ზურიკო დავითაშვილი, რომელიც საფრანგეთის "სენტ ეტიენში" თამაშობს, ზაფხულში კლუბის შეცვლას გეგმავს. მისით დაინტერესებულია თურქული "ბეშიქთაში", თუმცა პორტუგალიური "სპორტინგიც" აქტიურად განიხილავს მის ტრანსფერს. Central 90-ის ინფორმაციით, "სპორტინგმა" უკვე მიმართა "სენტ ეტიენს" დავითაშვილის ტრანსფერთან დაკავშირებით.
საქართველოს სკოლებში ინგლისური ენის სწავლება პირველი კლასიდან აღარ დაიწყება. განათლების სამინისტროს ინფორმაციით, ინგლისურის სწავლება გაძლიერდება მე-10 კლასში, სადაც გაიზრდება საათობრივი ბადე. ქართულენოვან სკოლებში უცხო ენის შესწავლა მეორე კლასიდან დაიწყება.
ბათუმის "დინამომ" 29 წლის ნახევარმცველი სანდრო ალთუნაშვილი დაიბრუნა, რომელიც ამავე გუნდში თითქმის 3 სეზონის განმავლობაში თამაშობდა. ალთუნაშვილსა და ბათუმელებს შორის კონტრაქტი 2028 წლის ბოლომდე გაფორმდა. ის ბოლოს ირაელის წარმომადგენელ ჰაიფას "ჰაპოელის" ღირსებას იცავდა.
შიდა ქართლში, გორის ჭალის დასახლებაში, სავარაუდოდ დაკარგული პომერანული შპიცი იპოვეს. ცხოველთა მართვის სააგენტო მოუწოდებს პატრონს, 5 დღის ვადაში გამოცხადდეს, წინააღმდეგ შემთხვევაში ძაღლი გაჩუქდება.
24 წლის ფორვარდი ლადო ჩიხრაძე საქართველოს მოქმედი ჩემპიონის, თბილისის "იბერია 1999-ის" ღირსებას დაიცავს. მანამდე ის ტყიბულის "მეშახტეში", წყალტუბოს "სამგურალსა" და ფოთის "კოლხეთი 1913-ში" ასპარეზობდა. ჩიხრაძეს ესპანეთშიც აქვს ნათამაშები "ესტრემადურაში".
ჟენევის საერთაშორისო დისკუსიების 67-ე რაუნდი 2026 წლის 30 ივნისსა და 1 ივლისს გაიმართა. შეხვედრაზე ქართულმა დელეგაციამ რუსეთსა და საოკუპაციო რეჟიმებს შორის გაფორმებული ე.წ. შეთანხმების გამო ღრმა შეშფოთება გამოთქვა და ხაზი გაუსვა საერთაშორისო სამართლის ნორმების დაცვის აუცილებლობას.
ქუთაისის "ტორპედოს" პრეზიდენტი დავით კერესელიძე გუნდის მიმდინარე მდგომარეობას, ტრანსფერებსა და მომავალ ევროთასებს ეხმაურება. იგი სუპერთასის მოგებას მნიშვნელოვან წარმატებად მიიჩნევს, თუმცა დაცვის ხაზში დაშვებულ შეცდომებზეც საუბრობს. კერესელიძე ასევე აკრიტიკებს ეროვნული ლიგის დაბალ დონეს და გუნდის ზედმეტად თავდაჯერებულობას.
ადვოკატი ლაშა ჯანიბეგაშვილი ყვება „მოდუსის“ საქმეზე, სადაც მძიმედ დაშავებულ მუშას იცავდა. მისი თქმით, კომპანიამ მუშას არასამუშაო დღეს, სიცოცხლისთვის საშიშ დანადგარზე ამუშავა, რის შედეგადაც მან ხელი დაკარგა. ადვოკატმა საქმეში უსასყიდლოდ ჩაერთო და კომპანიას სასამართლოში უჩივლა.
გიგა ავალიანის მკვლელობის საქმეზე, დანაშაულის შეუტყობინებლობის ბრალდებით, შინაგან საქმეთა მინისტრის ყოფილი მოადგილის, მერაბ მალანიას ვაჟი, გიორგი მალანია დააკავეს. მოგვიანებით, მას ბრალი დაუმძიმეს და ჯგუფურად ჯანმრთელობის განზრახ მძიმე დაზიანებაში დახმარების ფაქტზე ბრალდება წარუდგინეს, რაც 13 წლამდე თავისუფლების აღკვეთას ითვალისწინებს. გავრცელებული ინფორმაციით, მალანია, რომლის მამაც 2016 წლიდან 2019 წლამდე შინაგან საქმეთა მინისტრის მოადგილის თანამდებობას იკავებდა, არასრულწლოვანია.
გორის „დილა“ ევროთასებისთვის ემზადება და გუნდს ახალი ფეხბურთელები უერთდებიან. კლუბის სპორტულმა დირექტორმა, ზურაბ ხორგუაშვილმა, გუნდის ახალი მთავარი მწვრთნელის, ბერძენი სპეციალისტის, დიამანტის ვავალისის შესახებ ისაუბრა. ასევე, დეტალურად განიხილა გუნდის ახალწვეულები და სამომავლო გეგმები.