საქართველოს ახალგაზრდა მოჭიდავეთა ნაკრები წარმატებით ასპარეზობს ევროპის ჩემპიონატზე. კონსტანტინე პეტრიაშვილი ფინალში გავიდა და ტიტულის დაცვას შეეცდება. ასევე, სამი ქართველი მოჭიდავე ბრინჯაოს მედლისთვის იბრძვის.
ესპანეთის ნაკრებმა მსოფლიო ჩემპიონატის მეოთხედფინალში ბელგია 2:1 დაამარცხა და ნახევარფინალში გავიდა. მატჩის ბედი შეცვლაზე შესულმა მერინომ გადაწყვიტა, რომელმაც გამარჯვების გოლი 88-ე წუთზე გაიტანა. ესპანეთი ნახევარფინალში საფრანგეთს დაუპირისპირდება.
ოკუპირებული აფხაზეთის გალის რაიონის დე ფაქტო ხელისუფლებამ საქართველოს მოქალაქე გელა მებონია დააკავა და მის წინააღმდეგ სისხლის სამართლის საქმე აღძრა. მას ბრალად ედება „სახელმწიფო საზღვრის უკანონოდ გადაკვეთა“. სუს-ის ანგარიშის თანახმად, 2025 წელს ცხინვალის რეგიონში უკანონო დაკავების 34, ხოლო აფხაზეთში 40 შემთხვევა დაფიქსირდა.
ცაგერის საკრებულოს წევრი, „ხალხის ძალის“ ფრაქციის თავმჯდომარე ლაშა ლეთოდიანი „ქურდული სამყაროს“ მხარდაჭერის ბრალდებით დააკავეს. მას ბრალი სისხლის სამართლის კოდექსის 223-ე მუხლის მეორე ნაწილით წარუდგინეს. ლეთოდიანის ადვოკატის განცხადებით, მისი დაცვის ქვეშ მყოფი ბრალს არ აღიარებს და აღკვეთის ღონისძიების სახით 10 000-ლარიანი გირაოს შეფარდებას ითხოვს.
ოპოზიციონერ პოლიტიკოს ალეკო ელისაშვილს 13 წლით თავისუფლების აღკვეთა მიესაჯა მას შემდეგ, რაც სასამართლომ ის ტერორისტული აქტის ჩადენის მცდელობაში დამნაშავედ ცნო. ელისაშვილი 2025 წლის 29 ნოემბერს, გამთენიისას, თბილისის საქალაქო სასამართლოს კანცელარიის შენობის დაწვის მცდელობის ბრალდებით დააკავეს. მართალია ელისაშვილმა ჩადენილი ქმედება აღიარა, მან ტერორიზმის მცდელობის დანაშაული არ აღიარა.
„სან ანტონიო სპურსის“ ლიდერმა ვიქტორ ვემბანიამამ კლუბთან ხუთწლიანი, 252-მილიონიანი კონტრაქტი გააფორმა. მან უარი თქვა ე.წ. „სუპერმაქსის“ პირობაზე, რითაც დაახლოებით 50 მილიონ დოლარზე თქვა უარი, რათა გუნდს მეტი მოქნილობა ჰქონდეს. ახალი ხელშეკრულება 2027/28 წლების სეზონიდან შევა ძალაში.
საქართველოს პარლამენტის თავმჯდომარე შალვა პაპუაშვილი ბელგრადში გაიმართა ევროკავშირის წევრობის კანდიდატი ქვეყნების პარლამენტების თავმჯდომარეთა საინაუგურაციო კონფერენციაში. ღონისძიება მიზნად ისახავდა კანდიდატ ქვეყნებს შორის საპარლამენტო თანამშრომლობის გაძლიერებას. კონფერენცია დასრულდა ბელგრადის დეკლარაციის მიღებით, რომელშიც ქვეყნებმა დაადასტურეს ერთგულება ევროპული პერსპექტივისადმი და შეთანხმდნენ რეგულარულ კონსულტაციებზე.
ირანის უზენაესი ლიდერი, მოჯთაბა ხამენეი აქვეყნებს წერილს, სადაც მამის, აიათოლა ალი ხამენეის მკვლელობაზე შურისძიებით იმუქრება. ის აცხადებს, რომ ეს „ერის მოთხოვნაა“ და „აუცილებლად მოხდება“. ხამენეიმ ასევე აღნიშნა, რომ შურისძიება მოხდება „იქნება ეს ჩვენი სიცოცხლის განმავლობაში თუ მის შემდეგ“.
ინფექციონისტები მოქალაქეებს ტკიპების აქტიურობის სეზონზე სიფრთხილისკენ მოუწოდებენ. საქართველოში ტკიპებით გავრცელებული დაავადებებიდან აქტუალურია ლაიმის ბორელიოზი და ყირიმ-კონგოს ჰემორაგიული ცხელება, რომელიც განსაკუთრებით სამხრეთ საქართველოში და შიდა ქართლში გვხვდება. ექიმები განმარტავენ, როდის უნდა მივმართოთ სამედიცინო დახმარებას და როგორ მოვიქცეთ ტკიპის ნაკბენის შემდეგ.
თბილისში დაგეგმილი RAF-ის ღონისძიების პრესკონფერენციაზე ინციდენტი მოხდა. დაპირისპირება მერაბ დვალიშვილსა და ერთ-ერთ დაღესტნელ სტუმარს შორის დაიწყო. ჩრდილოკავკასიელი მებრძოლები პოლიციის კორდონის გარღვევას და ქართველ მებრძოლებთან შეხლა-შემოხლას შეეცადნენ.