ტრამპის ადმინისტრაციამ რუსული ნავთობის შეძენაზე სანქციების გამონაკლისი პერიოდი 16 მაისს ვადის გასვლის შემდეგ არ გაახანგრძლივა — Bloomberg-ის ცნობით, ეს პირდაპირ გავლენას მოახდენს სანქცირებული ნავთობის ექსპორტზე.
ვანისა და ბაღდათის მიტროპოლიტი ანტონი ბულუხია აცხადებს, რომ ეკლესიის პირველი სინოდი დააყენებს ქართულ ეკლესიაში დიუშენის სინდრომის მქონე ბავშვების მედიკამენტებით უზრუნველყოფის, სინდისის პატიმართა შეწყალებისა და სამკურნალო პრეპარატების ხელმისაწვდომობის საკითხებს.
კვირა, 17 მაისს, მოსკოვის რეგიონი ბოლო ერთი წლის განმავლობაში ყველაზე მასშტაბური უკრაინული დრონ-შეტევის ქვეშ მოექცა. დედაქალაქში და პოდმოსკოვიეში 3 ადამიანი დაიღუპა, 17 დაშავდა; ნავთობგადამამუშავებელ ქარხანასა და სარკინიგზო ინფრასტრუქტურას ზიანი მიადგა.
ოკლაჰომა სითი თანდერის უკანახაზელმა კანადელმა შაი გილჯეს-ალექსანდერმა NBA-ის 2025/2026 სეზონის Most Valuable Player-ის ჯილდო მეორედ მოიპოვა. ის ისტორიაში მე-14 კალათბურთელი გახდა, ვინც ეს ჯილდო ორჯერ ან მეტჯერ მოუგებია.
ჰომოფობიასთან, ბიფობიასა და ტრანსფობიასთან ბრძოლის საერთაშორისო დღეს, 17 მაისს, Tbilisi Pride-მა განცხადება გაავრცელა. ორგანიზაცია წერს, რომ ბოლო წლებში „ქართული ოცნების” ხელისუფლება ქვიარ ადამიანების საჯარო სივრცეებიდან განდევნას ცდილობდა, მაგრამ ისინი სასოწარკვეთაზე უარს ამბობენ.
საქართველოს სუპერლიგის ნახევარფინალური სერიები დასრულდა. ფინალში ერთმანეთს თსუ და „ბათუმი” შეხვდებიან — სტუდენტური გუნდი ზედიზედ მე-3-ედ გავიდა ფინალში, ბათუმელებისთვის კი ეს ისტორიაში პირველი ფინალია. ფინალური სერია 21 მაისს დაიწყება.
30-31 მაისს ავსტრიის გრაცში ახალგაზრდა ძიუდოისტთა ევროპის თასი გაიმართება. საქართველო ტურნირზე 50-კაციანი შემადგენლობით გამოვა — 42 ვაჟი და 8 გოგონა. სხვადასხვა წონით კატეგორიაში ქვეყნის ათლეტები ჩვენ ქვემოთ ჩამოთვლილი სიით წარდგებიან.
ამერიკის პრეზიდენტმა დონალდ ტრამპმა Truth Social-ზე ირანი გააფრთხილა — „დრო იწურება.” ვაშინგტონი და თეირანი სამშვიდობო მოლაპარაკებებში ჩიხში შევიდნენ: ირანმა ჰორმუზის სრუტე გადაკეტა, ვაშინგტონმა კი ბლოკადა გამოუცხადა ირანის ნავსადგურებს. ირანული მედიის ცნობით, ბოლო ამერიკულ პასუხში კონკრეტულ დათმობებზე სვლა არ ყოფილა.
არაბთა გაერთიანებული საამიროების თავდაცვის სამინისტრომ დაადასტურა, რომ ქვეყნის დასავლეთ საზღვრიდან სამი დრონი გაისროლეს — ორი ჩაჭრეს. ბარაქაჰის ატომური ელექტროსადგურის გარე გენერატორს მოხვდა, ხანძარი ჩაქრა, დაშავებული არ ყოფილა. ბირთვული რეგულატორი ადასტურებს, რომ სადგურის ყველა ბლოკი ნორმალურ რეჟიმში მუშაობს.
ჯანდაცვის მსოფლიო ორგანიზაციამ კონგოს დემოკრატიულ რესპუბლიკაში ებოლას ახალი შტამის — ბუნდიბუგიოს — გავრცელება საერთაშორისო მნიშვნელობის საზოგადოებრივი ჯანმრთელობის საგანგებო მდგომარეობად გამოაცხადა. შაბათის მდგომარეობით, 80 გარდაცვლილი, 8 ლაბორატორიულად დადასტურებული და 246 საეჭვო შემთხვევა ფიქსირდება. ვირუსის ამ შტამის წინააღმდეგ დამტკიცებული ვაქცინა ან მკურნალობა დღემდე არ არსებობს.