ბრიუსელში ქართულ მხარესა და ევროკომისიას შორის დიალოგის პირველი შეხვედრა გაიმართა. საქართველოს წარმომადგენლის გიორგი ტაბატაძის თქმით, მხარეებმა პოზიციები ერთმანეთს გაუზიარეს და ის პოზიტიურადაა განწყობილი. შეხვედრაზე უვიზო რეჟიმის შესაძლო შეჩერების საკითხი განიხილებოდა.
„ფლანგვის დეტექტორის“ ცნობით, 2026 წლის ბიუჯეტის საბოლოო ვერსიაში ახალი სტადიონის თავი გამქრალია და პროექტისთვის დასახარჯი თანხები აღარ არის გაწერილი. ამავდროულად, მუნიციპალური განვითარების ფონდმა 876-მილიონლარიანი ტენდერი ანულირებულად გამოაცხადა, ხელისუფლება კი მშენებლობისთვის საჭირო კერძო მიწების ექსპროპრიაციას აგრძელებს.
სამხრეთ კალიფორნიაში ათობით „სუპერქარის“ მფლობელს პოლიციამ ავტომობილები მას შემდეგ ჩამოართვა, რაც დაგეგმილი ფოტოსესია სამართალდამცველების მასშტაბურ რეიდად იქცა. ლოს-ანჯელესის პოლიციამ საჯარიმო ავტოსადგომზე ჯამში 72 ავტომობილი გადაიყვანა და უამრავ მძღოლს ჯარიმა გამოუწერა.
აშშ-ის თავდაცვის უწყების შენობის, პენტაგონის, რამდენიმე სართული „ჰაერის ხარისხთან დაკავშირებული პრობლემის გამო” ჩაიკეტა და მიმდინარეობს პერსონალის ევაკუაცია. ჰაერის ხარისხის გაუარესების ზუსტი მიზეზი ჯერ უცნობია.
ევროკომისიის პრესსპიკერის, მარკუს ლამერტის თქმით, 11 ივნისს ევროკომისიასა და საქართველოს დელეგაციას შორის დაგეგმილი შეხვედრა ტექნიკური და პროცედურული ხასიათისაა. მისი მთავარი მიზანია იმ გარემოებების გამოსწორება, რომლის გამოც დიპლომატიური და სამსახურებრივი პასპორტების მფლობელ ქართველებს უვიზო მიმოსვლა 12 თვით შეუჩერდათ.
„სიმღერის აკადემია” ეხმაურება პირდაპირ ეთერში მომხდარ ინციდენტს, სადაც ბავშვი გულწასული იატაკზე დაეცა და გუნდი სიმღერას განაგრძობდა. კომპანია ამბობს, რომ ხმამაღალი მუსიკა და სცენის განათება ხელმძღვანელებს წაქცევის მომენტის დანახვის საშუალებას არ იძლეოდა; ბავშვის ბებია კი ამბობს, რომ სამი წუთი ბავშვი მოუვლელად იყო.
სადაზღვევო კომპანია „ალდაგი“ ელექტრომობილების ყველაზე მასშტაბური გამოფენის, EV EXPO 2026-ის მხარდამჭერია. გამოფენა 13-14 ივნისს ექსპო ჯორჯიას მე-11 პავილიონში გაიმართება და სტუმრებს წამყვანი ბრენდების პრემიუმ კლასის ელექტრომობილებსა და ტესტ-დრაივის სივრცეს შესთავაზებს.
რუსთავში ჯანმრთელობის განზრახ მძიმე დაზიანების ფაქტთან დაკავშირებით, რამაც ადამიანის სიკვდილი გამოიწვია, შინაგან საქმეთა სამინისტრომ ძალადობის ბრალდებით კიდევ ოთხი პირი დააკავა. გამოძიების ცნობით, ბრალდებულის ძალადობის შემდეგ მამაკაცი წაიქცა, თავის არეში მიიღო დაზიანება და შემთხვევის ადგილზევე გარდაიცვალა.
თურქეთის პოლიციამ ნარკოტიკებთან და პროსტიტუციასთან დაკავშირებული სავარაუდო დანაშაულების გამოძიების ფარგლებში სტამბოლში 22 ადამიანი დააკავა. დაკავებულებს შორის არიან ცოლ-ქმარი — მსახიობი ბერენ საათი და მომღერალი ქენან დოღულუ, ასევე სხვა ცნობილი სახეები.
„საერთაშორისო გამჭვირვალობა — საქართველო” ავლენს ბათუმის მერიის ₾70 მლნ-ზე მეტი ღირებულების სახელმწიფო შესყიდვებში სისტემური კორუფციის ნიშნებს. სამი კომპანიიდან ერთი — შპს „გზა” — 100%-ით „ქართული ოცნების” დეპუტატ გიორგი ჭყონიას საკუთრებაა; კომპანიამ 93%-იანი გამარჯვების მაჩვენებლით ჯამში 1.3 მლრდ ლარზე მეტი ტენდერი მოიგო.