შვედურ გეტებორგში დასასრულს მიუახლოვდა 16-წლამდელ ხელბურთელ გოგონათა კვირეული - ევროპის ღია პირველობა. საქართველოს ნაკრებმა, რომელმაც ჯგუფურ ეტაპზე ყველა შეხვედრა წააგო, ბოლო მატჩში ისლანდიასთან ფრე ითამაშა და ტურნირზე პირველი ქულა მოიპოვა. თუმცა, ჩეხეთთან დამარცხდა.
41 წლის ნახევარმცველ სანტი კასორლამ კარიერა დაასრულა მას შემდეგ, რაც მისი კონტრაქტი „ოვიედოსთან“ ამოიწურა. კასორლა „ოვიედოს“ აღზრდილია და პროფესიული კარიერა „ვილიარეალში“ დაიწყო. მან „არსენალთან“ ერთად სამჯერ მოიგო ინგლისის თასი და სუპერთასი, ხოლო ესპანეთის ნაკრებთან ერთად ორჯერ გახდა ევროპის ჩემპიონი.
გერმანიის ელჩმა საქართველოში, პიტერ ფიშერმა, რომელიც ამ პოსტზე 2022 წლიდან მსახურობდა, 30 ივნისს მისიის დასრულების შესახებ განაცხადა. ფიშერი ხშირად აკრიტიკებდა საქართველოს ხელისუფლების პოლიტიკას და ამის გამო „ქართული ოცნებისა“ და სახელისუფლებო მედიის კრიტიკის სამიზნე ხდებოდა. მან X-ზე გამოაქვეყნა პოსტი, სადაც დაწერა: „ჩვენი უფლებამოსილების ვადა საქართველოში დასრულდა. მადლობა, ბედნიერად და „Auf Wiedersehen“. ამასთან, პრემიერ-მინისტრმა ირაკლი კობახიძემ ფიშერი დაადანაშაულა საქართველოსა და გერმანიას შორის ურთიერთობების დაზიანებაში.
ბათუმში არასრულწლოვნების ტრეფიკინგის ბრალდებით სამი პირი დააკავეს. დაკავებულებს შორის არიან როგორც საქართველოს, ასევე უცხო ქვეყნის მოქალაქეები. გამოძიებით დგინდება, რომ ბრალდებულებმა მატერიალური სარგებლის მიღების მიზნით, ტრეფიკინგის გეგმა შეიმუშავეს, რომელშიც საკუთარი არასრულწლოვანი შვილები ჩართეს.
მსოფლიო ჩემპიონატის საკვალიფიკაციო ეტაპზე საქართველოს ნაკრები უკრაინასთან 76:95 დამარცხდა. მატჩის განმავლობაში უკრაინელთა მწვრთნელმა ბაგატსკისმა პროვოკაციული ქმედებები ჩაიდინა, რასაც მოჰყვა ქართველი კალათბურთელების გაძევება და გუნდისთვის რთული სიტუაციის შექმნა. საბოლოოდ, უკრაინამ დამაჯერებელი გამარჯვება მოიპოვა.
პროტესტის მონაწილე თამარ ლორთქიფანიძემ, რომელიც პოლიციის მანქანაზე ავიდა, საპროცესო შეთანხმებას მიაღწია და მას ერთწლიანი პატიმრობა მიუსაჯეს. იგი უკვე რვა თვეა წინასწარ პატიმრობაში იმყოფება და საპატიმროს ოთხ თვეში დატოვებს. თავდაპირველად მას „ხულიგნობის“ ბრალდება წაუყენეს, მოგვიანებით კი სისხლის სამართლის კოდექსის 126-ე და 353-ე პრიმა მუხლებით გათვალისწინებული დანაშაულები დაემატა.
"კრისტალ პალასის" ყოფილი თავკაცი ოლივერ გლასნერი "ნოტინგემ ფორესტს" ჩაიბარებს. ფაბრიციო რომანოს ცნობით, მხარეები ყველა დეტალზე შეთანხმდნენ და 51 წლის სპეციალისტი ხელს 3-წლიან კონტრაქტს მოაწერს. "ნოტინგემი" ვიტორ პერეირას გათავისუფლების შესახებ ინფორმაციას მალე გამოაცხადებს და მას კონტრაქტს ვადაზე ადრე შეუწყვეტს.
უიმბლდონის ტურნირზე მარიამ ბოლქვაძე მეორე წრის შეხვედრას ამერიკელ ეშლინ კრიუგერთან გამართავს. კრიუგერი WTA-ს ორი ტურნირის გამარჯვებულია და კარიერაში 3.3 მილიონი დოლარი აქვს გამომუშავებული. ბოლქვაძემ ტურნირზე ასპარეზობა საკვალიფიკაციო ეტაპიდან დაიწყო და ზედიზედ 9 შეხვედრა მოიგო.
სპეციალური პენიტენციური სამსახური პასუხობს აქტივისტ ნანა სანდერის ბრალდებებს, რომ ის მე-9 თვეა ქალთა საპყრობილეში წამებასა და არაადამიანურ პირობებში იმყოფება. უწყება სანდერის განცხადებებს „ცილისმწამებლურს“ უწოდებს და აცხადებს, რომ მსჯავრდებული უზრუნველყოფილია ყველა საჭირო სამედიცინო სერვისით, მათ შორის ვეგანური კვებით.
ფინანსთა სამინისტროს საგამოძიებო სამსახურმა ქრთამის აღების ბრალდებით საბაჟო გამშვები პუნქტ „წითელი ხიდის“ ცვლის უფროსი დააკავა. ბრალდებული მოქალაქეს დაჰპირდა, რომ სავალდებულო დეკლარირების გარეშე 200 000 აშშ დოლარის შემოტანაში დაეხმარებოდა. ამის სანაცვლოდ, მან ქრთამის სახით 8 000 აშშ დოლარი მოითხოვა.