საქართველოს მეხუთე პრეზიდენტი სალომე ზურაბიშვილი ფეისბუქ-ლაივში ქვეყნის პოლიტიკურ ვითარებასა და მომავალ არჩევნებზე ისაუბრა. მისი შეფასებით, ოპოზიციური სპექტრი ნებისმიერ სცენარს — მათ შორის რეჟიმის მიერ არჩევნების დანიშვნასაც — მზად უნდა შეხვდეს.

ზურაბიშვილმა ხაზგასმით განაცხადა, რომ ბოიკოტი ამჯერად მიუღებელია: „შეიძლება, ეს რეჟიმი იძულებული გახდეს, არჩევნები დანიშნოს. როდის, როგორ — არ ვიცი, მაგრამ ჩვენ ამისთვის შინაგანად მზად უნდა ვიყოთ. არანაირი ბოიკოტი. სხვა გზა არ არსებობს.”

მისი თქმით, მომავალი პროცესი ჩვეულებრივ პარტიულ კამპანიას გადასცდება: „ეს ყველაფერი იქნება ბრძოლა — დაწყებული უცხოეთში ხმების დასაბრუნებლამდე. ეს იქნება ერთი დიდი ფრონტი, წინააღმდეგობის ბრძოლა დღევანდელ რეჟიმთან, რომელსაც დაერქმევა არჩევნები. ეს იქნება დღეს, ხვალ თუ 2028 წელს — მნიშვნელობა არ აქვს, მანამდე ხომ უნდა გავძლოთ.”

ზურაბიშვილი ასევე მოუწოდებს ქვეყანაში ყოფნის გარეშე ხმის მიცემის შესაძლებლობისთვის ბრძოლას და ხაზს უსვამს, რომ ამჯერად ყველა ეტაპი — საარჩევნო ადმინისტრაციიდან ხმების დათვლამდე — გადასამოწმებელია.