გიორგი ბახუაშვილი, რომელიც ბიძინა ივანიშვილის პირადი დაცვის წევრი იყო, სახელმწიფო უსაფრთხოების სამსახურის უფროსის მოადგილედ დაინიშნა. შესაბამის ბრძანებას პრემიერ-მინისტრმა ირაკლი კობახიძემ 6 ივლისს მოაწერა ხელი. ბახუაშვილს სამართალდამცავ ორგანოებში სხვადასხვა თანამდებობა ეკავა, მათ შორის დაცვის პოლიციის დეპარტამენტში და სახელმწიფო დაცვის სპეციალურ სამსახურში.
საქართველოს მთავრობის ოპონენტებმა შეშფოთება გამოთქვეს იმის გამო, რომ ქვეყანა კვლავ არ მიიწვიეს ნატოს ყოველწლიურ სამიტზე, რომელიც თურქეთის დედაქალაქ ანკარაში იმართება. ამავდროულად, „ქართული ოცნების“ საგარეო საქმეთა მინისტრი მაკა ბოჭორიშვილი ანკარაში მიემგზავრება, სადაც სამიტის ფარგლებში დაგეგმილ ღონისძიებაში „მოკავშირეები ანკარაში“ მიიღებს მონაწილეობას. ოპონენტების აზრით, ეს გადაწყვეტილება შეესაბამება 2024 წლის ვაშინგტონის სამიტის შემდეგ ჩამოყალიბებულ პრაქტიკას, როდესაც „საქართველოს მთავრობა დემოკრატიული უკუსვლის გამო პარტნიორული ღონისძიებებიდან გამოირიცხა“. მმართველი პარტია კი კრიტიკას „პროპაგანდისტულ კამპანიად“ აფასებს.
რობერტო მარტინესმა პორტუგალიის ნაკრების მთავარი მწვრთნელის პოსტი დატოვა ესპანეთთან მერვედფინალური მატჩის დასრულების შემდეგ. მან მადლობა გადაუხადა ფეხბურთის ფედერაციას და ფეხბურთელებს. გავრცელებული ინფორმაციით, მის ადგილს 71 წლის ჟორჟე ჟეზუში დაიკავებს, რომელიც ბოლოს საუდის არაბეთის „ალ ნასრში“ მუშაობდა.
უნგრეთის საზოგადოებრივმა მაუწყებელმა საინფორმაციო გადაცემა დროებით შეაჩერა და ეთერში განცხადება გაუშვა ტექსტით: "საზოგადოებრივი მედია არ უნდა იტყუებოდეს. მიუხედავად ამისა, ბოდიშს გიხდით იმისთვის, რომ ამას მრავალი წლის განმავლობაში ვაკეთებდით". ქვეყნის პრემიერმინისტრმა, პეტერ მადიარმა აღნიშნა, რომ ეს ისტორიული დღეა და უნგრეთის საზოგადოებრივ მედიაში პროპაგანდისტული მაუწყებლობა საბოლოოდ დასრულდა.
ფეხბურთის კლუბ "იბერია 1999-ის" მთავარ მწვრთნელ ანდრეი დემჩენკოსა და ფეხბურთელ პაატა ღუდუშაურს შორის კონფლიქტი მოხდა. მწვრთნელის თქმით, ეს იყო სამუშაო პროცესი, თუმცა ფიზიკური დაპირისპირება უარყო. ღუდუშაური გუნდიდან მოკვეთილია.
ძლიერი წვიმის გამო თბილისის საერთაშორისო აეროპორტის შენობის ნაწილი დაიტბორა და ელექტროენერგიის მიწოდება შეწყდა. უსაფრთხოების მიზნით, მგზავრებს შენობის დატოვება სთხოვეს. აეროპორტის ტექნიკური ჯგუფი პრობლემის აღმოსაფხვრელად მუშაობს.
კრიშტიანო რონალდომ მსოფლიო ჩემპიონატიდან პორტუგალიის ნაკრების გამოთიშვის შემდეგ სანაკრებო კარიერის დასრულების შესახებ განცხადება არ გააკეთა. მან აღნიშნა, რომ ცხელ გულზე ნაჩქარევ გადაწყვეტილებებს არ იღებს და არ სურს, რომ ტურნირზე ნაკრების თამაშის ნაცვლად მის პირად გადაწყვეტილებებზე გადავიდეს ყურადღება. რონალდომ ასევე შეაქო მწვრთნელი მარტინეში და აღნიშნა, რომ პორტუგალიის ფეხბურთის ფედერაციის პრეზიდენტი მიიღებს გადაწყვეტილებას ნაკრების მომავალ მწვრთნელთან დაკავშირებით.
თბილისის საერთაშორისო აეროპორტში ძლიერი წვიმის შედეგად წყალი ჩავიდა. მგზავრთა მომლოდინეთა სივრცე დროებით დაიკეტა, სამი რეისი კი სხვა აეროპორტებში გადამისამართდა. აეროპორტის მართველი კომპანია „ტავის“ განცხადებით, პრობლემა დროებითია და მგზავრები შენობიდან ადგილობრივი ფრენებისთვის განკუთვნილი გამოსასვლელით გამოდიან.
ბათუმის "დინამომ" 27 წლის ბრაზილიელი გარემარბი, პაულო ვიტორი დაიმატა. ფეხბურთელმა ზღვისპირულ კლუბთან 2,5-წლიანი კონტრაქტი გააფორმა. ვიტორი "ვასკო და გამას" აღზრდილია და პროფესიული კარიერის განმავლობაში არაერთ ცნობილ კლუბში უთამაშია.
ბათუმის "დინამომ" 27 წლის ბრაზილიელი გარემარბი, პაულო ვიტორი დაიმატა. ფეხბურთელმა ზღვისპირულ კლუბთან 2,5-წლიანი კონტრაქტი გააფორმა. ვიტორი "ვასკო და გამას" აღზრდილია და პროფესიული კარიერის განმავლობაში არაერთ ცნობილ კლუბში უთამაშია.