თბილისის „დინამომ“ კონფერენსლიგის პირველ საკვალიფიკაციო ეტაპზე ლუქსემბურგის „მონდორფი“ მინიმალური ანგარიშით 2:1 დაამარცხა. თემურ ქეცბაიას გუნდმა პირველ ტაიმში ორი გოლის უპირატესობა მოიპოვა, თუმცა მეორე ტაიმში მასპინძლებმა ერთი ბურთი შეაგდეს და სხვაობა შეამცირეს. საპასუხო მატჩი 16 ივლისს გაიმართება.
წყაროების ცნობით, მალიში თავს დაესხნენ სამხედრო კოლონას, რომელსაც რუსი მებრძოლები გადაჰყავდა. თავდასხმა მოხდა ქალაქ ანეფისისკენ მიმავალ გზაზე. პასუხისმგებლობა ერთ-ერთმა მეამბოხე დაჯგუფებამ აიღო.
გერმანული გამოცემა BILD-ის ინფორმაციით, იურგენ კლოპი გერმანიის ნაკრების ახალი მწვრთნელი გახდება და მხარეები შეთანხმებასთან ძალიან ახლოს არიან. გავრცელებული ცნობით, კონტრაქტი 2030 წლის მუნდიალის ჩათვლით გაფორმდება და კლოპი წელიწადში 7 მილიონ ევროს გამოიმუშავებს.
თბილისის მერიის ტრანსპორტისა და ურბანული განვითარების სააგენტოს ინფორმაციით, ომარ შეშელიძისა და ჯორჯ ბალანჩინის ქუჩებზე, მინდელის ხიდსა და მეტროსადგურ „სარაჯიშვილის“ მიმდებარედ საავტობუსო ზოლი მოეწყო. ეს ცვლილება საზოგადოებრივი ტრანსპორტის შეუფერხებელ გადაადგილებასა და საგზაო უსაფრთხოების დაცვას ემსახურება.
ლეგენდარულმა იკერ კასილასმა ფეხბურთში წესების შეცვლის იდეა წამოაყენა. მან სოციალურ ქსელში დაწერა, რომ მატჩი ოთხ 25-წუთიან პერიოდად უნდა დაიყოს, რადგან წყლის შესვენებები უკვე ჩვეულებრივ მოვლენად იქცა. წლევანდელ მუნდიალზე თითოეული ტაიმის შუაში სამწუთიანი წყლის სავალდებულო შესვენებები დაინერგა, თუმცა FIFA-მ უკვე განაცხადა, რომ ეს პრაქტიკა ევრო 2028-ზე აღარ იქნება გამოყენებული.
საქართველოს რაგბის ნაკრების სამწვრთნელო შტაბმა მსოფლიო რაგბის ერთა თასზე სამოასთან გასამართი შეხვედრისთვის შემადგენლობა დაასახელა. ურუგვაისთან გამარჯვების შემდეგ, გუნდი ჩილეში გადაინაცვლა, სადაც 11 ივლისს სამოას შეერკინება. შემადგენლობაში რამდენიმე ცვლილება განხორციელდა, მათ შორის დავით ნინიაშვილი ფულბეკის პოზიციაზე გადაინაცვლებს.
22 წლის ნიკო კვარაცხელიას მკვლელობის ორგანიზებაში ბრალდებულ ძმებს, დავით და გურამ კაკულიებს ფსიქიატრიულ-ფსიქოლოგიური ექსპერტიზა დაენიშნათ. ექსპერტიზა ლევან სამხარაულის სახელობის ბიუროში ჩატარდება. საქმეზე წინასასამართლო სხდომა აგვისტოშია დაგეგმილი.
ქართველმა ჩოგბურთელმა ეკატერინე გორგოძემ გერმანიაში მიმდინარე საერთაშორისო ტურნირის მეოთხედფინალში გასვლა შეძლო. მან მერვედფინალში გერმანელი ვალენტინა შტაინერი დაამარცხა. წყვილთა ტურნირში კი საბა ფურცელაძე და მისი გერმანელი პარტნიორი დამარცხდნენ.
მიხეილ სააკაშვილი „ნაციონალურ მოძრაობას“ მოუწოდებს, შეიქმნას „რეფორმატორთა საბჭო“, რომელსაც თავად უხელმძღვანელებს, ხოლო ნანუკა ჟორჟოლიანი მის აღმასრულებელ მდივნად მოიაზრება. ეს იქნება საზოგადოებრივი პლატფორმა, რომელიც პარტიის წევრების გარდა, სხვა აქტიურ მოქალაქეებსაც გააერთიანებს.
ქართველმა ჩოგბურთელმა ეკატერინე გორგოძემ გერმანიაში მიმდინარე საერთაშორისო ტურნირის მეოთხედფინალში გასვლა შეძლო. მან ჯერ სლოვაკ მია პოჰანკოვას, შემდეგ კი გერმანელ ვალენტინა შტაინერს სძლია. მეოთხედფინალში მისი მეტოქე არგენტინელი ხულია რიერა იქნება. ასევე, ბელგიაში წყვილთა ტურნირზე საბა ფურცელაძე და ნიკლას შელი მეოთხედფინალში დამარცხდნენ.