გერმანიის ელჩმა საქართველოში პიტერ ფიშერმა, რომელიც ამ პოსტზე 2022 წლიდან მსახურობდა, 30 ივნისს მისიის დასრულების შესახებ გააკეთა განცხადება. ფიშერი ხშირად აკრიტიკებდა ქვეყნის ანტიდასავლურ კურსს და მმართველი პარტიის მხრიდან სამიზნე ხდებოდა. პრემიერ-მინისტრმა ირაკლი კობახიძემ ელჩი დაადანაშაულა ორმხრივი ურთიერთობებისთვის ზიანის მიყენებაში.
ვენესუელაში მომხდარი დამანგრეველი მიწისძვრების შემდეგ, მაშველებმა 6 დღის შემდეგ ნანგრევებიდან 3 წლის ბავშვი ცოცხალი ამოიყვანეს. ეს ფაქტი ნამდვილ სასწაულად ფასდება, რადგან გადარჩენის შანსი სტიქიიდან პირველი სამი დღის შემდეგ მინიმუმამდე დადის. პატარა კლიბერი ამჟამად საავადმყოფოში იმყოფება, მისი მდგომარეობა სტაბილურია.
16-წლამდელ წყალბურთელ ვაჟთა მსოფლიოს 2026 წლის ჩემპიონატისთვის მზადების ფარგლებში, ქართულმა ნაკრებმა ესპანეთში საერთაშორისო ტურნირში (BIWPA Summer Cup) მიიღო მონაწილეობა. ქართველმა სპორტსმენებმა ფინალამდე ყველა მეტოქე დაამარცხეს, თუმცა გადამწყვეტ შეხვედრაში ესპანურ კლუბ CE Montjuïc-თან 6:8 დამარცხდნენ და ვერცხლის მედალს დასჯერდნენ.
ესპანური გამოცემების ინფორმაციით, მადრიდის „რეალი“ ხვიჩა კვარაცხელიას ან მაიკლ ოლისეს ტრანსფერს განიხილავს, თუ ვინისიუს ჟუნიორი კონტრაქტს არ გაახანგრძლივებს. მიუხედავად იმისა, რომ კვარაცხელია „პსჟ“-სთვის შეუცვლელი ფიგურაა, არსებობს ვარაუდი, რომ თუ გუნდში ახალი ფეხბურთელები მოვლენ, ქართველის როლი შეიცვლება. ასევე, შესაძლოა, „პსჟ“-ში ვინისიუს ჟუნიორიც აღმოჩნდეს.
საქართველოს პრეზიდენტი, მიხეილ ყაველაშვილი, ირანის უზენაესი ლიდერის, აიათოლა ალი ხამენეის დაკრძალვის ცერემონიალს დაესწრება. ის ამ ღონისძიებას რეგიონის სხვა ქვეყნების ლიდერებთან ერთად დაესწრება. ეს ვიზიტი ახლო აღმოსავლეთში არსებული დაძაბულობის ფონზე ხორციელდება.
მსოფლიო ჩემპიონატის 1/16-ფინალში საფრანგეთმა შვედეთი 3:0 დაამარცხა. მბაპემ დუბლი შეასრულა, ბარკოლამ კი ერთი გოლი გაიტანა. საფრანგეთი 1/8-ფინალში პარაგვაის დაუპირისპირდება.
აშშ-ის უზენაესმა სასამართლომ დაადგინა, რომ აშშ-ში დაბადებულ ბავშვებს აქვთ მოქალაქეობის კონსტიტუციური უფლება, რითაც უარყო დონალდ ტრამპის მცდელობა, გაეუქმებინა აშშ-ის 150-წლიანი პოლიტიკა. ცხრიდან ექვსმა მსაჯულმა დაუჭირა მხარი გადაწყვეტილებას, რომ კონსტიტუციის მე-14 შესწორების თანახმად, აშშ-ში „უკანონოდ ან დროებით მყოფი მშობლების“ შვილები, რომლებიც დაიბადნენ აშშ-ის ტერიტორიაზე, „დაბადებისთანავე მოქალაქეები არიან“. პრეზიდენტ ტრამპს სურდა, აშშ-ში დაბადებისთანავე მოქალაქეობის უფლება შეეზღუდა განკარგულებით, რომლის თანახმადაც, დოკუმენტების არმქონე ემიგრანტების ან დროებითი ვიზიტორების შვილებზე არ გავრცელებულიყო ეს კონსტიტუციური უფლება.
საქართველოს პარლამენტმა ოპოზიციურად განწყობილი ტელეკომპანია „პირველის“ სამ ჟურნალისტს, ნატალია ქაჯაიას, მაკა ჩიხლაძესა და მაკა ანდრონიკაშვილს, აკრედიტაცია დროებით შეუჩერა. ჟურნალისტებს აკრედიტაცია სხვადასხვა ვადით, ერთი თვიდან ერთ წლამდე, შეუჩერდათ, რის მიზეზადაც პარლამენტის აპარატის ხელმძღვანელმა დაუსაბუთებელი მოტივი და ჟურნალისტური ეთიკის ნორმების დარღვევა დაასახელა. ეს გადაწყვეტილება მედია ორგანიზაციების კრიტიკას და ჟურნალისტური ეთიკის ქარტიის უკმაყოფილებას მოჰყვა, რომელმაც პარლამენტს ჟურნალისტების დევნის შეწყვეტისა და მათთვის საკანონმდებლო ორგანოში მუშაობის საშუალების მიცემისკენ მოუწოდა.
უკრაინის იერიშების შედეგად გამოწვეული საწვავის დეფიციტის გამო, რუსეთი ინდოეთიდან საწვავის იმპორტს იწყებს. სააგენტო Reuters-ის ინფორმაციით, რუსეთის ყველა რეგიონში საწვავის დეფიციტი იგრძნობა, რის გამოც ზოგან ლიმიტები დაწესდა, ავტოგასამართ სადგურებთან რიგები გაჩნდა და ბენზინის ფასი რეკორდულად გაიზარდა. რუსეთის პრეზიდენტმა, ვლადიმირ პუტინმა აღიარა პრობლემა და განაცხადა, რომ მის მოგვარებაზე მუშაობენ.
ბელარუსის პრეზიდენტმა ალიაქსანდრ ლუკაშენკამ ქვეყნის დამოუკიდებლობის დღის წინ 32 ადამიანი შეიწყალა, რომელთაგან 28 „ექსტრემიზმთან“ დაკავშირებული ბრალდებებით იყვნენ მსჯავრდებულნი. შეწყალებულთა შორის 20 ქალია. გადაწყვეტილება მიღებულ იქნა ჰუმანიზმის პრინციპის საფუძველზე, რადგან ყველა მათგანმა შეიტანა შეწყალების შუამდგომლობა, აღიარა დანაშაული და სინანული გამოხატა.