"საერთაშორისო გამჭვირვალობა – საქართველო" აცხადებს, რომ პროტესტის მონაწილე თამარ ფერაძის უფლებების დასაცავად ადამიანის უფლებათა ევროპულ სასამართლოს მიმართავს. საქმე ეხება ტროტუარზე დგომისთვის შეფარდებულ ადმინისტრაციულ პატიმრობასა და, ორგანიზაციის შეფასებით, ფერაძის ფუნდამენტური უფლებების დარღვევას.
ისრაელმა აშშ-ს გაუზიარა სადაზვერვო ინფორმაცია ირანის მიერ დონალდ ტრამპის მკვლელობის შესაძლო გეგმის შესახებ. CNN-ის ინფორმაციით, ეს გაფრთხილება მიმდინარე კვირაში გავრცელდა და კონკრეტულ შეთქმულებას ეხება. ამერიკელი მაღალჩინოსნები ვარაუდობენ, რომ ეს ანგარიში შესაძლოა მიზნად ისახავდეს ტრამპის გადაწყვეტილებაზე გავლენის მოხდენას ირანის წინააღმდეგ სამხედრო მოქმედებების გაძლიერებასთან დაკავშირებით.
საქართველოს მორაგბეთა ნაკრები ერთა თასის გათამაშების მეორე ტურში, შაბათს, სამოას ეროვნულ გუნდს დაუპირისპირდება. მთავარმა მწვრთნელმა პიერ-ანრი ბრონკანმა საბრძოლო რაზმი დაასახელა, სადაც რამდენიმე ცვლილება განხორციელდა. სასტარტო შემადგენლობაში ოთხი ახალი მოთამაშეა, ორმა კი პოზიცია შეიცვალა.
საქართველოს პრეზიდენტმა, მიხეილ ყაველაშვილმა, ჟენევაში გაეროს ხელოვნური ინტელექტის მმართველობის შესახებ გამართულ გლობალურ დიალოგზე სიტყვით გამოსვლისას, ხაზი გაუსვა ხელოვნური ინტელექტის სწრაფი განვითარების გავლენას გაეროს მუშაობის სამივე საყრდენზე: მშვიდობა და უსაფრთხოება, ადამიანის უფლებები და მდგრადი განვითარება. მან ასევე შეხვდა გაეროს გენერალურ მდივანს, ანტონიო გუტერეშს, და საქართველოს მზადყოფნა დააფიქსირა გაეროსთან თანამშრომლობის გასაგრძელებლად.
შპს „ეკოსერვის ჯგუფმა“ თბილისის გამწვანებული სივრცეების მოვლა-პატრონობის ხარისხის გასაუმჯობესებლად 40-მდე ერთეული ტექნიკა და სატრანსპორტო საშუალება შეიძინა. განახლებული ავტოპარკი კომპანიას სამუშაოების ეფექტიანობის, ოპერატიულობისა და მასშტაბების გაზრდის საშუალებას მისცემს. თბილისის მერმა კახა კალაძემ აღნიშნა, რომ ეს არის ინვესტიცია თითოეული თბილისელის ყოველდღიურ ცხოვრებაში.
მიუნხენში გამართულ ევროპის ახალგაზრდულ ჩემპიონატზე ცურვაში, საქართველოს სახელით მოასპარეზე ანა ნიჟარაძემ გოგონათა 100 მეტრზე ბატერფლაით ცურვაში ფინალურ გაცურვაში მეექვსე ადგილი დაიკავა. მან დისტანცია 59.72 წამში დაფარა. ანდრეა ფოლადაშვილმა 50 მეტრზე თავისუფალი ყაიდით იასპარეზა და ფინალისტთა რეზერვში მოხვდა.
პსჟ-მ 20 წლის საყრდენი ნახევარმცველი გაბრიელ მოსკარდო მესამედ გაანათხოვრა. მოსკარდო პსჟ-მ „კორინთიანსისგან“ 2024 წელს 20+2 მილიონ ევროდ შიძინა, თუმცა პარიზულ გუნდში საერთოდ არ უთამაშია. ის იჯარით ჯერ „რეიმსში“ იყო, შემდეგ „ბრაგაში“, ახლა კი „ესპანიოლში“ გაუშვეს.
თურქული მედიის ცნობით, 30 წლის ქართველი მცველი ჯიმი ტაბიძე კარიერას თურქულ "ქაისერისპორში" გააგრძელებს. გავრცელებული ინფორმაციით, კლუბსა და ფეხბურთელს შორის შეთანხმება უკვე მიღწეულია. "ქაისერი" გასულ სეზონში თურქული სუპერლიგიდან გავარდა და მიზნად უძლიერესთა შორის დაბრუნება აქვს.
„TV პირველის“ ინფორმაციით, 15 წლის ბიჭს დანით რამდენიმე დაზიანება აქვს მიყენებული. არხის ცნობით, გუშინ, 9 ივლისს, დანაშაულში ეჭვმიტანილი 26 წლის კაცი ეზოში მყოფი ბავშვების ხმაურმა გააღიზიანა, ჯერ სიტყვიერი შეურაცხყოფა მიაყენა, შემდეგ კი ერთ-ერთი მათგანი დაჭრა. მოზარდი კლინიკაში გადაიყვანეს. მიღებული დაზიანებების გამო მას სამედიცინო დახმარების გაწევა დასჭირდა. პოლიციამ კაცი მალევე დააკავა. მას 13 წლამდე პატიმრობა ემუქრება - საქმე აღძრულია სისხლის სამართლის კოდექსის მე-17 მუხლის მე-3 ნაწილით (არასრულწლოვანისთვის ჯანმრთელობის განზრახ მძიმე დაზიანების მიყენება).
ერთიანი ნაციონალური მოძრაობის თავმჯდომარემ, თინა ბოკუჩავამ განაცხადა, რომ მომავალ პარტიულ ყრილობაზე თავმჯდომარის კანდიდატად თავს არ წარადგენს და ვერც „რეფორმების საბჭოში“ ხედავს საკუთარ თავს. მან ასევე აღნიშნა, რომ თუ თავმჯდომარის პოზიცია გაუქმდება, ვერავინ დააყენებს კანდიდატურას. ბოკუჩავა აცხადებს, რომ გააგრძელებს მოვალეობის შესრულებას, ვიდრე ახალი პარტიული ყრილობა არ აირჩევს ახალ ხელმძღვანელ პირს.