ნიუ-იორკში 15-წლიანი სასჯელი გამოუცხადეს ქართველ მოქალაქეს მიხეილ ჩხიკვიშვილს, რომელიც ნეონაცისტური ჯგუფის „მანიაკ მკვლელობის კულტის” (MKY) ლიდერია. ჩხიკვიშვილი მასობრივი ძალადობის ხელშეწყობასა და განუხორციელებელ ტერაქტების ორგანიზებაში ბრალდებული იყო. განაჩენი 18 მაისს გამოაქვეყნა აშშ-ის იუსტიციის სამინისტრომ.
ბრუკლინის ფედერალურმა სასამართლომ „მანიაკი მკვლელობების კულტის” ლიდერ, 22 წლის საქართველოს მოქალაქე მიხეილ ჩხიკვიშვილს 15 წლით თავისუფლების აღკვეთა შეუფარდა სიძულვილით მოტივირებული ძალადობის ორგანიზებისა და მასობრივი თავდასხმების დაგეგმვის გამო. ის ასევე უკავშირდება 2025 წელს ნეშვილის სკოლაში მომხდარ სროლას.
სახელმწიფო უსაფრთხოების სამსახურმა განაცხადა, რომ გორის მუნიციპალიტეტის სოფელ წითელუბნის მიმდებარედ 15 მაისს უკანონოდ დაკავებული ორი ქართველი მოქალაქე თავისუფალია. გათავისუფლებაში ევროკავშირის სადამკვირვებლო მისიის (EUMM) „ცხელი ხაზი” გამოიყენეს.
ცნობილი ქართველი მსახიობის ზურა ყიფშიძის ქალიშვილი ლენუკა სოციალურ ქსელში წერს, რომ ოჯახის სახლი თბილისის გუდიაშვილის ქუჩაზე 2018 წლიდან დაგროვილი ვალის გამო აუქციონზე გაიყიდა. ოჯახი წლები ბრძოდა სახლის შესანარჩუნებლად.
საქართველოს საზღვაო ტრანსპორტის სააგენტომ გავრცელებულ ინფორმაციას — თითქოს ბათუმის პორტში რუსული საკრუიზო გემი Astoria Grande ბრუნდება — სიმართლის შეუსაბამოდ დაახასიათა. სააგენტო ამბობს, გემის შემოსვლაზე გაცხადებული მოთხოვნაც კი არ არის შეტანილი.
სახელმწიფო უსაფრთხოების სამსახურმა განაცხადა, რომ საოკუპაციო ძალების მიერ უკანონოდ დაკავებული ორი ქართველი მოქალაქე — ნიკოლოზ ტადტაევი და იმედა ცეცხლაძე — გათავისუფლდა. ორივე გორის მუნიციპალიტეტის სოფელ წითელუბნიდანაა.
Gazzetta dello Sport-ის ინფორმაციით, „ნიურნბერგის” მთავარი მწვრთნელი მიროსლავ კლოზე „ლაციოს” ახალ მთავარ მწვრთნელად შეიძლება დაინიშნოს. ქართველი ბოლა გულშემატკივრები ელოდებიან — „ლაციოში” კლოზეს ერთ-ერთი ყველაზე სანდო მოთამაშეა ლოჩო ლოჩოშვილი.
კომუნიკაციების კომისიის მონაცემებზე დაყრდნობით „მედია ჩეკერი” წერს: 2026 წელს სატელევიზიო კომერციული სარეკლამო შემოსავლების სამ მეოთხედზე მეტი „იმედს”, „რუსთავი 2”-სა და POSTV-ს მიდის. „იმედი” ბაზარზე 10.8 მლნ ლარით ლიდერობს. განსხვავებული პოლიტიკური ხაზის ტელეკომპანიები — „პირველი” და „ფორმულა” — ამ დროს ჯამში 2.24 მლნ ლარს შოულობდნენ.
ოპოზიციური პარტია „ძლიერი საქართველო — ლელო” ფართომასშტაბიანი ამნისტიის ინიციატივით გამოვიდა. ლანა გალდავას განცხადებით, ქვეყანაში 22 767 მსჯავრდებულია, მათ შორის 11 153 — პატიმრობაში, და პენიტენციური სისტემა ღრმა კრიზისშია.
ყოფილი ფინანსთა მინისტრი და რუსეთში საქართველოს ყოფილი ელჩი ვალერი ჩეჩელაშვილი „ჯერ საქართველოს” პოლიტიკური მოძრაობის რიგებს შეუერთდა. ჩეჩელაშვილი მოძრაობას „პატრიოტ და პრაგმატულ” ადამიანებად ახასიათებს და ამბობს, რომ ხანგრძლივი ფიქრის შემდეგ მიიღო ეს გადაწყვეტილება.