გამოეთიშა. მატჩის შემდეგ გუნდის ვარსკვლავმა ნეიმარმა განაცხადა, რომ ეს მისი დასასრულია ნაკრებში და აღარ ითამაშებს. ნეიმარი ბრაზილიის ნაკრების ყველა დროის საუკეთესო ბომბარდირია 80 გატანილი გოლით 130 მატჩში.
მსოფლიო ჩემპიონატის 1/8-ფინალში ინგლისმა მექსიკა 3:2 დაამარცხა. მიუხედავად იმისა, რომ ინგლისელთა მცველი ქუანსა 54-ე წუთზე გააძევეს, გუნდმა მაინც შეძლო გამარჯვების მოპოვება. ინგლისი მეოთხედფინალში ნორვეგიას დაუპირისპირდება.
ოკუპირებულ ცხინვალის რეგიონში ე.წ. „საპრეზიდენტო არჩევნები“ 18 სექტემბერს გაიმართება. ვადამდელი არჩევნების დანიშვნა რეგიონის დე ფაქტო ლიდერის, ალან გაგლოევის გადადგომას მოყვა, რომელიც რუსეთის პრეზიდენტის მრჩეველი გახდა. ახალი „არჩევნების“ ჩატარებამდე, „პრეზიდენტის“ მოვალეობის შემსრულებელი მარატ კამბოლოვი იქნება.
„ბარსელონა“ ინგლისის ნაკრების კაპიტნის, ჰარი კეინის ტრანსფერის შესაძლებლობას სწავლობს. კატალონური კლუბის წარმომადგენლები უკვე დაუკავშირდნენ ფეხბურთელის გარემოცვას. მიუხედავად იმისა, რომ კეინს „ბაიერნთან“ კონტრაქტით ერთი წელი რჩება, „ბარსელონა“ მზადაა, მსოფლიო ჩემპიონატის შემდეგ გაააქტიუროს მუშაობა, თუ სატრანსფერო პირობები უფრო მისაღები გახდება.
მიხეილ ყაველაშვილმა ჟენევაში, გაეროს გლობალურ დიალოგზე განაცხადა, რომ ხელოვნური ინტელექტი (AI) უნდა გახდეს ადამიანის პარტნიორი სამყაროს საიდუმლოებების შეცნობაში. მისი თქმით, AI-ის მომავალი თაობების სამსახურში დაყენება და ეგზისტენციალური რისკების პრევენცია გადამწყვეტია ციფრული მომავლისთვის.
საგარეო ურთიერთობათა კომიტეტის თავმჯდომარემ ნიკოლოზ სამხარაძემ ეუთო-ს საპარლამენტო ასამბლეის სესიაზე გამოსვლისას რუსეთსა და ე.წ სამხრეთ ოსეთს შორის გაფორმებულ „სამოკავშირეო თანამშრომლობის გაღრმავების შესახებ ხელშეკრულება“ დაგმო. მისი თქმით, ეს დოკუმენტი საერთაშორისო სამართლის უხეში დარღვევაა და მოსკოვის მცდელობაა, განამტკიცოს ოკუპაცია და ხელი შეუწყოს საქართველოს ტერიტორიების დე ფაქტო ანექსიას.
7 ივლისიდან 21 ივლისის ჩათვლით, თბილისში, პირველი რესპუბლიკის მოედანზე ფეხბურთის მსოფლიო ჩემპიონატის ღია ჩვენებების მოწყობის გამო, ტრანსპორტის მოძრაობა სრულად შეიზღუდება. შინაგან საქმეთა სამინისტრო მძღოლებს ალტერნატიული მარშრუტების გამოყენებისკენ მოუწოდებს. ცვლილებები შეეხება საზოგადოებრივი ტრანსპორტის მოძრაობასაც.
უკრაინის საგარეო საქმეთა მინისტრი ანდრეი სიბიგა აცხადებს, რომ რუსი ტერორისტები მძინარე მშვიდობიან მოსახლეობას დაესხნენ თავს, რის შედეგადაც ერთ-ერთ რაიონში ნანგრევებიდან მთელი ოჯახი ამოიყვანეს. მისი თქმით, ეს იყო ერთ-ერთი ყველაზე სასტიკი თავდასხმა ათობით ბალისტიკური რაკეტით, რომლის მიზანიც მსხვერპლის მაქსიმალურად გაზრდა იყო.