სასკოლო სპორტული ოლიმპიადა 2026-ის ფინალური ეტაპი 27 ივნისს დასრულდა, სადაც 100 000-ზე მეტი ბავშვი და 1800-ზე მეტი სკოლა მონაწილეობდა. შეჯიბრმა ხელი შეუწყო გუნდურობის, ურთიერთპატივისცემისა და გამარჯვებისა თუ მარცხის ღირსეულად მიღების სწავლებას. მოსწავლეებმა სპორტის რვა სახეობაში იასპარეზეს და ახალი ჩემპიონები გამოვლინდნენ.
პროტესტის მონაწილე თამარ ლორთქიფანიძემ, რომელიც პოლიციის მანქანაზე ავიდა, საპროცესო შეთანხმებას მიაღწია და ერთწლიანი პატიმრობა მიუსაჯეს. იგი უკვე რვა თვეა წინასწარ პატიმრობაში იმყოფება და საპატიმროს ოთხ თვეში დატოვებს. თავდაპირველად მას „ხულიგნობის“, ძალადობის და პოლიციელის სატრანსპორტო საშუალებაზე თავდასხმის ბრალდებები წაუყენეს, რამაც მას ოთხიდან შვიდ წლამდე თავისუფლების აღკვეთა ემუქრებოდა.
საქართველოს განათლების, მეცნიერებისა და ახალგაზრდობის მინისტრმა, გივი მიქანაძემ განაცხადა, რომ სახელმძღვანელოების ყდებზე ეროვნული ღირებულებები იქნება წარმოჩენილი. მაგალითად, ქიმიის სახელმძღვანელოს ყდაზე გამოსახული იქნება ქართული ღვინის დაწურვა, ხოლო ქართული ენის სახელმძღვანელოში შევა ილია მეორის ცნობილი ფრაზა „ღმერთი, სამშობლო, ადამიანი“. ასევე, მეათე კლასში საქართველოს ისტორია ცალკე საგნად ისწავლება.
თბილისის მერია ერთიან ეროვნულ გამოცდებში მონაწილე პირთა ტრანსპორტირებისთვის მუნიციპალური ავტობუსების დამატებით მარშრუტებს დანიშნავს. 2 ივლისიდან 30 ივლისამდე, საგამოცდო ცენტრების მიმართულებით სპეციალური მარშრუტები დაწესდება. საზოგადოებრივი ტრანსპორტი გამოცდებში მონაწილე პირებს 06:00-დან 20:00 საათამდე მოემსახურება.
უფლებადამცველმა ბაია პატარაიამ გაავრცელა ინფორმაცია თბილისში მოკლული აზერბაიჯანელი გოგონას, 2005 წელს დაბადებული ფატიმა კერიმოვას შესახებ. გოგონა საქართველოში საყვარელმა ჩამოიყვანა, თუმცა მოგვიანებით მასზე ძალადობდა და საბოლოოდ მოკლა. მკვლელი თურქეთში გაქცეულა.
სანდრო მამუკელაშვილი ლეგენდარულ "ლოს ანჯელეს ლეიკერსთან" 4-წლიან კონტრაქტს გააფორმებს. ამ ხელშეკრულებით, საქართველოს ნაკრების ფორვარდის ყოველწლიური ანაზღაურება დაახლოებით 15 მილიონი დოლარი იქნება. მამუკელაშვილი წინა სეზონს "ტორონტოში" ატარებდა, სადაც საშუალოდ 11.2 ქულას, 4.9 მოხსნასა და 1.9 შედეგიან პასს აკეთებდა.
პროტესტის მონაწილე თამარ ლორთქიფანიძეს, რომელიც პოლიციის მანქანაზე ავიდა, ერთწლიანი პატიმრობა მიესაჯა. იგი უკვე რვა თვეა წინასწარ პატიმრობაში იმყოფება და საპატიმროს ოთხ თვეში დატოვებს. თავდაპირველად მას „ხულიგნობის“, ძალადობის და პოლიციელის სატრანსპორტო საშუალებაზე თავდასხმის ბრალდებები წაუყენეს, თუმცა დანაშაულის აღიარების შემდეგ საპროცესო შეთანხმება გააფორმა.
სასამართლომ „ქინდერლი ჯორჯიას“ ორი დამფუძნებელი, სომხეთისა და უკრაინის მოქალაქეები, დამნაშავედ ცნო და მათ 10-10 წლით თავისუფლების აღკვეთა მიუსაჯა. მათ ბრალად ედებათ სუროგატი დედებისა და ბიოლოგიური მშობლების კუთვნილი 2 მილიონ ლარზე მეტი თანხის მითვისება. საქმეზე გამოძიება მას შემდეგ დაიწყო, რაც რადიო თავისუფლებამ ვრცელი სტატია გამოაქვეყნა სუროგაციის პროცესში დაზარალებული ქალების შესახებ.
NASA-მ მთვარეზე მუდმივი ბაზის მშენებლობის მიზნით სამ ამერიკულ კომპანიასთან გააფორმა კონტრაქტები, რომელთა საერთო ღირებულება თითქმის 600 მილიონი დოლარია. 2028 წლის ბოლომდე დაგეგმილია ოთხი რობოტიზებული სამეცნიერო მისიის განხორციელება დედამიწის თანამგზავრზე. ეს ინვესტიცია ააქტიურებს მთვარის კომერციულ ათვისებას და ხელს შეუწყობს მომავალში ასტრონავტების მუშაობას, სამეცნიერო კვლევებსა და მარსზე ექსპედიციებისთვის მომზადებას.
ბარსელონას 18 წლის ფეხბურთელმა ლამინ იამალმა ხულიან ალვარესს კატალონიურ კლუბში გადასვლა ურჩია. იამალმა აღნიშნა, რომ ალვარესი შესანიშნავი მოთამაშეა და მისი ტრანსფერს გაშლილი ხელებით შეხვდება. მან ასევე დაამატა, რომ მის ადგილას რომ ყოფილიყო, აუცილებლად „ბარსელონაში“ გადავიდოდა.