გორელი „დილა” დიეგო ლონგოს შემცვლელ მთავარ მწვრთნელზე მოლაპარაკებებს აწარმოებს. „ლელოს” ინფორმაციით, გია გეგუჩაძე მაღალი ალბათობით გამოირიცხა, უცხოელი სპეციალისტის მოძიებაც ვერ მოხერხდა. ახლა კლუბი ლევან კორღალიძის ვარიანტს მიუბრუნდა.”
ევროკავშირმა სანქციები შემოიღო 16 ფიზიკური და 7 იურიდიული პირის, მათ შორის ბანაკ ორლიონოკისა და ნახიმოვის სამხედრო-საზღვაო სასწავლებლის წინააღმდეგ — ისინი ბრალდებულნი არიან 20 500-ზე მეტი უკრაინელი ბავშვის უკანონო დეპორტაციასა და პრორუსულ ინდოქტრინაციაში. რუსეთი ბრალდებებს უარყოფს.
არჩევიდან პირველსავე საათებში ახლადგამორჩეული პატრიარქი შიო III „სამებიდან” სიონის საპატრიარქო ტაძარში გადაბრძანდა. მან გარდაცვლილი კათოლიკოს-პატრიარქი ილია II-ის სულის მოსახსენიებელი პანაშვიდი გადაიხადა. კათოლიკოს-პატრიარქს წმინდა სინოდის წევრი მღვდელმთავრები და სასულიერო პირები ახლდნენ.”
საქართველოს 19-წლამდელთა ნაკრების მთავარი მწვრთნელი ზურაბ ხიზანიშვილი ამბობს, რომ ლუის ენრიკემ ხვიჩა კვარაცხელია ჯერ კიდევ 2021 წელს, მსოფლიო ჩემპიონატის საკვალიფიკაციო ეტაპზე, ესპანეთთან (0:2) მატჩში შეამჩნია. ენრიკე გასახდელის შესასვლელთან ვილი სანიოლს ეკითხებოდა, „ჩვენი შვიდი ნომერი ვინ არისო”.”
ცნობილი ტრანსფერ-ინსაიდერი რუდი გალეტი წერს, რომ თბილისის „დინამოს” 22-წლის ცენტრალური მცველი ნიკოლოზ უგრეხელიძე პოლონური და უნგრული კლუბების ყურადღებას იპყრობს. გალეტი ახალგაზრდა ფეხბურთელს მარცხენა ფეხიანად, ფიზიკურად ძლიერ და ბურთთან მოაზროვნე მოთამაშედ ახასიათებს.”
სამების საკათედრო ტაძარში 11 მაისს გაიხსნება საქართველოს მართლმადიდებელი ეკლესიის გაფართოებული კრება, სადაც ახალ, 142-ე კათოლიკოს-პატრიარქს აირჩევენ. სამი კანდიდატიდან — მიტროპოლიტები შიო მუჯირი, იობი და გრიგოლი — გამარჯვებულად ჩაითვლება ის, ვინც ხმების ნახევარს გადასცდება. კენჭისყრა ეთერში გადაიცემა, ბიულეტენების დათვლა კი — დახურულად.
უკრაინამ განაცხადა, რომ რუსეთს ტყვეთა მომდევნო გაცვლისთვის 1000-კაციანი სია წარუდგინა. სია შედგენილია ტყვეობაში ყოფნის ვადის მიხედვით. ტრამპმა 8 მაისს გამოაცხადა, რომ ორივე მხარე 1000-1000 ტყვის გაცვლაზე შეთანხმდა.
ბათუმის საქალაქო სასამართლოს მოსამართლე ალექსანდრე გოგუაძემ კანონიერად ცნო „ბათუმელებისა” და „ნეტგაზეთის” დამფუძნებლის, სახაროვის პრემიის ლაურეატის მზია ამაღლობელის, 2025 წლის 11 იანვრის ადმინისტრაციული დაკავება. სარჩელი, რომელიც ამ დაკავებასთან მიმართებით შეიტანა ამაღლობელის მხარემ, სასამართლომ არ დააკმაყოფილა. სხდომათა დარბაზში ხმაური და შეძახილები ისმოდა.”
საქართველოს პარლამენტის თავმჯდომარე შალვა პაპუაშვილი სლოვაკეთის კოლეგას, რიხარდ რაშს, შეხვდა. მხარეებმა საპარლამენტო კავშირების გაღრმავება, ვაჭრობა, ტურიზმი და საქართველო-ევროკავშირის ურთიერთობები განიხილეს. სლოვაკეთი მხარს უჭერს საქართველოს ევროპულ ინტეგრაციას.
ისრაელის პრემიერ-მინისტრი ბენიამინ ნეთანიაჰუ CBS News-ს ეუბნება, რომ ისრაელმა ათწლეულის განმავლობაში ამერიკის სამხედრო დახმარება „ნულამდე” უნდა შეამციროს. ის ამბობს, რომ ახლა სწორი დროა ფინანსური ურთიერთობის გადასინჯვისთვის, და ამ ინიციატივის განხორციელებას ეხლავე გეგმავს.”