7 ივლისის ასტროლოგიური ფონი ხელს უწყობს ემოციური წონასწორობის პოვნას და შინაგანი ხმის მოსმენას. დღევანდელი პლანეტარული განლაგება გვიბიძგებს, რომ მეტი ყურადღება მივაქციოთ დეტალებს, ვენდოთ საკუთარ ინტუიციას და ნებისმიერი მნიშვნელოვანი გადაწყვეტილება მშვიდ გარემოში მივიღოთ. კოსმოსური ვიბრაციები გვირჩევენ, შევანელოთ დღის ტემპი, რათა ზედაპირულმა აურზაურმა მთავარი ორიენტირი არ დაგვაკარგვინოს.
საქართველოს ნაკრების თავდამსხმელი გიორგი მიქაუტაძე მადრიდში ქართველ ემიგრანტებს შეხვდა და საქველმოქმედო აქციაში მიიღო მონაწილეობა. აქციიდან შემოსული თანხა სრულად მოხმარდება საქართველოში მცხოვრებ გაჭირვებულ ადამიანებს. ემიგრანტებმა ფეხბურთელს მადლობა გადაუხადეს ამ ლამაზი დღისთვის.
აშშ-ის პრეზიდენტი დონალდ ტრამპი თურქეთის დედაქალაქ ანკარაში ჩავიდა, სადაც ნატოს სამიტში მიიღებს მონაწილეობას. ის თურქ კოლეგასთან, რეჯეპ ტაიპ ერდოღანთან შეხვედრას გამართავს. სამიტის მთავარი თემები უკრაინისთვის სამხედრო დახმარების გაზრდა და ევროპელი მოკავშირეების თავდაცვისუნარიანობის გაძლიერებაა.
ადვოკატი ლაშა ჯანიბეგაშვილი ყვება „მოდუსის“ საქმეზე, სადაც მძიმედ დაშავებული მუშის უფლებებს იცავდა. მისი თქმით, კომპანიამ მუშას სიცოცხლისთვის საშიშ პირობებში ამუშავა, რის შედეგადაც მან ხელი დაკარგა. ადვოკატმა საქმეში უსასყიდლოდ ჩაერთო და კომპანიას სასამართლოში უჩივლა, რის შემდეგაც მასზე ზეწოლა დაიწყო.
მსოფლიო ჩემპიონატის მერვედფინალში ესპანეთთან 0:1 დამარცხების შემდეგ, პორტუგალიის ნაკრების კაპიტანმა რონალდომ თვალცრემლიანმა დატოვა მოედანი. როგორც ადრე კრიშტიანომ თქვა, ეს მუნდიალზე მისი ბოლო მატჩი იყო. მან მსოფლიოს 6 ჩემპიონატზე მიიღო მონაწილეობა, საუკეთესო შედეგი კი 2006 წელს მე-4 ადგილი იყო.
საქართველოს მასშტაბით ოთხ რეგიონში არასახიფათო ნარჩენების განთავსების ახალი, რეგიონული ნაგავსაყრელების მშენებლობა იგეგმება. მთავრობის განკარგულებით, პროექტი კახეთში, შიდა ქართლში, იმერეთში და სამცხე-ჯავახეთში განხორციელდება. გარემოს დაცვის სამინისტრომ და მყარი ნარჩენების მართვის კომპანიამ შესაბამისი ღონისძიებები 2030 წლის 1 იანვრამდე უნდა უზრუნველყონ.
კანისა და ფრჩხილის სოკოვანი ინფექციები მოსახლეობის 10-20%-ს აწუხებს, თუმცა ბევრი პაციენტი ექიმთან ვიზიტს აგვიანებს ან მკურნალობას წყვეტს. დერმატო-ვენეროლოგი სოსო კობახიძე განმარტავს, თუ როგორ უნდა ამოვიცნოთ დაავადება და რა მეთოდებით ხდება მისი ეფექტური მკურნალობა.
სომხეთის პარტია „აყვავებული სომხეთის“ ლიდერის, გაგიკ წარუკიანის სახლის ჩხრეკისას, სამართალდამცველებმა 3 ლომი და 1 ვეფხვი აღმოაჩინეს. ეგზოტიკური ცხოველები, სპეციალისტების მეთვალყურეობის ქვეშ, ზოოპარკში გადაიყვანეს. ჩხრეკა უკანონო ნადირობის საქმესთან დაკავშირებით ჩატარდა, რა დროსაც 190 ფიტულიც აღმოაჩინეს.
საქართველოს სტატისტიკის ეროვნული სამსახურის (საქსტატი) მონაცემებით, 2026 წლის ივნისში წლიური ინფლაცია 5.8% იყო, ხოლო სამომხმარებლო ფასები წინა თვესთან შედარებით 0.1%-ით გაიზარდა. წლიური ინფლაციის ზრდაზე ძირითადად ტრანსპორტის, სასტუმროების, კაფეებისა და რესტორნების, სხვადასხვა საქონლისა და მომსახურების, საცხოვრებლის, წყლის, ელექტროენერგიისა და აირის, სურსათისა და უალკოჰოლო სასმელების, ჯანმრთელობის დაცვის ფასების ზრდამ იქონია გავლენა. ამავდროულად, კავშირგაბმულობის ფასები შემცირდა.
უზბეკეთის პრეზიდენტი შავკატ მირზიოევი საქართველოს ოფიციალური ვიზიტით ეწვია, რა დროსაც ორ ქვეყანას შორის სტრატეგიული პარტნიორობის შეთანხმება გაფორმდა. ეს შეთანხმება საქართველოსა და ცენტრალური აზიის ქვეყნებს შორის ურთიერთობების გაღრმავების მნიშვნელოვან ნაბიჯად შეფასდა. ვიზიტის ფარგლებში გაიმართა შეხვედრები საქართველოს პრეზიდენტსა და პრემიერ-მინისტრთან.