უხვი ნალექის გამო თბილისის საერთაშორისო აეროპორტის შენობის ნაწილი დაიტბორა. ელექტროენერგიის მიწოდება შეწყდა და მგზავრებს უსაფრთხოების მიზნით შენობა დაატოვებინეს. აეროპორტის ტექნიკური ჯგუფი პრობლემის აღმოფხვრაზე მუშაობს.
მოჰამედ სალაჰს კარიერის გაგრძელების ორი ძირითადი ვარიანტი აქვს: MLS-ი და საუდის არაბეთის პროლიგა. ჯერჯერობით უცნობია, რომელ კლუბსა და ჩემპიონატს აირჩევს გამოცდილი ფეხბურთელი. სალაჰმა "ლივერპულში" ცხრა სეზონი გაატარა და მრავალი ტიტული მოიგო.
ბრაზილიის ნაკრების ყოფილმა თავდამსხმელმა რომარიომ კრიშტიანო რონალდოს როლზე ისაუბრა. მისი თქმით, რონალდო მესის, მარადონას, ნეიმარის და რონალდინიოს ტალანტით არ დაბადებულა, თუმცა მონსტრია და პელეს, მესის, მარადონას, რომარიოსა და რონალდოსთან ერთ დონეზეა.
უიმბლდონის ტურნირზე ლეგენდარულმა როჯერ ფედერერმა განსაკუთრებული ჟესტით გულშემატკივრები აღაფრთოვანა. მიუხედავად იმისა, რომ ტურნირის დასრულების შემდეგ სამეფო ლოჟაში თითქმის აღარავინ დარჩა, შვეიცარიელი ბოლომდე დარჩა და ცენტრალურ კორტზე მიმდინარე შეხვედრას უყურებდა.
საქართველოს 20-წლამდელთა ნაკრებმა მსოფლიოს ახალგაზრდულ ჩემპიონატზე სამი მატჩი გამართა. ქართული ფრანჩაიზის „შავი ლომის“ მწვრთნელთა შტაბმა გუნდისთვის ორი მორაგბე შეარჩია: უმცროსი ბორჯღალოსნების კაპიტანი, მესამეხაზელი ლუკა ნარსია და ცხრა ნომერი თემურ ძოძუაშვილი. ორივე მათგანი კარიერას „შავ ლომში“ განაგრძობს.
ფრანგული მედიის ცნობით, მსოფლიო ჩემპიონატის მეოთხედფინალური მატჩის წინ, საფრანგეთის ნაკრები მაროკოსთან დაპირისპირებისთვის ემზადება, თუმცა გუნდის გასახდელში პრობლემები იჩენს თავს. "პარი სენ-ჟერმენის" ფეხბურთელი, უორენ ზაირ-ემერი უკმაყოფილებას გამოთქვამს სათამაშო დროის სიმცირის გამო.
კიევთან ახლოს, 6 ივლისს, ანასტასია ბერეზოვსკაიას ცხედარი იპოვეს, რომელიც მონაკოში ბიზნესმენზე თავდასხმაში იყო ეჭვმიტანილი. წყაროების ცნობით, ქალი ცეცხლსასროლი იარაღით არის მოკლული. მკვლელობის საქმეზე უკვე დაკავებულია ორი ეჭვმიტანილი: უკრაინის სამხედრო დაზვერვის ოფიცერი და ყოფილი სამართალდამცველი.
პსჟ-ს 30 წლის ნახევარმცველი ფაბიან რუისი შესაძლოა მადრიდის „რეალში“ გადავიდეს. კონტრაქტის დასრულებამდე დარჩენილი დროის გამო, პარიზული კლუბი ესპანელ ფეხბურთელს შესაძლოა ახლავე შეელეოს. არსებობს იმის ალბათობა, რომ ფაბიან რუისმა მომავალ სეზონში ხვიჩა კვარაცხელიასთან ერთად არ ითამაშოს.
გორის "დილამ" 25 წლის ნორვეგიელი თავდამსხმელი, ფრანკლინ ნიენეტუ დაიმატა. ნიენეტუს კარიერა "როსენბორგის" აკადემიაში აქვს დაწყებული და შეუძლია ცენტრალური თავდამსხმელის, ან შემტევის პოზიციაზე თამაში.
11 ივლისიდან ვარკეთილის დასახლებიდან ვაკის მიმართულებით N309 მარშრუტზე მგზავრებს 18-მეტრიანი ავტობუსები მოემსახურებიან. თბილისის მერის, კახა კალაძის განცხადებით, ეს ცვლილება ორჯერ მეტი მგზავრის გადაყვანის შესაძლებლობას შექმნის და გაჩერებებზე ლოდინის დროს შეამცირებს.