შსს-მ ბიზნესმენ თამაზ ელიზბარაშვილის სახლში ჩხრეკა ჩაატარა, რა დროსაც ის ადმინისტრაციული წესით დააკავეს. ადვოკატების ინფორმაციით, პოლიცია ელიზბარაშვილის სახლში იარაღს ეძებდა. ამოღებულია ერთი, კანონიერად რეგისტრირებული იარაღი.
The Economist-ის ცნობით, ვლადიმირ პუტინი ფიქრობს, რომ უკრაინასთან ომში მინიმალური მიზნების მიუღწევლობაც კი მის სიცოცხლეს საფრთხეს შეუქმნის, რის გამოც კონფლიქტის ესკალაციისკენ იხრება. წყაროების ინფორმაციით, მან გარემოცვას უთხრა, რომ მარცხის შემთხვევაში მას "ჩამოახრჩობენ".
რუსთაველის გამზირის რეაბილიტაციის სამუშაოებისას აღმოჩენილია ისტორიული არტეფაქტები, მათ შორის აგურის წყობები და კერამიკული ჭურჭელი. თბილისის მერიის ინფორმაციით, კულტურული მემკვიდრეობის დაცვის ეროვნული სააგენტოს სპეციალისტებმა უკვე გასცეს რეკომენდაციები, რომელთა შესაბამისადაც სამუშაოები გაგრძელდება.
აშშ-ის პრეზიდენტმა, დონალდ ტრამპმა უკრაინას დამოუკიდებლობის აღდგენის 35-ე წლისთავი მიულოცა. მან უკრაინის პრეზიდენტს მისალოცი წერილი გაუგზავნა, რომელიც ვოლოდიმირ ზელენსკიმ X-ზე გამოაქვეყნა. ტრამპმა ხაზი გაუსვა ორ ქვეყანას შორის არსებულ მტკიცე მეგობრობას და აღფრთოვანება გამოხატა უკრაინელი ხალხის სიმტკიცისა და მსხვერპლის მიმართ.
ცენტრალური აფრიკის რესპუბლიკაში, კამერუნის საზღვართან, არალეგალური წესით მომუშავე ოქროს მაღაროს ჩამონგრევას 100-ზე მეტი ადამიანი ემსხვერპლა. სამძებრო-სამაშველო სამუშაოები გრძელდება და გამოძიება დაიწყება, რათა დადგინდეს ჩამონგრევის მიზეზები.
შინაგან საქმეთა სამინისტრომ 12 წლის წინ გაუჩინარებული გურამ დადიანიძის „ფეისბუქ“ გვერდზე განთავსებულ პოსტთან დაკავშირებით მოკვლევის შედეგები გამოაქვეყნა. უწყების ინფორმაციით, დადგინდა, რომ პოსტის გამოქვეყნების შესახებ წინასწარ იცოდნენ როგორც დადიანიძის დედამ, ასევე მისმა ადვოკატმა. გამოძიებამ ასევე დაადგინა, რომ პოსტის გამოქვეყნება „ტელეგრამ“ ჯგუფში დაიგეგმა, რომლის წევრებიც დადიანიძის დედის ნათესავები და სხვა დაინტერესებული პირები არიან.
საქართველოს განათლების, მეცნიერებისა და ახალგაზრდობის მინისტრმა, გივი მიქანაძემ განმარტა, რომ ყველა ქალაქსა და მუნიციპალიტეტში მინიმუმ ერთი სარეალიზაციო პუნქტი გაიხსნება სასკოლო ფორმების შესაძენად. მომავალი კვირიდან ასევე ამოქმედდება ონლაინპლატფორმა, სადაც მშობლებს ფორმების ონლაინ შეძენა შეეძლებათ. დამატებით, სხვადასხვა ბანკის მეშვეობით იმოქმედებს საშეღავათო „ქეშბექ“ პოლიტიკა.
საქართველოს ნაკრების 25 წლის მცველი გიორგი გოჩოლეიშვილი ერთსეზონიანი იჯარით „შახტარიდან“ „კადისში“ გადავიდა. კლუბებს შორის შეთანხმება მომავალი წლის ზაფხულში გოჩოლეიშვილის 3.5 მილიონ ევროდ გამოსყიდვის შესაძლებლობას ითვალისწინებს. გიორგი გუნდთან ერთად ვარჯიშს შეუდგება და 22 აგვისტოს "ელდენსესთან" ჩასატარებელი სეგუნდა დივიზიონის მეორე ტურის მატჩისთვის მოემზადება.
მოლდოვის საპარლამენტო არჩევნებში, დათვლილი ხმების 99,95%-ის მიხედვით, მაია სანდუს პროდასავლური პარტია ლიდერობს 44,13%-ით. მეორე ადგილზეა პრორუსული ბლოკი 28,26%-ით. საზღვარგარეთ მდებარე უბნებში სანდუს პარტიას 78,03% აქვს, ხოლო პრორუსული ბლოკი მეოთხე ადგილზეა 5,17%-ით. საბოლოო შედეგები აშშ-ში დათვლის შემდეგ გახდება ცნობილი.
ამერიკული MLS-ის მე-20 ტურში, "ფილადელფიამ" ინტერის "მაიამის" უმასპინძლა, შეხვედრა ფრედ, 2:2 დასრულდა. ანგარიში მასპინძლებმა გახსნეს, მე-11 წუთზე თავი ინდიანა ვასილევმა გამოიჩინა. ამის შემდეგ ფლორიდელებმა ჯერ 21-ე წუთზე დანილ პინტერის გოლით წონასწორობა აღადგინეს, შემდეგ კი 26-ე წუთზე ლიონელ მესიმ საკუთარი გუნდი დააწინაურა. საბოლოო ანგარიში 58-ე წუთზე ნაილ პიერმა დააფიქსირა.