შინაგან საქმეთა სამინისტრომ არასრულწლოვნების ტრეფიკინგის ბრალდებით სამი პირი დააკავა. დაკავებულები, რომლებიც საქართველოსა და უცხო ქვეყნის მოქალაქეები არიან, საკუთარ არასრულწლოვან შვილებს ფსიქოლოგიური ძალადობის გამოყენებით, ბათუმში მოწყალების თხოვნასა და ყვავილებით ვაჭრობას აიძულებდნენ. შეგროვებულ თანხას კი ისაკუთრებდნენ.
უკრაინის შეიარაღებულმა ძალებმა განაცხადეს, რომ რუსეთის ქალაქ პენზაში დაარტყეს „ფიზიკური გაზომვების სამეცნიერო-კვლევით ინსტიტუტს“, რომელიც ამზადებს კომპონენტებს ფრთოსანი და ბალისტიკური რაკეტებისთვის. დარტყმის შედეგად ობიექტზე დაფიქსირდა დაკვამლიანება, ზიანის მასშტაბი კი დაზუსტების ეტაპზეა. პენზის სამეცნიერო-კვლევითი ინსტიტუტი სახელმწიფო კორპორაცია „როსკოსმოსის“ შემადგენლობაშია.
17 წლის ქართველი ფეხბურთელი, ანდრია კვირიკაძე, რომელიც „დინამო თბილისის“ აკადემიის აღზრდილია, კარიერას საფრანგეთის ლიგა 1-ის კლუბ „პარიზში“ გააგრძელებს. მხარეებს შორის სატრანსფერო შეთანხმება შედგა და ფეხბურთელმა 4-წლიანი კონტრაქტი გააფორმა. კვირიკაძეს მთავარ გუნდში დებიუტი არ ჰქონია.
აშშ-ის უზენაესმა სასამართლომ დაადასტურა, რომ შეერთებულ შტატებში დაბადებულ ადამიანებს ავტომატური მოქალაქეობის უფლება აქვთ. სასამართლომ გააუქმა დონალდ ტრამპის აღმასრულებელი ბრძანება, რომელიც ამ უფლების შეზღუდვას ისახავდა მიზნად. ამ გადაწყვეტილებას ექვსი მოსამართლე დაეთანხმა, სამი კი წინააღმდეგი იყო.
თბილისის მერია საქალაქო რკინიგზის დერეფნის ტექნიკურ-ეკონომიკური მიზანშეწონილობის კვლევის ჩატარებას გეგმავს. ამ მიზნით, აზიის განვითარების ბანკის შესყიდვის წესებით საერთაშორისო ტენდერი გამოცხადდა, რომელშიც ინტერესთა გამოხატვის ვადა 13 ივლისს იწურება. პროექტი მიზნად ისახავს დედაქალაქის მდგრადი ურბანული მობილობის გეგმის ფარგლებში, არსებული ინფრასტრუქტურის გამოყენებით თბილისის დაკავშირებას მიმდებარე ქალაქებთან და აეროპორტთან.
4 ივლისიდან თბილისში, N339 და N385 მარშრუტებზე, 12-მეტრიანი ავტობუსების ნაცვლად 18-მეტრიანი ავტობუსები შევა ექსპლუატაციაში. ამ ცვლილებით, აღნიშნულ მარშრუტებზე მგზავრობის მოცულობა გაორმაგდება. თბილისის მერიის ინფორმაციით, ეს ნაბიჯი საზოგადოებრივი ტრანსპორტის მომსახურების ხარისხის გაუმჯობესებას ემსახურება.
ესპანეთში ივნისის ანომალიურმა სიცხემ 1028 ადამიანის სიცოცხლე იმსხვერპლა, რაც ორჯერ აღემატება წინა წლის მაჩვენებელს. ქვეყანამ ისტორიაში ყველაზე ცხელი პირველი ექვსი თვე დააფიქსირა. ტემპერატურა ნორმაზე საშუალოდ 1.6°C-ით მაღალი იყო.
ესპანეთში ივნისის ანომალიურმა სიცხემ 1000-ზე მეტი ადამიანის სიცოცხლე იმსხვერპლა, რაც ორჯერ აღემატება წინა წლის მაჩვენებელს. ქვეყანამ ისტორიაში ყველაზე ცხელი პირველი ექვსი თვე დააფიქსირა. ეროვნული მეტეოროლოგიური სააგენტოს ცნობით, ტემპერატურა ნორმაზე საშუალოდ 1.6°C-ით მაღალი იყო.
ფიდემ მოჭადრაკე ქალ-ვაჟთა განახლებული რეიტინგები გამოაქვეყნა. ქალთა მსოფლიოს კლასიფიკაციას ჩინელი ჰოუ იფანი ლიდერობს, ხოლო ვაჟთა შორის პირველ ათეულში ქართველი მოჭადრაკეები არ არიან. ქალთა პირველ ასეულში ხუთი ქართველი მოჭადრაკეა, მათ შორის ნანა ძაგნიძე მე-15 ადგილზეა.
ოპოზიციონერი პოლიტიკოსი ელენე ხოშტარია, რომელიც 10 თვეა პატიმრობაში იმყოფება, კლინიკა „ვივამედში“ გადაიყვანეს. მისი ჯანმრთელობის მდგომარეობა მკვეთრად გაუარესდა და საჭიროებს დამატებით კვლევებს. კლინიკა „ვივამედი“ პოლიტიკოსის მკურნალობას და დიაგნოსტირების პროცესში არ ჩაერთვება, მხოლოდ ინფრასტრუქტურას უზრუნველყოფს.