სახელმწიფო უსაფრთხოების სამსახურმა 30 მაისს ჯაშუშობის ბრალდებით ორი პირი დააკავა: „ევრაზიის ინსტიტუტის” დირექტორი გულბაათ რცხილაძე და ჟურნალისტი ირაკლი ჩიხლაძე. ორივეს სისხლის სამართლის საქმე 8-დან 12 წლამდე პატიმრობით დასჯადი მუხლით აღძრულია.
BBC Verify-მ და GeoConfirmed-მა ათეული ვიდეო დაადასტურა: უკრაინულმა დრონებმა ტაგანროგ-მარიუპოლ-მელიტოპოლ-ჯანკოის ტრასაზე ასობით რუსული სამხედრო სატვირთო მანქანა გაანადგურა. ანალიტიკოსები ამბობენ, რომ ეს ოპერაცია რუსეთის ლოგისტიკას სერიოზულ ზიანს აყენებს.
თურქული GZT-ის ინფორმაციით, „ლივერპულის” მეკარე გიორგი მამარდაშვილი „ფენერბაჰჩეში” გადადის ხანგრძლივვადიანი იჯარით, გამოსყიდვის უფლებით. კლუბი ედერსონის ჩანაცვლებას გეგმავს.
ლეგენდარული ქართველი ფეხბურთელი გიორგი ქინქლაძე lelo.ge-ს კორესპონდენტს ბუდაპეშტში, ჩემპიონთა ლიგის ფინალამდე, ესაუბრა. მისი შეფასებით, „არსენალის” დაცვა ნელია „პსჟ”-ის სწრაფი შემტევებისთვის. ქინქლაძის თქმით, ხვიჩა კვარაცხელია სწორედ ის ფაქტორია, რომელიც ფინალში გადამწყვეტ როლს ითამაშებს.
სინგაპურის „შანგრი-ლა-ს დიალოგზე” აშშ-ის თავდაცვის მინისტრმა პიტ ჰეგსეთმა ნატოელ მოკავშირეებს შეახსენა, რომ „თავაზიანი თხოვნები” შედეგებს მოჰყვება. ევროპამ 2025 წელს თავდაცვის ხარჯები 19,6 პროცენტით გაზარდა, მაგრამ ჰეგსეთი კმაყოფილი არ არის.
დინამო თბილისმა ეროვნულ ლიგაში მეშახტე 6:1 დაამარცხა. 67-ე წუთზე შესული ახალგაზრდა თორნიკე კვარაცხელია სადებიუტო მატჩში პენალტი ვერ გამოიყენა — მეკარე ტყეშელაშვილმა სასჯელი მოიგერია.
დელავერის უნივერსიტეტის კვლევამ აჩვენა, რომ ყოველდღიური ორი ჭიქა ალუბლის წვენი „ცუდ” ქოლესტერინს 11%-ით ამცირებს, ანთების მარკერს კი — 25%-ით. კვლევა Daily Express-ში გამოქვეყნდა.
ცნობილი ჟურნალისტი დევიდ ორნშტეინის ინფორმაციით, ლეგენდარული პორტუგალიელი მწვრთნელი ჟოზე მოურინიო „რეალ მადრიდს” უბრუნდება — გასულ კვირაში სამ წლიანი კონტრაქტი გაა-ფორმა. ოფიციალური დადასტურება ჯერ არ გაჟღერებულა. მოურინიო კლუბს 2010–2013 წლებში ხელმძღვანელობდა.
კანადისა და უკრაინის თავდაცვის სამინისტროებმა ხელი მოაწერეს შეთანხმებას: კანადური კომპანია Sentinel-ი უკრაინულ Airlogix-თან ერთად უკრაინის შეიარაღებული ძალებისთვის დრონებს კანადის ტერიტორიაზე დამზადებს.
23 წლის ინდოელი სტუდენტი დჰვანიტ რაჯდიპი, რომელსაც თბილისში ახლო ორი კვირა ეძებდნენ, გარდაცვლილი იპოვეს — ცხედარი მტკვარში ამოიყვანეს. გამოძიება 115-ე მუხლით მიმდინარეობს. ბინის გამქირავებელმა ანილმა სტუდენტი ოთახში გამოკეტა, ტელეფონი ჩამოართვა და 6 500 დოლარი გამოსძალა.