Bloomberg-ის ინფორმაციით, ნატოს წევრი ქვეყნები ახლოს არიან შეთანხმებასთან, გააფართოვონ ცივი ომის დროინდელი სამხედრო საწვავის მილსადენების ქსელი აღმოსავლეთ ევროპასა და თურქეთში. ეს ნაბიჯი ალიანსის აღმოსავლეთ საზღვრებთან პოტენციური სამხედრო ოპერაციების მხარდასაჭერად ინფრასტრუქტურის გაძლიერებას ისახავს მიზნად.
საგარეო საქმეთა ყოფილი მინისტრი თამარ ბერუჩაშვილი დაინიშნა ახლადშექმნილი დიპლომატიის აკადემიის რექტორად. აკადემია, რომელიც სამინისტროს დაქვემდებარებაში იქნება, განახორციელებს პოლიტიკის მეცნიერებებისა და საერთაშორისო ურთიერთობების საბაკალავრო და სამაგისტრო პროგრამებს. სტუდენტების მიღება 2027 წელს დაიწყება.
დღეს, 8 ივლისს, თბილისის "იბერია 1999" ჩემპიონთა ლიგის პირველ საკვალიფიკაციო ეტაპზე ესტონურ "ფლორას" ესტუმრება. ამით ქართული კლუბებისთვის ევროტურნირების 2026/27 წლების სეზონი დაიწყება. მატჩი თბილისის დროით 20:00 საათზე დაიწყება და მისი პირდაპირი რეპორტაჟი "სილქ სპორტ 1-ზე" გაიმართება.
აშშ-ის პრეზიდენტმა დონალდ ტრამპმა ირანელები „ბოროტ, ავადმყოფ ადამიანებად“ შეაფასა და განაცხადა, რომ ისინი „კიბოს“ მსგავსად უნდა მოვიშოროთ. მისი თქმით, აშშ-მ ირანთან ბევრი დრო დაკარგა და აღარ სურს მათთან ურთიერთობა. ტრამპმა ეს განცხადებები მას შემდეგ გააკეთა, რაც აშშ-ის არმიამ ირანზე „ძლიერი დარტყმების სერია“ განახორციელა, რაც ჰორმუზის სრუტეში სავაჭრო გემებზე თავდასხმებს მოჰყვა.
პარიზის მოდის კვირეულზე სოფია როტარუს 25 წლის შვილიშვილი, მოდელი და ინფლუენსერი სოფია ევდოკიმენკო, ქართველი დიზაინერის, ბიჭოლას თანხლებით გამოჩნდა. მან Schiaparelli-ის ექსკლუზიური სამოსი და აქსესუარები წარადგინა, რომლის საერთო ღირებულება 40 ათას ევროს აჭარბებს. ევდოკიმენკო, რომელიც ფსევდონიმით Sofia Eve-ითაა ცნობილი, მოდის სამყაროში აქტიურად მოღვაწეობს და ნიუ-იორკში ცხოვრობს.
უხვი ნალექის გამო თბილისის საერთაშორისო აეროპორტის შენობის ნაწილი დაიტბორა. ელექტროენერგიის მიწოდება შეწყდა და მგზავრებს უსაფრთხოების მიზნით შენობა დაატოვებინეს.
ჩრდილოეთ მაკედონიაში მიმდინარე 20-წლამდელთა ევროპის ჩემპიონატის მეორე დღე ქართველი ბერძნულ-რომაული სტილით მოჭიდავეებისთვის პირველზე გაცილებით წარმატებული გამოდგა. სამი ქართველი სპორტსმენი აგრძელებს მედლისთვის ბრძოლას: ერთი ოქროს, ორი კი ბრინჯაოს მედლისთვის იბრძვის.
აფხაზეთის საოკუპაციო რეჟიმმა „საერთაშორისო აღიარების“ მორიგი მცდელობა განახორციელა. ხელი მოეწერა შეთანხმებას „დაძმობილებული კავშირების“ დამყარების შესახებ ოკუპირებულ სოხუმსა და განის რესპუბლიკის სოჰუმის მუნიციპალური ოლქის ქალაქ სოჰუმს შორის. განის დელეგაცია აფხაზეთში საკუთარი ქვეყნის ეკონომიკური, საინვესტიციო და აგრარული პოტენციალის წარსადგენად ჩავიდა.
კიევთან ახლოს იპოვეს ქალის ცხედარი, რომელიც მონაკოში ბიზნესმენზე თავდასხმაში იყო ეჭვმიტანილი. წყაროების ცნობით, ანასტასია ბერეზოვსკაიას ცხედარი 6 ივლისს აღმოაჩინეს და ის ცეცხლსასროლი იარაღით არის მოკლული. მკვლელობის საქმეზე უკვე დაკავებულია ორი ეჭვმიტანილი.
უიმბლდონის ტურნირზე ლეგენდარული ჩოგბურთელი როჯერ ფედერერი განსაკუთრებული სტუმარი იყო. მან საკუთარი ქმედებით გულშემატკივრები აღაფრთოვანა, როდესაც ტურნირის დასრულების შემდეგაც კი ცენტრალურ კორტს უყურებდა. ფედერერი რვაგზის უიმბლდონის ჩემპიონია.