მონტევიდეოში ურუგვაისთან გამარჯვების შემდეგ, საქართველოს მორაგბეთა ნაკრები ჩილეში მსოფლიო რაგბის ერთა თასის მეორე ტურის შეხვედრისთვის ემზადება. ბორჯღალოსნები 11 ივლისს სამოას დაუპირისპირდებიან, სადაც რევანშის აღების შანსი აქვთ 2022 წლის მარცხისთვის. ამჟამად, საქართველო მსოფლიო რეიტინგში მე-13 ადგილზეა, სამოა კი მე-18-ზე.
თბილისის პოლიციის დეპარტამენტის დეტექტივების მთავარი სამმართველოს უფროსად ირაკლი დგებუაძე დაინიშნა. მანამდე ის ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს უფროსი იყო. დგებუაძე ასევე მუშაობდა ბათუმის პოლიციის დეპარტამენტის დირექტორად.
მალის ჩრდილოეთში, ქალაქ ანეფისისკენ მიმავალ სამხედრო კოლონას თავს დაესხნენ. წყაროების ცნობით, კოლონა 200-ზე მეტ რუს და 100-ზე მეტ მალელ ჯარისკაცს გადაჰყავდა. თავდასხმაზე პასუხისმგებლობა ტუარეგების მეთაურობით მოქმედმა მეამბოხე დაჯგუფებამ „აზავადის განმათავისუფლებელმა ფრონტმა“ (FLA) აიღო.
თბილისის მერიის ტრანსპორტისა და ურბანული განვითარების სააგენტომ ომარ შეშელიძისა და ჯორჯ ბალანჩინის ქუჩებზე, მინდელის ხიდსა და მეტროსადგურ „სარაჯიშვილის“ მიმდებარედ საავტობუსო ზოლი მოაწყო. ეს ცვლილება საზოგადოებრივი ტრანსპორტის შეუფერხებლად გადაადგილებასა და საგზაო უსაფრთხოების დაცვას ემსახურება. სააგენტოს ინფორმაციით, ამ მონაკვეთებზე მოძრაობის სქემის განახლებასთან ერთად საგზაო ნაკადების მუდმივი მონიტორინგი მიმდინარეობს.
საქართველოს მთავრობის ოპონენტებმა და ყოფილმა დიპლომატებმა შეშფოთება გამოთქვეს იმის გამო, რომ ქვეყანა კვლავ არ მიიწვიეს ნატოს ყოველწლიურ სამიტზე, რომელიც თურქეთის დედაქალაქ ანკარაში იმართება. მათი აზრით, ეს არის „ქართული ოცნების“ დემოკრატიული უკუსვლის შედეგი და ნატო-თბილისის ურთიერთობების გაყინვის ნიშანი. მმართველი პარტიის წარმომადგენლები კი ამ კრიტიკას „პროპაგანდისტულ კამპანიად“ აფასებენ და აცხადებენ, რომ არაწევრი ქვეყნები ამ ფორმატში არც ადრე და არც ახლა არ იწვევენ.
40 წლის ხორვატი ნახევარმცველი ლუკა მოდრიჩი საფეხბურთო კარიერას არ ასრულებს. მოსალოდნელი იყო, რომ ვეტერანი ფეხბურთელი ბუცებს ლურსმანზე მუნდიალის შემდეგ ჩამოკიდებდა, რაც მართალი არ აღმოჩნდა. ლუკა არამარტო "მილანთან" გაახანგლძრივებს 1 წლით კონტრაქტს და კვლავ "სან სიროზე" გაირჯება, არამედ წასვლას არც ხორვატიის ნაკრებიდან აპირებს.
ალეკო ელისაშვილის მეუღლემ, ირინა კილოსანიძემ განაცხადა, რომ მოსამართლემ „ქართული ოცნების“ დავალება შეასრულა და ელისაშვილი ტერორისტად გამოაცხადა, რაც სასაცილოა. მისი თქმით, ელისაშვილის ქმედება იყო პროტესტი უსამართლო სასამართლოს წინააღმდეგ და არა ტერორისტული აქტი. ადვოკატები განაჩენის გასაჩივრებას გეგმავენ.
„ოცნების პროპაგანდისტი“ ლალი მოროშკინა ქვეყანაში „მტრებისა და აგენტურის“ წინააღმდეგ მკაცრი ზომების გატარების ინიციატივით გამოდის. გადაცემაში „დროული დიალოგი ეკა სეხნიაშვილთან ერთად“ მან განაცხადა, რომ სულ უფრო მეტად იზიარებს იოსებ სტალინის მეთოდებს და 37 წლის რეპრესიების ანალოგიით მოქმედებაში „საქილიკოს“ ვერაფერს ხედავს.
მალიში მეამბოხეებმა რუს და მალელ სამხედროებს ცეცხლი გაუხსნეს. კოლონა ქალაქ ანეფისში მდებარე სამხედრო ბანაკში გამაგრებული რძალების დასახმარებლად მიემართებოდა. ალ-კაიდას ადგილობრივმა განშტოებამ და ტუარეგი სეპარატისტების სამხედრო ორგანიზაციამ ქალაქ ანეფისზე კონტროლის დამყარების შესახებ განაცხადეს.
შინაგან საქმეთა სამინისტრომ რუსთავში ორი პირი დააკავა, რომლებიც სამარშუტო მიკროავტობუსის გაქურდვას ცდილობდნენ. დაკავებულები წარსულშიც ნასამართლევი არიან და ამჟამად პირობითი მსჯავრის ქვეშ იმყოფებიან. მათ 7 წლამდე პატიმრობა ემუქრებათ.