საქართველოს მეხუთე პრეზიდენტი სალომე ზურაბიშვილი Facebook Live-ში სვანეთში კრიპტომაინინგის ფერმების ამოღებაზე ისაუბრა.

„ეს მათი მუდმივი ტაქტიკაა — სხვადასხვა თემებით გადაიტანოს ყურადღება. ერთ თემაზე ამოაწვება, მერე ჩააწვება, სხვას ამოაწვება. ყველა ის თემა, რომელიც შეიძლება საზოგადოებას აღელვებდეს, ზუსტ მომენტში ჩნდება და ქრება,” — განაცხადა ზურაბიშვილმა.

მისი თქმით, ელექტროენერგიის გაძვირება პირდაპირ კავშირშია მაინინგის ფერმებთან. „რეალურად, მოსახლეობა იხდის იმისთვის, რომ ამ ფერმებს ფაქტობრივად უფასოდ ჰქონდეს ელექტრო დენი,” — დასძინა მან.

ზურაბიშვილმა პირდაპირ განაცხადა, რომ „მაინინგების მთავარი მფლობელი ივანიშვილია.”

კონტექსტი: შინაგან საქმეთა სამინისტრომ ბოლო დღეებში მესტიის მუნიციპალიტეტში ჩატარებული ჩხრეკების შედეგად 47 მაინინგის მოწყობილობა ამოიღო.