ისრაელი არ აპირებს, გაიყვანოს ჯარები სამხრეთ ლიბანის ტერიტორიებიდან, რომლებსაც ისრაელის თავდაცვის ძალები აკონტროლებენ, განაცხადა თავდაცვის მინისტრმა ისრაელ კაცმა აშშ-სა და ირანს შორის მოსალოდნელი შეთანხმების კომენტირებისას.კაცის თქმით, ირანის თავდასხმის შემთხვევაში, ისრაელი საპასუხო დარტყმას განახორციელებს. მან ასევე ხაზგასმით აღნიშნა, რომ შეთანხმება არ შეზღუდავს ისრაელის თავდაცვის ძალებისმოქმედების თავისუფლებას.ისრაელის ეროვნული უსაფრთხოების მინისტრმა, იტამარ ბენ გვირმა, განაცხადა, რომ ვაშინგტონსა და თეირანს შორის დადებული შეთანხმებები ისრაელს არანაირ ვალდებულებას არ აკისრებს. ბენ გვირის თქმით, ქვეყანა არ დათანხმდება ჰეზბოლას სრულ განადგურებაზე ნაკლებს, ხოლო ისრაელის ჯარები ოკუპირებულ ტერიტორიებზე დარჩებიან. ირანის მოკავშირე დაჯგუფება ჰეზბოლა ამერიკის შეერთებულმა შტატებმა და ისრაელმა ტერორისტულ ორგანიზაციად გამოაცხადეს. ევროკავშირმა ტერორისტულ ორგანიზაციად გამოაცხადა „ჰეზბოლას“ სამხედრო ფრთა, თუმცა არა მისი პოლიტიკური პარტია.The Jerusalem Post-ი ისრაელის არმიაში არსებულ წყაროებზე დაყრდნობით წერს, რომ თუ ჰეზბოლა ცეცხლის შეწყვეტის შეთანხმებას დაიცავს, ისრაელის არმია ლიბანის ტერიტორიას არ დაარტყამს.14 ივნისს, იმ დღეს, რროცა აშშ-ის პრეზიდენტმა გამოაცხადა, რომ ირანთან შეთანხმება სულ ახლოს იყო, ისრაელმა ბეირუთის გარეუბანში ჰეზბოლას სამიზნეები დაბომბა. აშშ-ის პრეზიდენტმა დონალდ ტრამპმა თეირანს მოუწოდა, თავი შეეკავებინა შურისძიებისგან და მოლაპარაკებებს დაჰბრუნებოდა. ირანული საინფორმაციო სააგენტო Mehr-ის ცნობით, აშშ-სა და ირანს შორის გაფორმებული მემორანდუმის ერთ-ერთი პუნქტი ლიბანში საომარი მოქმედებების შეწყვეტას ითვალისწინებს.14 ივნისის საღამოს ტრამპმა განაცხადა ირანთან შეთანხმების დადების შესახებ, რომელიც ბლოკადის მოხსნას და ჰორმუზის სრუტის გახსნას გულისხმობს.

ასევე ნახეთ

თეირანი კვლავ „ღრმა უნდობლობას“ უცხადებს შეერთებულ შტატებს - ირანის საგარეო უწყება