ოლივერ გლასნერი, რომელიც მანამდე "კრისტალ პალასს" ხელმძღვანელობდა, ინგლისურ "ნოტინგემ ფორესტს" ჩაიბარებს. გავრცელებული ინფორმაციით, 51 წლის სპეციალისტი კლუბთან 3-წლიან კონტრაქტს გააფორმებს. "ნოტინგემი" მალე ოფიციალურად დაადასტურებს ვიტორ პერეირას გათავისუფლებას.
შვედურ გეტებორგში დასრულდა 16-წლამდელ ხელბურთელ გოგონათა ევროპის ღია პირველობა. საქართველოს ნაკრებმა, რომელმაც ჯგუფურ ეტაპზე ყველა მატჩი წააგო, ბოლო შეხვედრაში ისლანდიასთან ფრე ითამაშა და ტურნირზე პირველი ქულა მოიპოვა. თუმცა, ჩეხეთთან დამარცხდა.
მსოფლიო ჩემპიონატის პლეი-ოფიდან გერმანიის ნაკრების სენსაციურად გამოვარდნის შემდეგ, ბუნდესნაკრების მიმართ კრიტიკა არ წყდება. ვეტერანი გერმანელი ფეხბურთელი, ტონი კროოსი მიიჩნევს, რომ გერმანიის ნაკრებს ამჟამად მსოფლიო დონის ფეხბურთელი არ ჰყავს.
ლეგენდარულმა გერმანელმა მეკარემ, ოლივერ კანმა, 2026 წლის მუნდიალზე გერმანიის ნაკრების წარუმატებლობა შეაფასა. მისი აზრით, პრობლემა ნიჭის ნაკლებობა კი არა, ფეხბურთელების თავდაჯერებულობისა და პასუხისმგებლობის აღების სურვილის არქონაა.
ვეტერანი გერმანელი ფეხბურთელის, ტონი კროოსის განცხადებით, გერმანიის ნაკრებს ამჟამად არც ერთი მსოფლიო დონის ფეხბურთელი არ ჰყავს. მისი თქმით, გუნდში არიან ფეხბურთელები, რომლებსაც პოტენციალი აქვთ, თუმცა ისინი ჯერ მსოფლიო დონის არ არიან.
უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინის თავდაცვის მინისტრმა რუსტემ უმეროვმა მოლაპარაკებები გამართა ჯარედ კუშნერთან. მოლაპარაკებების შინაარსის შესახებ დეტალები არ გავრცელებულა. ზელენსკიმ იმედი გამოთქვა, რომ კუშნერი და სტივ უიტკოფი უკრაინას ესტუმრებიან, რათა რუსეთს ომის შეწყვეტისკენ მოუწოდონ.
ნიუ-იორკის შტატში სამი წლის გოგონა გარდაცვლილი იპოვეს. გამოძიებამ დაადგინა, რომ მშობლების გულგრილობის გამო ბავშვს ინფექცია და ანემია განუვითარდა. მშობლებს, მეთიუ და სამანტა დილევსკებს, ოთხ წლამდე თავისუფლების აღკვეთა მიუსაჯეს.
ქართველი ფეხბურთელი ლუკა ლოჩოშვილი კარიერას გერმანულ ბუნდესლიგის კლუბ „კიოლნში“ გააგრძელებს. 28 წლის მცველი დღეს სამედიცინო შემოწმებას გაივლის და ახალ კლუბთან 3-წლიან კონტრაქტს გააფორმებს. „კიოლნი“ „ნიურნბერგს“ ფეხბურთელში 5.5 მილიონ ევროს გადაუხდის.
ალექსანდრე დუგინი მიიჩნევს, რომ კიევზე ღამით მიტანილი დარტყმები საკმაოდ დამაჯერებელი იყო და ეს ქმედებები მზარდი ინტენსივობით უნდა გაგრძელდეს. მისი აზრით, აუცილებელია დასავლეთთან სრულფასოვან ესკალაციაში შესვლა და სიმეტრიული მონაწილეობის ფარგლებში, ზოგიერთ შემთხვევაში, წინასწარ და მოულოდნელად მოქმედება. დუგინი ასევე აცხადებს, რომ თუ ეს შეტევა ერთჯერადი შემთხვევა იქნება, მისი ეფექტი სწრაფად გაქრება და ეს საკმარისი არ არის.
შინაგან საქმეთა სამინისტრომ მარნეულში თანასოფლელის დაჭრის ფაქტზე ერთი პირი დააკავა. გამოძიებით დადგინდა, რომ ბრალდებულმა ყოფით ნიადაგზე მომხდარი ურთიერთშელაპარაკებისას თანასოფლელი მამაკაცი ცივი იარაღით დაჭრა. დაჭრილი საავადმყოფოშია მოთავსებული, ხოლო ბრალდებულს 7 წლამდე პატიმრობა ემუქრება.