გიორგი ჩაკვეტაძე ოფიციალურად შეუერთდა იტალიურ "უდინეზეს" და კლუბთან 2030 წლამდე გააფორმა კონტრაქტი. ქართველი ნახევარმცველი "უოტფორდიდან" გადავიდა, სადაც მან სამი სეზონი გაატარა. "უდინეზეში" მიიჩნევენ, რომ ჩაკვეტაძე დინამიური და უნივერსალი ფეხბურთელია, რომელიც გუნდს გააძლიერებს.
1 სექტემბრიდან საქართველოში ავტომობილების ხმაურის დონეს სპეციალური აპარატებით შეამოწმებენ. შინაგან საქმეთა სამინისტროს უფლებამოსილი დანაყოფები საერთაშორისო სტანდარტებთან შესაბამისობაში მყოფი მოწყობილობებით განახორციელებენ შემოწმებას. დარღვევის შემთხვევაში გათვალისწინებულია ჯარიმები, რომელიც 100 ლარიდან დაიწყება და განმეორებით ჩადენის შემთხვევაში გაიზრდება.
საქართველოს სტატისტიკის ეროვნული სამსახურის (საქსტატი) მონაცემებით, 2026 წლის ივნისში წლიური ინფლაცია 5.8% იყო, ხოლო სამომხმარებლო ფასები წინა თვესთან შედარებით 0.1%-ით გაიზარდა. წლიური ინფლაციის ზრდაზე ძირითადად გავლენა იქონია ტრანსპორტის, სასტუმროების, კაფეებისა და რესტორნების, სხვადასხვა საქონლისა და მომსახურების, საცხოვრებლის, წყლის, ელექტროენერგიისა და აირის, სურსათისა და უალკოჰოლო სასმელების, ჯანმრთელობის დაცვის ფასების ზრდამ. კავშირგაბმულობის ფასები კი შემცირდა.
რონალდ კუმანმა ნიდერლანდების ნაკრების მთავარი მწვრთნელის პოსტი დატოვა. გუნდი მსოფლიო ჩემპიონატის 1/16 ფინალში მაროკოსთან დამარცხდა. კუმანის შემცვლელად ყველაზე სავარაუდო კანდიდატად არნე სლოტი განიხილება.
რონალდ კუმანმა ნიდერლანდების ნაკრების მთავარი მწვრთნელის პოსტი დატოვა. გუნდი მსოფლიო ჩემპიონატის 1/16 ფინალში მაროკოსთან დამარცხდა. კუმანის შემცვლელად ყველაზე დიდ შანსს ბუკმეიკერები არნე სლოტს აძლევენ.
2026 წლის მსოფლიო ჩემპიონატის მერვედფინალში ნორვეგიის ნაკრებმა ერლინგ ჰოლანის დუბლით ბრაზილიას 2:1 სძლია. "სიტის" 25 წლის ფორვარდისთვის ეს მუნდიალი სადებიუტოა და მან უკვე 7 გოლი გაიტანა, რითიც 1974 წელს პოლონელი გრეგორჟ ლატოს დამყარებული რეკორდი გაიმეორა. თუ ჰოლანი ამ მსოფლიო ჩემპიონატზე მეტოქის კარს მინიმუმ ერთხელ კიდევ აიღებს, ის სადებიუტო მუნდიალზე ყველაზე მეტი გოლი გამტანი ფეხბურთელი გახდება.
24 წლის ქართველმა მცველმა საბა საზონოვმა, რომელსაც "ტორინოსთან" კონტრაქტი ამოეწურა, სოციალურ ქსელში გულშემატკივრებს დაემშვიდობა. მის პოსტში ერთმა მონაკვეთმა დიდი ხმაური გამოიწვია, სადაც ის აშკარად მიანიშნებს, რომ პრობლემის მიზეზი გუნდის ხელმძღვანელობა ან სამწვრთნელო შტაბია.
გარემოს ეროვნული სააგენტოს ინფორმაციით, 6 ივლისის დღის ბოლოდან 9 ივლისის დღის პირველ ნახევრამდე აღმოსავლეთ საქართველოში წვიმაა მოსალოდნელი, რომელიც ზოგან ძლიერი, ხოლო კახეთის რეგიონში ძალიან ძლიერი იქნება. შესაძლოა ელჭექი, სეტყვა და ქარის გაძლიერებაც. მოსალოდნელმა ძლიერმა ნალექებმა შესაძლოა მდინარეებზე წყლის დონეების მატება და მეწყრულ-ღვარცოფული პროცესების გააქტიურება გამოიწვიოს.
სომხეთის პრემიერ-მინისტრი ნიკოლ ფაშინიანი სამუშაო ვიზიტით რუსეთში ჩავიდა. ეს მისი პირველი ვიზიტია მას შემდეგ, რაც მისმა პარტიამ ივნისის საპარლამენტო არჩევნებში პრორუსული ძალები დაამარცხა და ხელისუფლება შეინარჩუნა. ფაშინიანი მონაწილეობას მიიღებს საერთაშორისო სამრეწველო გამოფენაში და შეხვდება რუსეთის პრემიერ-მინისტრ მიხაილ მიშუსტინს.
„ბრაიტონისა“ და ნიდერლანდების ნაკრების მეკარე, ბარტ ვერბრიუგენი, შესაძლოა, ევროპულ გრანდში გადავიდეს. მისით „პარი სენ-ჟერმენი“, „ბაიერნი“, „ჩელსი“, „არსენალი“ და მილანის „ინტერი“ ინტერესდებიან. ვერბრიუგენის სატრანსფერო ღირებულება 40 მილიონი ევროა.