ესპანეთის ნაკრებმა პორტუგალია დაამარცხა და მსოფლიო ჩემპიონატის მეოთხედფინალში გავიდა. მატჩში ესპანელებმა უკეთესი თამაში აჩვენეს, მეტად აკონტროლეს ბურთი და მეტი საგოლე მომენტი შექმნეს. გადამწყვეტი გოლი მიკელ მერინომ გაიტანა ფერან ტორესის პასით.
ოკუპირებულ ცხინვალში ე.წ. პრეზიდენტობის კანდიდატად მარატ კამბოლოვი წარადგინეს. ის ერთადერთი დასახელებული კანდიდატია, რომელსაც მხარი თითქმის ყველა პოლიტიკურმა ჯგუფმა, მათ შორის ოპოზიციამ და მმართველმა პარტიამ „ნიხასმა“ დაუჭირა. ე.წ. ვადამდელი საპრეზიდენტო არჩევნები 18 სექტემბერს გაიმართება.
„ერთიანი ნაციონალური მოძრაობის“ ყოფილ თავდაცვის მინისტრს, ბაჩო ახალაიას, 2.5 წლით თავისუფლების აღკვეთა მიესაჯა. სასამართლომ იგი დამნაშავედ ცნო „ხელისუფლების დამხობის მოწოდების თაობაზე“ გაკეთებული განცხადების გამო. ახალაიამ სასამართლო სხდომაზე განაცხადა, რომ ბიძინა ივანიშვილი და მისი ხელისუფლება უნდა დაემხოს.
ბელგიის ნაკრები მსოფლიო ჩემპიონატის მეოთხედფინალშია, სადაც ესპანეთს დაუპირისპირდება. რუდი გარსიას გადაწყვეტილებამ, რომ ძირითად შემადგენლობაში არ დაეყენებინა სამი ლიდერი, გაამართლა. შარლ დე კეტელერმა, რომელიც ძირითადში რომ არ ყოფილიყო, დუბლი შეასრულა და საგოლე პასი გააკეთა.
აშშ-ის ვიცე-პრეზიდენტი ჯეი დი ვენსი მიიჩნევს, რომ რუსეთის შეტევითი ოპერაციები ბრძოლის ველზე თითქმის არანაირ შედეგს არ იძლევა, ხოლო უკრაინის წარმატებები ქმნის საჭირო პირობებს ომის დასასრულებლად. მისი თქმით, დრონებისა და თანამედროვე სათვალთვალო ტექნოლოგიების ფართომასშტაბიანი გამოყენების ფონზე, უკრაინისთვის უფრო გონივრული იყო პოზიციების შენარჩუნება და რუსეთის გამოფიტვა, ვიდრე ძვირად ღირებული შეტევითი ოპერაციების წამოწყება.
შინაგან საქმეთა სამინისტრომ საქართველოდან 54 უცხო ქვეყნის მოქალაქე გააძევა. გაძევებულთა შორის არიან თურქეთის, თურქმენეთის, რუსეთის, ინდოეთის, აზერბაიჯანის, ბელარუსის, პაკისტანის, ნიგერიის, ეგვიპტის, ფილიპინების და სხვა ქვეყნების მოქალაქეები. მიმდინარე წელს ქვეყნიდან უკვე 2090 არალეგალი მიგრანტია გაძევებული.
გარემოს ეროვნული სააგენტოს ინფორმაციით, 6 ივლისის დღის ბოლოდან 9 ივლისის დღის პირველ ნახევრამდე აღმოსავლეთ საქართველოში ამინდი გაუარესდება. კახეთის რეგიონში მოსალოდნელია ძალიან ძლიერი წვიმა, ელჭექი, სეტყვა და ქარის გაძლიერება, რამაც შესაძლოა მეწყრულ-ღვარცოფული პროცესების გააქტიურება გამოიწვიოს.
აზერბაიჯანის გენერალური პროკურატურა თბილისში მოკლული აზერბაიჯანის მოქალაქის, ფატიმა ქერიმოვას საქმეს განსაკუთრებული კონტროლის ქვეშ ატარებს. გამოძიების მიხედვით, ქერიმოვას ბიძაშვილმა, ე. ალიევმა, რომელიც თურქეთში დააკავეს, ჯერ პასპორტი დაუხია შეყვარებულს, შემდეგ კი თავად გაგუდა. აზერბაიჯანის პროკურატურა საქართველოს გამოძიებას სრულ მხარდაჭერას უცხადებს.
რუსეთმა უკრაინის დედაქალაქ კიევს იერიში მიიტანა, რასაც სულ მცირე 11 ადამიანის სიცოცხლე ემსხვერპლა. დაშავებულია 46 ადამიანი, რომელთაგან 27 ჰოსპიტალიზებულია, მათ შორის სამი ბავშვი. ნგრევა და დაზიანებები დაფიქსირდა ქალაქის ოთხ რაიონში, განსაკუთრებით პოდოლსკის რაიონში.
მსოფლიო ჩემპიონატის მერვედფინალში ესპანეთთან 0:1 დამარცხების შემდეგ, პორტუგალიის ნაკრების კაპიტანმა რონალდომ თვალცრემლიანმა დატოვა მოედანი. როგორც ადრე კრიშტიანომ თქვა, ეს მუნდიალზე მისი ბოლო მატჩი იყო. მან მსოფლიოს 6 ჩემპიონატზე მიიღო მონაწილეობა, საუკეთესო შედეგი კი 2006 წელს მე-4 ადგილი იყო.