მესამე პრეზიდენტი მიხეილ სააკაშვილი დღეს სასამართლო სხდომაზე განაცხადა, რომ საქართველოში დაბრუნება „ღალატს” ემყარებოდა — მისი გარემოცვიდან ვინმე მის კოორდინატებს ხელისუფლებას გადასცემდა. სააკაშვილმა ოპოზიციას „დროშის გარშემო გაერთიანებისკენ” მოუწოდა და 26 მაისის აქცია მხარდაჭერით შეაფასა.
ერთიანი ნაციონალური მოძრაობის ერთ-ერთ ლიდერს, ლევან ხაბეიშვილს, მოსამართლე ირაკლი ხუსკივაძემ 2 წლით და 6 თვით თავისუფლების აღკვეთა მიუსაჯა. სასამართლომ ქრთამის მიცემის ბრალდება საბოტაჟის მუხლად გადაუკვალიფიცირა, ხოლო იმავე საქმეზე მოქმედ სხვა ბრალდებულებს 7-7 წლიანი პატიმრობა შეეფარდა.
21 მაისს ღამის საათებში უკრაინულმა ძალებმა რუსეთის სამარის ოლქში სიზრანის ნავთობგადამამუშავებელ ქარხანას — „როსნეფტის” ობიექტს — დაარტყეს. სამარის გუბერნატორის ცნობით, დრონების თავდასხმისას ორი ადამიანი დაიღუპა. ეს კვირა-ში მესამე შემთხვევაა, როდესაც უკრაინა რუსეთის ნავთობინფრასტრუქტურას ესხმის.
საქართველო უკვე მეოთხეჯერ მასპინძლობს „ტროას ნაკვალევს” — ევროპაში მიმდინარე ყველაზე მასშტაბურ სამხედრო სწავლებას, რომელსაც აშშ-ის სპეციალური ოპერაციების ძალები ხელმძღვანელობს. 2026 წლის სწავლებაში მონაწილეობს დაახლოებით 1 000 ამერიკელი სამხედრო მოსამსახურე და ნატო-ს მოკავშირე ქვეყნებიდან კიდევ 2 000 სამხედრო.
შინაგან საქმეთა სამინისტრომ განაცხადა, რომ 1 ივნისიდან ამოქმედდება „სისტემური მონიტორინგის” ახალი სამმართველო, რომელიც საჯარო სივრცეში სიძულვილის ენას, შეურაცხმყოფელ კამპანიებსა და სოციალური ქსელების პოსტებს გააკონტროლებს. უფლებადამცველები ამ ნაბიჯს „ცენზურის მექანიზმს” უწოდებენ. ვინ ჩაითვლება დამრღვევად — განმარტავს შსს-ს დარახველიძე.
ივანიშვილის კარის ფილოსოფოსი ზაზა შათირიშვილი სამთავრობო მედიაში მორიგ წერილს აქვეყნებს, სადაც დონალდ ტრამპსაც „დიფ სთეითის” მორჩილ ფიგურად მოიხსენიებს. შათირიშვილი საქართველოს ხელისუფლებასაც აკრიტიკებს — ევროკავშირის კრიტიკის პარალელურად, ამერიკაზე რატომ ჩუმობსო. მისივე თქმით, „დიფ სთეითის” რებრენდინგის პროცესი ახლა „ლოგიკურ დასასრულს უახლოვდება.”
სევასტოპოლის ერთ-ერთ სკოლაში „ბოლო ზარის” ღონისძიებაზე სელფის გადაღებისას მე-2 სართულის აივანი ჩამოინგრა. 9 მოზარდი სიმაღლიდან გადმოვარდა; ყველა დაშავდა, ერთ-ერთი გოგონა კრიტიკულ მდგომარეობაშია. სკოლაზე ახლახანს ჩატარდა სარეაბილიტაციო სამუშაოები.
თურქეთის ერთ-ერთი ყველაზე პოპულარული მსახიობი სერენაი სარიქაია სტამბოლში ჩატარებული სპეცოპერაციის ფარგლებში დააკავეს. ნარკოტიკებთან დაკავშირებულ საქმეში 25 ადამიანია ბრალდებული, მათ შორის — სახელგანთქმული მომღერლები და მსახიობები.
უკრაინული მედიის ცნობით, კიევში დააკავეს 24 წლის ქართველი მოქალაქე, რომელსაც სხვისი ქონების განზრახ დაზიანება — კერძოდ, უკრაინის შეიარაღებული ძალების ავტომობილების დაწვა — ედება ბრალად. დადგინდა, რომ მარტის დასაწყისში სამუშაოს საძიებლად მივლინებული ეჭვმიტანილი Telegram-ის გავლით დაუკავშირდა კურატორებს. მის ტელეფონში აღმოჩნდა რუსეთის სპეცსამსახურებთან მიმოწერის მტკიცებულებები.
ქუთაისში ჩხუბის დროს ადრე ნასამართლევმა პირმა კაცს ცივი იარაღით გულმკერდის არეში დაზიანება მიაყენა და გაიქცა. დაჭრილი კლინიკაში გადაიყვანეს, ეჭვმიტანილი კი პოლიციამ ცხელ კვალზე დააკავა. გამოძიება განზრახ მკვლელობის მცდელობის — 19-108-ე მუხლის — ბრალდებით მიმდინარეობს.