ძლიერმა წვიმამ დედაქალაქში პრობლემები შექმნა. სოციალურ ქსელში მოქალაქეები კადრებს ავრცელებენ და წერენ, რომ დიდი დიღომი და აღმაშენებლის ხეივანი დატბორილია. აღმაშენებლის ხეივანზე ხე წაიქცა და გზა ჩაკეტა. დიდი დიღომში საზოგადოებრივ ტრანსპორტში წყალი შევიდა.
„ერთიანი ნაციონალური მოძრაობის“ ყოფილ თავდაცვის მინისტრს, ბაჩო ახალაიას, 2.5 წლით თავისუფლების აღკვეთა მიესაჯა. სასამართლომ იგი დამნაშავედ ცნო „ხელისუფლების დამხობის მოწოდების თაობაზე“ გაკეთებული განცხადების გამო. ახალაიამ სასამართლო სხდომაზე განაცხადა, რომ ბიძინა ივანიშვილი და მისი ხელისუფლება უნდა დაემხოს.
საქართველოს პრეზიდენტი, მიხეილ ყაველაშვილი, ჟენევაში გაეროს ხელოვნური ინტელექტის მმართველობის შესახებ გამართულ გლობალურ დიალოგს დაესწრო და სიტყვით გამოვიდა. მან ხაზი გაუსვა ხელოვნური ინტელექტის განვითარების გავლენას გაეროს საქმიანობის სამივე მიმართულებაზე და საერთაშორისო თანამშრომლობის აუცილებლობაზე ისაუბრა. შეხვედრისას, ყაველაშვილმა გაეროს გენერალურ მდივანს, ანტონიო გუტერეშს, საქართველოში ოფიციალური ვიზიტით მოწვევა დაუდასტურა.
აშშ-ის ვიცე-პრეზიდენტი ჯეი დი ვენსი მიიჩნევს, რომ რუსეთის შეტევითი ოპერაციები ბრძოლის ველზე თითქმის არანაირ შედეგს არ იძლევა, ხოლო უკრაინის წარმატებები ქმნის საჭირო პირობებს ომის დასასრულებლად. მისი თქმით, დრონებისა და თანამედროვე სათვალთვალო ტექნოლოგიების ფართომასშტაბიანი გამოყენების ფონზე, უკრაინისთვის უფრო გონივრული იყო პოზიციების შენარჩუნება და რუსეთის გამოფიტვა, ვიდრე ძვირად ღირებული შეტევითი ოპერაციების წამოწყება.
ბელგიის ნაკრები მსოფლიო ჩემპიონატის მეოთხედფინალშია, სადაც ესპანეთს დაუპირისპირდება. რუდი გარსიას გადაწყვეტილებამ, რომ ძირითად შემადგენლობაში არ დაეყენებინა სამი ლიდერი, გაამართლა. შარლ დე კეტელერმა, რომელიც ამ სამეულის ნაცვლად თამაშობდა, დუბლი შეასრულა და საგოლე პასი გააკეთა.
ანაკლიის ღრმაწყლოვანი პორტი აშენდება ე.წ. „ლენდლორდის“ მოდელით, რომლის ფარგლებშიც სახელმწიფო დარჩება ძირითადი საზღვაო და საპორტო ინფრასტრუქტურის მესაკუთრედ და მის განვითარებასა და მართვას თავად უზრუნველყოფს. საერთაშორისო ქვეყნები და კომპანიები კი პარტნიორების სახით მიიღებენ მონაწილეობას. ეკონომიკის მინისტრის განცხადებით, ეს ნაბიჯი წინა გეგმების შეცვლას ცხადყოფს, რომლის მიხედვითაც ერთ მსხვილ ინვესტორს პროექტის განვითარების უფლება მიენიჭა.
ოკუპირებულ ცხინვალში ე.წ. პრეზიდენტობის კანდიდატად მარატ კამბოლოვი წარადგინეს. ის ერთადერთი დასახელებული კანდიდატია და მის კანდიდატურას მხარი დაუჭირა მმართველმა პარტიამ „ნიხასმა“ და ოპოზიციურმა პარტიამ „ერთიანი ოსეთი“. ე.წ. ვადამდელი საპრეზიდენტო არჩევნები 18 სექტემბერს გაიმართება.
აშშ-ის ვიცე-პრეზიდენტი ჯეი დი ვენსი მიიჩნევს, რომ რუსეთის შეტევითი ოპერაციები ფრონტზე თითქმის არანაირ შედეგს არ იძლევა, ხოლო უკრაინის წარმატებები ქმნის ომის დასასრულებლად საჭირო პირობებს. მისი თქმით, დრონებისა და თანამედროვე ტექნოლოგიების ფონზე, უკრაინისთვის უფრო გონივრული იყო პოზიციების შენარჩუნება და რუსეთის გამოფიტვა, ვიდრე ძვირად ღირებული შეტევითი ოპერაციების წამოწყება.
საფრანგეთის სააპელაციო სასამართლომ ულტრამემარჯვენე პარტია „ეროვნული გაერთიანების“ ლიდერს, მარინ ლე პენს, ევროპარლამენტის სახსრების მითვისების საქმეზე ერთწლიანი შინაპატიმრობა მიუსაჯა. თუმცა, სასამართლომ შეამცირა ლე პენის მიერ არჩევნებში მონაწილეობასა და თანამდებობის დაკავებაზე მოთხოვნილი 5-წლიანი შეზღუდვა და ულტრამემარჯვენე პოლიტიკოსს 2027 წლის საპრეზიდენტო არჩევნებში კენჭისყრა შეეძლება.
ესპანეთის ნაკრებმა 2026 წლის მუნდიალის მერვედფინალში პორტუგალიას 1:0 სძლია და ყველა დროის რეკორდსმენი ნაკრები გახდა. „ფურია როხა“ მსოფლიო ჩემპიონატზე გოლს უკვე ზედიზედ 6 შეხვედრაა არ უშვებს, რაც ამ ტურნირის ეგიდით საუკეთესო მაჩვენებელია. ესპანელების „მშრალი კარი“ 2022 წლის მუნდიალის მერვედფინალიდან იწყება, სადაც მათ მაროკოსთან მატჩში ბურთი არ გაუშვეს, თუმცა პენალტების სერიაში დამარცხდნენ.