საქართველოს 7-კაცა ნაკრებმა 2026 წლის რაგბი ევროპის ჩემპიონატის ჰამბურგის ეტაპი მე-8 ადგილზე დაასრულა. ჯგუფურ ეტაპზე სამივე თამაშის მოგების შემდეგ, ფლეი-ოფის სამივე შეხვედრა ბრძოლაში დათმო. გუნდი მეორე ეტაპზე ხორვატიაში, სპლიტში ითამაშებს.
ვლადიმერ პუტინმა დონალდ ტრამპს აშშ-ის დამოუკიდებლობის დღე მიულოცა. საუბრისას პრეზიდენტები უკრაინაში მიმდინარე კონფლიქტს შეეხნენ, მათ შორის ტრამპის ნატოს სამიტში მონაწილეობის გეგმების კონტექსტში. პუტინმა ასევე ისაუბრა „პოლიტიკურ-დიპლომატიური დარეგულირების უპირატესობაზე“, თუმცა „რუსეთის პრინციპული მიდგომების“ გათვალისწინებით.
მსოფლიო ჩემპიონატის მერვედფინალურ ეტაპზე ნორვეგიამ ბრაზილია დაამარცხა. ერლინგ ჰალანდის დუბლმა ბრაზილიელები ტურნირიდან გამოთიშა. ნორვეგიელები თამაშის უმეტესი ნაწილი უკეთესად გამოიყურებოდნენ და დამსახურებულად მოიპოვეს გამარჯვება.
ესპანური მედია გამოეხმაურა საქართველოს ნაკრებთან ესპანეთის ნაკრების მარცხს მსოფლიო ჩემპიონატის საკვალიფიკაციო ეტაპის მატჩში. გამოცემებმა ხაზი გაუსვეს თორნიკე შენგელიასა და ჯორდან რიდის შესანიშნავ თამაშს, რომლებმაც გუნდს გამარჯვებისკენ უხელმძღვანელეს. ასევე, მედია მიიჩნევს, რომ მსაჯობა მიკერძოებული იყო.
კოლუმბიაში 17-წლამდელ ძალოსანთა მსოფლიო ჩემპიონატი იწყება, რომელიც 6 დღე გაგრძელდება. საქართველოს ნაკრები ექვსი სპორტსმენით მონაწილეობს და შეჯიბრებას 8 ივლისს დაიწყებს.
აშშ-ის ვიცე-პრეზიდენტი, ჯეი დი ვენსი მიიჩნევს, რომ რუსეთის შეტევითი ოპერაციები ბრძოლის ველზე თითქმის არანაირ შედეგს არ იძლევა, ხოლო უკრაინის წარმატებები ქმნის საჭირო პირობებს ომის დასასრულებლად. მისი თქმით, დრონებისა და თანამედროვე სათვალთვალო ტექნოლოგიების ფართომასშტაბიანი გამოყენების ფონზე, უკრაინისთვის უფრო გონივრული იყო პოზიციების შენარჩუნება და რუსეთის გამოფიტვა. ვენსის შეფასებით, 2023 წლის ზაფხულის მასშტაბური კონტრშეტევა „სტრატეგიული და ტაქტიკური კატასტროფა“ აღმოჩნდა.
2026 წლის მსოფლიო ჩემპიონატის მერვედფინალში ნორვეგიის ნაკრებმა ერლინგ ჰოლანის დუბლით ბრაზილიას 2:1 სძლია. "სიტის" 25 წლის ფორვარდისთვის ეს მუნდიალი სადებიუტოა და მან უკვე 7 გოლი გაიტანა, რითიც 1974 წელს პოლონელი გრეგორჟ ლატოს დამყარებული რეკორდი გაიმეორა. თუ ჰოლანი ამ მსოფლიო ჩემპიონატზე მეტოქის კარს მინიმუმ ერთხელ კიდევ აიღებს, ის სადებიუტო მუნდიალზე ყველაზე მეტი გოლი გამტანი ფეხბურთელი გახდება.
თურქული გუნდები "ბეშიქთაში" და "ფენერბაჰჩე" "ნაპოლის" 33 წლის ბელგიელი ფორვარდის რომელუ ლუკაკუს გადაბირებით არიან დაინტერესებულნი. "პარტენოპეი" მზადაა, გუნდის თავდამსხმელს, რომელთანაც ბოლო პერიოდში ურთიერთობა გაუფუჭდათ, 10 მილიონ ევროდ შეელიოს.
ოკუპირებულ ცხინვალის რეგიონში ე.წ. „საპრეზიდენტო არჩევნები“ 18 სექტემბერს გაიმართება. არჩევნების დანიშვნა რეგიონის დე ფაქტო ლიდერის, ალან გაგლოევის გადადგომას მოჰყვა, რომელიც რუსეთის პრეზიდენტის მრჩეველი გახდა. გაგლოევი დე ფაქტო „პრეზიდენტის“ თანამდებობას 2022 წლიდან იკავებდა.
ჟენევის საერთაშორისო დისკუსიების 67-ე რაუნდი 2026 წლის 30 ივნისსა და 1 ივლისს გაიმართა. შეხვედრაზე ქართულმა დელეგაციამ რუსეთსა და საოკუპაციო რეჟიმებს შორის გაფორმებული ე.წ. შეთანხმების გამო „ღრმა შეშფოთება“ გამოთქვა და ხაზი გაუსვა საერთაშორისო სამართლის ნორმების დაცვის აუცილებლობას.