უკრაინამ რუსეთის მიერ ოკუპირებულ ყირიმში, ჩრდილოეთ ყირიმის არხზე გამავალი სარკინიგზო ხიდი ააფეთქა. რუსეთი ამ ხიდს სამხედრო პერსონალის, იარაღის, საბრძოლო მასალისა და სხვა სამხედრო მარაგის გადასატანად იყენებდა. ამასთანავე, უკრაინულმა ძალებმა ოკუპირებულ ყირიმში რუსული ელექტრონული საბრძოლო სადგურიც დაბომბეს.
სომხეთის პარლამენტმა მიიღო კანონი, რომელიც ზღუდავს საზღვარგარეთ მცხოვრები სომეხი მოქალაქეების ხმის მიცემის უფლებას. კანონი მიღებულ იქნა მას შემდეგ, რაც გავრცელდა ინფორმაცია რუსეთის მცდელობების შესახებ, გავლენა მოეხდინა სომხეთის არჩევნებზე. ახალი წესის თანახმად, ხმის მიცემა მხოლოდ იმ სომხებს შეეძლებათ, ვინც არჩევნებამდე ბოლო ორი წლის განმავლობაში სულ მცირე, ნახევარი წელი სომხეთში ცხოვრობდა.
საქართველოს ნაკრების კაპიტანი თეიმურაზ ორჯონიკიძე რუმინეთის ჩემპიონატის კლუბ „პოტაისა ტურდას“ ღირსებას დაიცავს. ქართველი ხელბურთელი, რომელიც 2023 წლიდან ჩრდილოეთ მაკედონიის „ოჰრიდში“ თამაშობდა, ახალი სეზონიდან ირაკლი კბილაშვილის თანაგუნდელი გახდება. ორჯონიკიძემ მძიმე ტრავმის შემდეგ სარეაბილიტაციო პერიოდი დაასრულა და მოედანს უბრუნდება.
სასამართლომ 30 საბავშვო ბაღის რეაბილიტაციის პროექტში ჩართული კომპანიის ხელმძღვანელ პირებს 10-წლიანი პატიმრობა მიუსაჯა. ბრალდებულებს ედავებიან 9.3 მილიონი ლარის თაღლითურად დაუფლებასა და 1.2 მილიონი ლარის უკანონო შემოსავლის ლეგალიზაციას. საქმეზე ასევე დააკავეს ყოფილი მაღალჩინოსნები, მათ შორის ინფრასტრუქტურის მინისტრის ყოფილი მოადგილე და მუნიციპალური განვითარების ფონდის ყოფილი აღმასრულებელი დირექტორი.
კიევის დარნიცკის რაიონში, რუსული თავდასხმის შედეგად ჩამონგრეული საცხოვრებელი კორპუსის ნანგრევებიდან მაშველებმა კიდევ 3 ადამიანის ცხედარი ამოიყვანეს. ამ დროისთვის, ამ უმძიმესმა დარტყმამ ჯამში უკვე 30 ადამიანის სიცოცხლე შეიწირა. 2 ივლისის ღამეს რუსმა ოკუპანტებმა უკრაინაზე მასირებული კომბინირებული იერიში მიიტანეს.
"ნაპოლიმ" ოფიციალურად დაადასტურა, რომ გუნდის ახალი მთავარი მწვრთნელი მასიმილიანო ალეგრია, რომელმაც ანტონიო კონტე შეცვალა. ალეგრის მილანურ კონტრაქტთან დაკავშირებული პრობლემები მოგვარდა, რამაც შესაძლებელი გახადა მისსა და "ნაპოლის" შორის 3-წლიანი კონტრაქტის გაფორმება.
შსს-მ აბაშაში "საქართველოს ბანკის" ფილიალში შეჭრისა და სანადირო თოფიდან გასროლის ფაქტზე ერთი პირი დააკავა. შემთხვევის შედეგად არავინ დაშავებულა. სამართალდამცველებმა დანაშაულის ჩადენის იარაღი ნივთმტკიცებად ამოიღეს.
საქართველოს ნაკრების კაპიტანი თეიმურაზ ორჯონიკიძე კარიერას რუმინეთში, კლუბ „პოტაისა ტურდაში“ გააგრძელებს. ორჯონიკიძე გუნდს ჩრდილოეთ მაკედონიის „ოჰრიდიდან“ უერთდება. მანამდე ქართველი ხელბურთელი ევროპის სხვადასხვა ქვეყნის კლუბებში თამაშობდა.
დიდი ბრიტანეთის პარლამენტის წევრების ჯგუფმა კულტურის მინისტრს ღია წერილით მიმართა და მოითხოვა, რომ ანიმაციური სერიალი „მაშა და დათვი“ ინტერნეტით ნაკადოვანი ჩვენებებიდან ამოიღონ. დეპუტატების აზრით, სერიალის ზოგიერთი ეპიზოდი პროპაგანდისტულია და ხელს უწყობს საბჭოთა სამხედრო სიმბოლოების ნორმალიზებას.
კრემლისტური პარტია „სოლიდარობა მშვიდობისთვის“ ლიდერი, მამუკა ფიფია, რომელიც რუსეთისა და საქართველოს ორმაგი მოქალაქეა, სოციალურ ქსელში ავრცელებს ვიდეოს, სადაც ის სამხედრო ფორმით, ავტომატით და ტანკზე მჯდომარე ჩანს. ფიფია აცხადებს, რომ 2021 წელს მოსკოვთან სამხედრო-პატრიოტული კლუბი „არმატა ტური“ დააარსა, სადაც ახალგაზრდებს სამხედრო მომზადებას უტარებენ. მისი თქმით, ომში ჯერ არ წასულა, მაგრამ საჭიროების შემთხვევაში წასასვლელად მზადაა.