საქართველოს ყოფილი პრეზიდენტი სალომე ზურაბიშვილი სოციალური ქსელიდან მწვავედ გამოეხმაურა: „ამ დროს ქართველ მსახიობებს აღარც ადგილი, აღარც სცენა და, ცხადია, აღარც საშუალება ეძლევათ, რომ რუსთაველის თეატრი „დაიქირაონ”! ნუთუ მართლა ყველაფერი იყიდება?”

ზურაბიშვილი გამოეხმაურა ინფორმაციას, რომ რუსეთის თეატრალური ხელოვნების ინსტიტუტის სტუდენტებმა რუსთაველის თეატრის სცენაზე წარმოდგენა გამართეს — ღონისძიება 9 მაისს მიეძღვნა. ამ ფაქტზე ყურადღება პირველად სოციალური სამართლიანობის ცენტრის ხელმძღვანელმა, თამთა მიქელაძემ გაამახვილა.

რუსთაველის თეატრის დირექტორი გია თევზაძე „ტვ პირველთან” ინტერვიუში გამოცხადდა: „რუსთაველის თეატრის სცენა იჯარით გავეცით, მაქსიმალური თანხა ავიღეთ, და თუ მომავალშიც ასეთი შესაძლებლობა იქნება — ასევე მოვიქცევი.” მისი განმარტებით, ამ ტიპის გადაწყვეტილება კულტურის სამინისტროს თანხმობას არ საჭიროებს.

ამ ეპიზოდმა, სადაც ეროვნული მნიშვნელობის სიმბოლური კულტურული სივრცე, ომის პერიოდში, 9 მაისთან დაკავშირებულ რუსულ ღონისძიებას გაუხსნა კარი, ქვეყანაში ფართო დისკუსია გამოიწვია.