მომღერალი და გადაცემა „უცნობის კიდობანის“ წამყვანი, გია გაჩეჩილაძე, ტელეკომპანია „მაესტროს“ 80%-იანი წილის მფლობელი გახდა. ინფორმაციას „მედიაჩეკერი“ ავრცელებს. საჯარო რეესტრის მონაცემებით, გაჩეჩილაძემ „მედია ფაინენს გრუპ ბი.ვი“-ისგან 25%-იანი წილი უსასყიდლოდ მიიღო, მანამდე კი „სტუდია მაესტროს“ 55%-იან წილს ფლობდა.
მსოფლიო ჩემპიონატის 1/16-ფინალში ესპანეთმა ავსტრიას 3:0 სძლია და ზედიზედ მესამედ გავიდა მერედფინალში. „ფურია როხა“ უდიდეს უპირატესობას ფლობდა, ბევრი მომენტი ვერ გამოიყენა, კუკურელიას გოლი კუბარსის მეკარე შლაგერზე უხეშობის გამო არ ჩაითვალა, თუმცა ოიარსაბალმა მაინც გაიტანა და პირველი ტაიმი 1:0 დასრულდა. შესვენების შემდეგ მეტოქის კარი პორომ დალაშქრა, ოიარსაბალმა დუბლი შეასრულა და დე ლა ფუენტეს გუნდმა დამაჯერებელი გამარჯვება მოიპოვა.
5 ივლისს საქართველოს ბანკის ლოიალობის პროგრამა PLUS და Galleria Tbilisi მომხმარებლებისთვის განსაკუთრებულ შეთავაზებას აანონსებენ. ამ დღეს სავაჭრო ცენტრში PLUS ქულებით გადახდისას 50%-იანი ფასდაკლება იმოქმედებს. შეთავაზება ვრცელდება მრავალ პოპულარულ ბრენდზე.
მსოფლიო ჩემპიონატის 1/16-ფინალში შვეიცარიამ ალჟირი 2:0 დაამარცხა და 1/8 ფინალში გავიდა. შეხვედრაში ანგარიში მე-10 წუთზე ბრილ ემბოლომ გახსნა, ხოლო 46-ე წუთზე დან ნდოიემ სხვაობა ორ ბურთამდე გაზარდა. მიუხედავად იმისა, რომ დარჩენილ დროში ალჟირი მთელი ძალით უტევდა, მეტოქის კარში ზუსტი დარტყმაც კი არ ჰქონია.
ევროკავშირის საბჭომ სანქციები დაუწესა ექვს პირს, რომლებიც მონაწილეობდნენ ალექსეი ნავალნის სიკვდილის გამომწვევი შხამის შემუშავებაში. ეს ადამიანები, რომელთა უმეტესობა მეცნიერი და მკვლევარია, მონაწილეობდნენ ქიმიური იარაღის, კერძოდ, ეპიბატიდინის შემუშავებაში. სანქციები ითვალისწინებს აქტივების გაყინვას და ევროკავშირში მოგზაურობის აკრძალვას.
საქართველოს სტატისტიკის ეროვნული სამსახურის (საქსტატი) წინასწარი მონაცემებით, 2026 წლის მაისში, წინა წლის ანალოგიურ პერიოდთან შედარებით, ქვეყნის რეალური მთლიანი შიდა პროდუქტი (მშპ) 6.4%-ით გაიზარდა. 2026 წლის პირველი ხუთი თვის საშუალო მაჩვენებელი კი 7.8%-ით განისაზღვრა. ზრდას ძირითადად საფინანსო და სადაზღვევო საქმიანობები, ინფორმაცია და კომუნიკაცია, დამამუშავებელი მრეწველობა, ტრანსპორტი და დასაწყობება უზრუნველყოფდნენ, თუმცა მშენებლობის სექტორში კლება დაფიქსირდა.
ძალადობის შედეგად გარდაცვლილი მასწავლებლის, გიგა ავალიანის საქმეზე დაკავებული არასრულწლოვანის მამამ, შინაგან საქმეთა მინისტრის ყოფილმა მოადგილემ, მერაბ მალანიამ განაცხადა, რომ არ ეთანხმება თავისი შვილისთვის წარდგენილ ბრალს და პროცესს უსამართლობას უწოდებს. მისი თქმით, საქმე რეზონანსულია და ისინი სამართლებრივ ბრძოლას გააგრძელებენ. გიგა ავალიანის დედამ, ეკა კუპატაძემ კი სოციალურ ქსელში დაწერა, რომ პროკურატურამ სწორი გადაწყვეტილება მიიღო და ბრალი დაუმძიმა.
ლუკა ლოჩოშვილი კარიერას გერმანულ კლუბ „კიოლნში“ გააგრძელებს, სადაც 2029 წლის ივლისამდე ითამაშებს. ლოჩოშვილი „კიოლნის“ ისტორიაში მესამე ქართველი ფეხბურთელი გახდება რევაზ და არჩილ არველაძეების შემდეგ. მანამდე კი, 28 წლის მცველს ტოპლიგაში ასპარეზობის გამოცდილება იტალიურ „კრემონეზეში“ აქვს დაგროვილი.
მოლდოვის პრემიერმინისტრმა ალექსანდრუ მუნტეანუმ თანამდებობის დატოვების გადაწყვეტილება მიიღო, რაც ასევე მთავრობის გადადგომას იწვევს. მუნტეანუმ, რომელიც ქვეყნის პრემიერი 2025 წლის ნოემბრიდან იყო, გადაწყვეტილების მიღების მიზეზი სრულად არ განუმარტავს. მან X-ზე დაწერა, რომ მისი პრემიერმინისტრობის ვადა დასრულდა და გადადგომა იმავე მომენტში გადაწყვიტა, როცა გააცნობიერა, რომ მისი პრინციპებისა და რწმენის შესაბამისად მისი მანდატის შესრულება აღარ შეეძლო.
უიმბლდონის ტურნირზე მარიამ ბოლქვაძე მეორე წრის შეხვედრას გამართავს. მისი მეტოქე ამერიკელი ეშლინ კრიუგერი იქნება, რომელიც რეიტინგში 102-ე ადგილზეა. ბოლქვაძემ ტურნირზე ასპარეზობა საკვალიფიკაციო ეტაპიდან დაიწყო და ზედიზედ 9 შეხვედრა მოიგო.