აშშ-ს დამოუკიდებლობის დღეს, 4 ივლისს, ნიუ-იორკში მომხდარი სროლის შედეგად სულ მცირე 8 ადამიანი დაშავდა, მათ შორის 4 ბავშვი. დაშავებულებს შორის 2 ზრდასრული მამაკაცი, 2 ზრდასრული ქალი და 4 არასრულწლოვანია, რომელთა ასაკი 6-დან 14 წლამდე მერყეობს. 21 წლის ქალის მდგომარეობა კრიტიკულია, დანარჩენები სტაბილურები არიან.
„ბლექ სი პეტროლიუმი“, რომელსაც მაკა ასათიანი ფლობს და ყულევის ნავთობგადამამუშავებელ ქარხანას მართავს, აცხადებს, რომ აგვისტო-სექტემბრიდან დაიწყებს სრულად არა-რუსული წარმოშობის ნედლი ნავთობის გადამუშავებას. ეს ნაბიჯი კომპანიის პროდუქციას მაღალმარჟინალური ბაზრების კარს გაუხსნის. კომპანია ასევე აფართოებს პარტნიორობას Honeywell-თან და გეგმავს საგზაო ბიტუმის წარმოებას და 2027 წლისთვის საავიაციო საწვავის წარმოების შესაძლებლობას.
გორის საფეხბურთო კლუბმა „დილამ“ გერმანელი მცველი ლამარ იარბროუგი დაიმატა. 30 წლის უკანახაზელი გუნდს გერმანიის მესამე ბუნდესლიგის კლუბ „ალემანია აახენიდან“ შემოუერთდა. გამოცდილ ფეხბურთელს კარიერის უმეტესი ნაწილი სამშობლოში, მესამე ბუნდესლიგაში აქვს გატარებული.
ავტოიმპორტიორი, „მათე მოტორსის“ დამფუძნებელი გელა ბარკალაია აცხადებს, რომ ავტობიზნესში ზეწოლა და ხელის შეშლა ხდება. მისი თქმით, ხელისუფლება ბიზნესის გარკვეულ წარმომადგენლებს ლობირებს და უკანონო დავალებებს აძლევს. ბარკალაია კონკრეტულ მაგალითს ასახელებს, როდესაც დუბაიდან შემოყვანილი ავტომობილების გაფორმება ვერ მოხერხდა, რადგან კანონი შეიცვალა და ამით ვიღაცები სარგებლობენ.
კილიან მბაპეს მიერ ზუსტად შესრულებული თერთმეტმეტრიანი და საფრანგეთის ნაკრები მსოფლიოს ჩემპიონატის მეოთხედფინალშია. ფრანგებმა 90-წუთიანი ომი გამოიარეს და მიუხედავად იმისა, რომ მათ არ გამოუვიდათ ძველებურად მსუბუქი და შედეგიანი თამაში, მაინც დამსახურებულად იმარჯვეს. მატჩში პარაგვაის ნაკრები, რომელიც სუფთა ფეხბურთში საფრანგეთს ვერ აჯობებდა, იაფფასიან პროვოკაციებს მიმართავდა.
შინაგან საქმეთა სამინისტრომ თბილისში ჯანმრთელობის განზრახ მძიმე დაზიანების ბრალდებით წარსულში მრავალჯერ ნასამართლევი პირი დააკავა. გამოძიებით დადგინდა, რომ ბრალდებულმა ურთიერთშელაპარაკების ნიადაგზე, ბასრი საგნის გამოყენებით ნაცნობ მამაკაცს სახის არეში დაზიანება მიაყენა და შემთხვევის ადგილიდან მიიმალა. დაშავებული მამაკაცი სამედიცინო დაწესებულებაში გადაიყვანეს.
20-წლამდელ მოჭიდავეთა ევროპის ჩემპიონატი ჩრდილოეთ მაკედონიის დედაქალაქ სკოპიეში 6-12 ივლისს გაიმართება. საქართველო სამივე დისციპლინაში წარსდგება, თუმცა გოგონებში მხოლოდ სამი მონაწილით გამოვა. ვაჟთა გუნდებში შარშანდელი წარმატებული ბირთვი შენარჩუნებულია.
უკრაინული და რუსული მედიასაშუალებები პროდიუსერ და კომპოზიტორ კონსტანტინე მელაძის ირგვლივ ატეხილ ახალ სკანდალზე წერენ. ვრცელდება ინფორმაცია, რომ მან ფარულად საქართველოს მოქალაქეობა მიიღო. ცნობილია, რომ მელაძეს უკრაინული პასპორტი ჰქონდა, რომელიც, გავრცელებული ინფორმაციით, 2024 წელს განაახლა კიდეც. თუმცა, ახლა ამტკიცებენ, რომ მან უკრაინის მოქალაქეობაზე უარი თქვა.
მსოფლიო ჩემპიონატის 1/8-ფინალში საფრანგეთმა მძიმე ბრძოლაში პარაგვაი 1:0 დაამარცხა. შეხვედრის დასრულების შემდეგ, პარაგვაელთა მეკარეს, ორლანდო ხილს მბაპესთვის ხელის ჩამორთმევა სურდა, მაგრამ კილიანმა ყურადღება არ მიაქცია. ხილმა განაცხადა, რომ მბაპემ მაგრად გააბრაზა და გაბრაზებულია.
გაეროს ადამიანის უფლებათა საბჭომ ჟენევაში საქართველოს შესახებ ანგარიში მოისმინა, რომელიც ქვეყანას მოუწოდებს, გადახედოს 2025 წელს მიღებული კანონები და საპროტესტო აქციების დროს ადამიანის უფლებათა სავარაუდო დარღვევებზე გამოძიება ჩაატაროს. ანგარიშში ხაზგასმულია შეშფოთება სამოქალაქო სივრცის შემზღუდავი კანონმდებლობის მიღების ტენდენციაზე და საპროტესტო აქციების კონტექსტში უფლებების დარღვევის ბრალდებებზე.